Editor's choices of ကလေးစာပေ

အံ့သြဖွယ်ရာ ကလေးတို့ ကိုယ်ခန္ဓာ (လင်းတည်ဦး) (ကလေးစာပေ)

Brigid Avison ရေးသားသည့် I Wonder why I Blink And Other Question About My Body စာအုပ်ကို ဘာသာပြန်ဆိုထားခြင်း ဖြစ်သည်။ ခန္ဓာကိုယ်နှင့်ပတ်သက်၍ ကလေးများ မေးတတ်ကြသည့် မေးခွန်းများကို မူရင်းစာအုပ်ပါ ရောင်စုံသရုပ်ဖော်ပုံများ၊ သိပ္ပံနည်းကျ ရှင်းလင်းချက်များနှင့်တကွ ရှင်းလင်းရေးသားထားသော စာအုပ်ဖြစ်သည်။ ခန္ဓာကိုယ်အစိတ်အပိုင်းများတစ်ခုချင်းစီ၏ လုပ်ငန်းတာဝန်၊ အလုပ်လုပ်ပုံ၊ ၎င်းနှင့်ပတ်သက်သည့် ဝေဒနာများခံစားရသည့် အကြောင်းနှင့် ကာကွယ်ပုံများကို နားလည်သဘောပေါက်နိုင်ကြမည် ဖြစ်သည်။

ဝန်ဇင်းမင်းရာဇာ လျှောက်ထုံးပုံပြင်များ (အတွဲ ၁) (ကြည်နိုင်) (ကလေးစာပေ)

စကားပြောစွမ်းရည်၊ ဝေါဟာရကြွယ်ဝမှု၊ စကားပြောဆိုမှုပုံစံ၊ အခက်အခဲများ ဉာဏ်နှင့် ဖြေရှင်းပုံ၊ စဉ်းစားတွေးခေါ်မှု၊ အထွေထွေဗဟုသုတ၊ မြန်မာ့သမိုင်းနှင့် ယဉ်ကျေးမှုဆိုင်ရာ ဗဟုသုတများကို လေ့လာသင်ယူနိုင်သည့် ဝန်ဇင်းမင်းရာဇာ၏ ပညာသားပါပါ လျှောက်တင်ပုံများကို ပုံပြင်များအဖြစ် ရေးသားထားခြင်း ဖြစ်သည်။

လက်ရွေးစင် မြန်မာပုံပြင်များ (Selected Myanmar Tales) (အင်္ဂလိပ် + မြန်မာ) (တက်တိုး) (ကလေးစာပေ)

ရှင်မွေးနွန်း၊ မင်းနန္ဒာ၊ လကမ္ဘာက ဆန်ဖွပ်သည့် အဘိုးအိုအပါအဝင် မြန်မာပုံပြင် ၁၅ ပုဒ်ကို ဆရာကြီး ဦးတက်တိုးက အင်္ဂလိပ် မြန်မာ ၂ ဘာသာဖြင့် ဖတ်ရှုနိုင်အောင် စီစဉ်ရေးသားထားသော စာအုပ်ဖြစ်သည်။

ကလေးကြေးမုံ ငှက်မျိုးစုံ (မြန်မာ့ရိုးရာ ငှက်ပုံပြင်များ) (ကြည်ဦး) (ကလေးစာပေ)

မြန်မာစာဆိုတို့ အသည်းနှလုံးဖြစ်သော ဇီဝဇိုး၊ ငုံး၊ မယ်ယှတို့အစ ရွှေပြည်စိုး၊ လွမ်းကြင်၊ မေဂေါတို့အလယ် ငွေဗျိုင်းဖြူလေးတို့အဆုံး ငှက်အမျိုး ၃ဝ တို့အကြောင်းကို သူတို့နှင့်ယှဉ်၍ အစဉ်အလာ မှတ်သားပြောဆိုကြသော ဒဏ္ဍာရီပုံပြင်လေးများ၊ သူတို့နှင့် သက်ဆိုင်ရာ ပျို့ကဗျာကောက်နုတ်ချက်များ၊ သူတို့၏ သဘာဝများအပြင် သူတို့၏ ရုပ်ပုံလေးများဖြင့် ပူးတွဲ၍ ရေးသားတင်ပြထားသော စာအုပ်ဖြစ်သည်။ မိမိတို့ကလေးငယ်များအား ပုံပြင်ကောင်းများ ဖတ်ရှုစေလိုသော မိဘများအတွက် စာအုပ်ကောင်းတစ်အုပ်ပင် ဖြစ်သည်။

သားငယ် သမီးငယ်တို့ သိထားဖို့ စုံလင်ကွဲပြားမှုများအကြောင်း (ဒေါက်တာခင်) (ကလေးစာပေ)

Felicity Brooks ရေးသားသည့် All About Diversity စာအုပ်ကို မူရင်းစာအုပ်ပါ သရုပ်ဖော်ပုံများနှင့်အတူ ဘာသာပြန်ဆိုပေးထားခြင်း ဖြစ်သည်။ ကလေးငယ်များကို လူသားအချင်းချင်း ကွဲပြားခြားနားမှု၏ တန်ဖိုးကို ပျော်ရွှင်စွာ ရှာဖွေလေ့လာဖို့ ကူညီပေးမည့် စာအုပ်ဖြစ်သည်။ ထို့ပြင် လူတိုင်းကို ကြင်နာပြီး တန်းတူညီမျှစွာ တုံ့ပြန်ဆက်ဆံတတ်ဖို့၊ လူတစ်ဦးချင်းစီရဲ့ ကိုယ်ပိုင်ထူးခြားချက်တွေကို လက်ခံတန်ဖိုးထားတတ်ဖို့ အစရှိသည်တို့ကို လူသားများ၏ မတူကွဲပြားမှုပုံစံမျိုးစုံနှင့်အတူ ရှင်းလင်းရေးသားထားသည်။

ဆော်လော်နာဂပုံပြင်များ (လူထုဦးလှ) (ကလေးစာပေ)

နာဂမျိုးနွယ်လေးမျိုးအနက် ထန်ဂန်နာဂအနွယ်ဝင် ပိန်းကူးနာဂတို့၏ ရိုးရာပုံပြင် (၂၀) ပုဒ်ကို လူထုဦး လှက စုစည်းပေးထားခြင်း ဖြစ်သည်။

မြန်မာပုံပြင်များ (အတွဲ ၇) (လူထုဦးလှ) (ကလေးစာပေ)

အညာဒေသနေ မြန်မာတို့ ပြောလေ့ရှိကြသော ပုံပြင်များကို လူထုဦးလှက စုစည်းပေးထားခြင်း ဖြစ်သည်။

ကျောင်းကန်အနီးမှ မြန်မာပုံပြင်များ (အတွဲ ၂) (လူထုဦးလှ) (ကလေးစာပေ)

ရှေးမြန်မာများလက်ထက်က တပည့်ကိုရင်များသည် ဘုန်းတော်ကြီးများနှင့် ဦးပဉ္စင်းများအား တံတောင်ဖြင့် ကြိတ်ကာ ဝတ်ပြုပေးရသည်။ ထိုသို့ဝတ်ပြုနေစဉ်ကာလအတွင်း ကျောင်းသားများ မပျင်းရလေအောင်နှင့် လိမ္မာရေးခြားရှိစေရန်အတွက် ဇာတ်နိပါတ်များနှင့် ဆရာတော်ကြီးများ ငယ်စဉ်က မှတ်သားခဲ့ရသည်များကို ဟာသစွက်၍ ပုံပြောပြပေးကြသည်။ ထိုပုံပြင်များအနက်မှ အကောင်းဆုံးပုံပြင်များကို လူထုဦးလှက စုစည်း၍ အတွဲများခွဲကာ စာအုပ်ထုတ်ဝေခြင်းဖြစ်သည်။ ယခုဒုတိယတွဲတွင် ကျားဆိုတာ ကွမ်းသီးလုံးလောက်ပါ ဘုရား၊ ဒုက္ခမကြောက်သော ကပ္ပိယကြီး၊ အလှူ့ဒကာနှင့် ဇာတ်ဆရာ၊ သဘောချင်းနှောကြသည့် ဖိုးသူတော် ၂ ဦး၊ စာကျအောင် မဖတ်သူများ၊ မီးနိုင်ဂါထာ၊ ကျောက်ပါတယ် ရေမရောပါဘုရားအပါအဝင် ပုံပြင် ၅၁ ပုဒ်ပါရှိသည်။

တစ်ထောင့်တစ်ညပုံပြင် (အတွဲ ၁) (နဂါးဗိုလ်မောင်မောင်သက်) (ကလေးစာပေ)

ကမ္ဘာကျော် The Arabian Nights: Tales from a Thousand and One Nights စာအုပ်ပါ ပုံပြင်များကို ဘာသာပြန်ဆိုထားခြင်း ဖြစ်သည်။ ရှေးဟောင်း အာရေဗျ၊ ပါရှား၊ အိန္ဒိယ၊ တူရကီ၊ အီဂျစ် နှင့် မီဆိုပိုတားမီးယန်းစာပေများကို မြစ်ဖျားခံ၍ ရေးသားထားပြီး အာရေဗျယဉ်ကျေးမှုများ ထင်ဟပ်လျက်ရှိသည့် ပုံပြင်များဖြစ်ကြသည်။

ကမ္ဘာကျော် အံ့ဖွယ်ပုံပြင်များ (သစ္စာနီ) (ကလေးစာပေ)

WONDER STORIES စာအုပ်ပါ ပုံပြင်များ၊ နိုင်ငံတကာမှ ကောင်းနိုးရာရာပုံပြင်များကို လက်ရွေးစင်ရွေးချယ် ဘာသာပြန်ဆိုထားခြင်း ဖြစ်သည်။