|
|
Myanmar Books
Publishers
|
|
|
|
More ...
|
Latest 10 Editor's Choices
Book Details
|
- မြန်မာ့မင်းခမ်းတော်များနှင့် နန်တွင်းသုံး ရွှေထည်ပစ္စည်းများ (The Myanmar Royal Regalia & Royal Household Articles)
-
-
Author(s):
စိန်မျိုးမြင့်
- Type: Myanmar Books
-
Category:
အနုပညာ / ဖျော်ဖြေရေး
- No of Pages: 64
- Binding: Paperback
- Publication Month Year: Jan-2023
- Size: 19 cm x 27 cm
|
- Description: ဤစာအုပ်သည် မြန်မာတို့၏ နောက်ဆုံးဘုရင်ဖြစ်သော သီပေါမင်းတရား၏ လက်ထက်တော်တွင် သီဟာသန ပလ္လင်တော်ရှေ့၌ ခင်းကျင်းခဲ့အသုံးပြုခဲ့သော လက်ဝဲ၊ လက်ယာ မင်းခမ်းတော် ဓာတ်ပုံများကို မှတ်တမ်းတင် ဖော်ပြထားသော စာအုပ် ဖြစ်သည်။ ၁၈၈၆ ခုနှစ်၊ မြန်မာနိုင်ငံတစ်ဝန်းလုံး အင်္ဂလိပ် ကိုလိုနီဘဝ ကျရောက်သည့်အချိန်မှစ၍ မြန်မာအမျိုးသားများ၏ အထွတ်အမြတ်ထားရာ သီဟာသနပလ္လင်တော်ကို အိန္ဒိယနိုင်ငံ၊ ကာလကတ္တားမြို့သို့ ယူဆောင်သွားခဲ့သည့်အပြင် မင်းခမ်းတော်ပစ္စည်းများ၊ နန်းတွင်းပစ္စည်းများကိုလည်း အင်္ဂလန်နိုင်ငံသို့ ယူဆောင်သွားခဲ့ကြရာ မြန်မာနိုင်ငံ လွတ်လပ်ရေးရသည့် ၁၉၄၈ ခုနှစ်တွင် မြန်မာအစိုးရ၏ မေတ္တာရပ်ခံချက်အရ ထိုနှစ်တွင်ပင် သီဟာသနပလ္လင်တော်ကိုလည်းကောင်း၊ ၁၉၆၄ ခုနှစ်တွင် မင်းခမ်းတော်ပစ္စည်းများနှင့် နန်းတွင်း ပစ္စည်းအချို့ကို လည်းကောင်း ပြန်လည်ရရှိခဲ့သည်။ ပြန်လည်ရရှိခဲ့သော ပစ္စည်းများအနက် ပြသရန် သင့်လျော်သော မင်းခမ်းတော်ပစ္စည်းများ၊ နန်းတွင်းပစ္စည်းများနှင့် မင်းမြောက်တန်ဆာများကို အမျိုးသားပြတိုက်ကြီး၊ မင်းခမ်းတော်ပစ္စည်းများ ပြခန်းတွင် ပြသထားသည်ကို ဂုဏ်ယူ ဝမ်းမြောက်ဖွယ် တွေ့မြင်ကြရမည် ဖြစ်သည်။ မင်းခမ်းတော်ပစ္စည်းများဟုဆိုရာတွင် ရွှေနန်းတော်တွင်း နေ့စဉ်သုံး ရွှေထည်ပစ္စည်းများကိုဆိုခြင်း မဟုတ်ပေ။ လွတ်လပ်ခြင်း၊ အချုပ်အခြာအာဏာပိုင်စိုးခြင်း၊ မြင့်မြတ်ခြင်း၊ ခန့်ညားခြင်း၊ ကျက်သရေ မင်္ဂလာအပေါင်းနှင့် ပြည့်စုံခြင်းတို့၏ သင်္ကေတဖြစ်သော သီဟာသနပလ္လင်တော်ကြီး၏ရှေ့တွင် ခင်းကျင်းရပြီး မင်း၏ အခမ်းအနားသုံးဖြစ်သည့် ကျောက်မျက်ရတနာ စီခြယ်ထားသော ရွှေထည်ပစ္စည်းများကို ဆိုခြင်း ဖြစ်သည်။ ထိုပစ္စည်းများကို ခေတ်အဆက်ဆက် မှတ်တမ်းမှတ်ရာများဖြင့် စနစ်တကျ မှတ်တမ်းတင်ထားခဲ့သည့်အတိုင်း လက်ဝဲမင်းခမ်းတော် ၁၈ ခု၊ လက်ယာမင်းခမ်းတော် ၁၇ ခုဟူ၍ ပုံသေသတ်မှတ်ပြီး ခင်းကျင်းရခြင်းဖြစ်သည်။ လက်ဝဲ၊ လက်ယာ မင်းခမ်းတော်များကို သတ်မှတ်ရာ၌ ခေတ်ကာလအရလည်းကောင်း၊ မှတ်တမ်းမှတ်ရာများအရ လည်းကောင်း အနည်းငယ်ကွဲပြားမှုရှိသည်။ ဤစာအုပ်တွင် ဖော်ပြထားသော မင်းခမ်းတော်ဓာတ်ပုံများသည် သီပေါမင်းတရားလက်ထက် အသည်ဝန် တိုင်တားမြို့စားမင်း မင်းကြီးမဟာသီဟသူရ မှတ်တမ်းတင်ပြုစုစီရင်ခဲ့သော နန်းတွင်းပုရပိုက်ဖြူပါ မင်းခမ်းတော်ပုံများ၊ နိုင်ငံဂုဏ်ဆောင် အမျိုးသားပြတိုက်ကြီးတွင် ပြသထားရှိသော ကုန်းဘောင်ခေတ် မင်းခမ်းတော် ပစ္စည်းများ၏ ဓာတ်ပုံများ ဖြစ်သည်။ ထို့ပြင် မင်းခမ်းတော်မဟုတ်သော နန်းတွင်းသုံး ရွှေထည်ပစ္စည်းများကိုလည်း တစ်ခန်းတစ်ကဏ္ဍအဖြစ် ဖော်ပြပေးထားသည်။
|
|
|
|
|
|
|
|
|