|
Myanmar Books
Publishers
|
|
|
More ...
|
Latest 10 New Arrivals
Book Details
|
|
- Description: ငယ်စဉ်က မုံရွာမြို့၊ အရှေ့လယ်တီတိုက်၊ အုတ်ကန်တောရစာသင်တိုက်၊ ဇောတိကကျောင်းတိုက်များတွင် စာပေသင်ယူခဲ့ပြီး ပထမကြီးတန်းအောင်ပြီးနောက် နိုင်ငံတော် ပရိယတ္တိသာသနာ့တက္ကသိုလ် (ရန်ကုန်)သို့ တက်ရောက်ခဲ့သူ စာရေးသူက သူ၏ ပညာသင်ကြားရေးအတွေ့အကြုံ ဆောင်းပါးများနှင့် ဓမ္မရံသီ၊ ဓမ္မရတနာ မဂ္ဂဇင်းများပါ ထေရဝါဒအမြင် စင်ကြယ်ရေးအတွက် ဦးတည်ရေးသားထားသည့် ဆောင်းပါးများကို စုစည်း၍ စာအုပ်အဖြစ် ထုတ်ဝေထားခြင်းဖြစ်သည်။ မြန်မာဘုန်းတော်ကြီးကျောင်းများနှင့် နိုင်ငံတော် ပရိယတ္တိသာသနာ့တက္ကသိုလ် (ရန်ကုန်)တို့တွင် အခက်အခဲ အမျိုးမျိုးကြားမှ ပညာသင်ကြားခဲ့ရပုံများကို ကွက်ကွက်ကွင်းကွင်းမြင်အောင် ရေးသားထားနိုင်သည်ကို တွေ့ရပြီး ပညာသင်ကြားရာတွင် သတိပြုသင့်သည့် အချက်များကို စာတွေ့နှင့် ကိုယ်တွေ့ပေါင်းကာ စိတ်ဝင်စားဖွယ် ရေးသားထားသည်။ စာသင်သားနှင့် မေးခွန်းသုံးချက်၊ စာသင်သားနှင့် နာငါးနာ၊ စာသင်သားနှင့် တာလေးတာ၊ သင်းပျက်များအကြောင်း၊ သစ်လွင်နေဆဲစာသင်နည်း၊ ကြည်ညိုတတ်စေချင်အပါအဝင် ဆောင်းပါး ၁၆ ပုဒ်ပါရှိသည်။ စာရေးသူဆရာတော်သည် နိုင်ငံတော် ပရိယတ္တိသာသနာ့တက္ကသိုလ် (ရန်ကုန်)မှ သာသန တက္ကသီလ ဓမ္မာစရိယဘွဲ့ ရရှိပြီးနောက် ၎င်းတက္ကသိုလ်မှာပင် ဆရာအဖြစ် တာဝန်ထမ်းဆောင်ကာ ပရိယတ်စာပေများကို ပို့ချ သင်ကြားပေးလျက်ရှိသည်။ ထို့ပြင် အတွေးသစ်ဂျာနယ်အပါအဝင် ဂျာနယ်နှင့် မဂ္ဂဇင်းများတွင် ဝါသနာအလျောက် ဆောင်းပါးများ ရေးသားလျက်ရှိသည်။
|
|
|
မှတ်ချက်: အထက်ပါ item ရရှိနိုင်မှုသည် စုဆောင်းပြီးချိန်မှသာ အတည်ပြုနိုင်မည် ဖြစ်ပါသည်။
Attention: Availability can be confirmed after item has been collected.
|
|
|
|