Editor's choices of ကျန်းမာရေးနှင့် ဆေးပညာ

ဆရာလန်း၏ အဖြူရောင်ခြေရာများ (နယ်လှည့်ဆေးကုသမှု အတွေ့အကြုံမှတ်တမ်းများ) (ဆရာမြင့် (စကြာမင်း)) (ကျန်းမာရေးနှင့် ဆေးပညာ)

ပြည်လူထုအပေါ် ကျန်းမာရေးစောင့်မှုပေးလိုသော စိတ်ရင်းဖြင့် မြန်မာ့တိုင်းရင်းဆေးသမားတော်တစ်ဦး မြန်မာပြည်အနှံ့ ခြေဆန့်ခဲ့သည့် အတွေ့အကြုံမှတ်တမ်းစာအုပ် ဖြစ်သည်။ချင်းတောင်တန်း၏ မြူခိုးဝေသောအရပ်မှသည် တနင်္သာရီ၏ ပင်လယ်လေ တိုက်ခတ်ရာ အရပ်အထိ၊ ပဲခူးရိုးမ၏ တောနက်များမှသည် အညာမြေ၏ ပူပြင်းခြောက်သွေ့သော ရွာငယ်လေးများထိ လှည့်လှယ်သွားရောက်ပြီး ရောဂါဝေဒနာများကို ကုသပေးခဲ့ပုံများ၊ မြန်မာ့တောတောင်တို့ရှိ ဆေးဖက်ဝင်အပင်တို့၏ အစွမ်းသတ္တိများ၊ ဒေသခံတိုင်းရင်းဆေးဆရာကြီးတို့၏ လျှို့ဝှက်ဆန်းကြယ်သော ကုထုံးများနှင့် သူတို့ထဲမှ ပညာစုဆောင်းဆည်းပူးခဲ့ပုံများ၊ လက်တွေ့ကုသခဲ့ရသော လူနာများ၏ ဘဝဇာတ်ကြောင်းများ၊ မိမိတို့၏ အနီးအနားတွင် အလေ့ကျပေါက်နေသော်လည်း တန်ဖိုးမသိခဲ့ကြသော နွယ်မြက်သစ်ပင်တို့၏ အစွမ်းများနှင့် ဒေသန္တရဗဟုသုတများကို စာအုပ်တွင် ဗဟုသုတဖြစ်ဖွယ် ဖတ်ရှုကြရမည် ဖြစ်သည်။

မှတ်ဉာဏ် (ဒေါက်တာခင်မောင်လွင် (FAME)) (ကျန်းမာရေးနှင့် ဆေးပညာ)

လူတစ်ဦး၏ ပညာရေး၊ ကိုယ်ရည်ကိုယ်သွေး၊ လူမှုဘဝ နေ့စဉ်ဘဝဖြတ်သန်းမှု၊ ကြီးပွားအောင်မြင်ရေးတို့တွင် အဓိကကျသော မှတ်ဉာဏ်နှင့် ပတ်သက်သည့် ဆေးပညာဆိုင်ရာ ဗဟုသုတများ၊ အာရုံငါးပါးမှ ရလာသော မှတ်ဉာဏ်ကို သိမ်းဆည်းသော ဦးနှောက်အကြောင်း၊ မည်သို့သိမ်းဆည်းပုံ၊ မှတ်ဉာဏ်ကောင်းလိုက လိုက်နာရမည့် စားသောက်နေထိုင်မှုပုံစံ၊ မှီဝဲသင့်သည့် အစားအစာ၊ ရှောင်ကြဉ်သင့်သည့် ဆေးဝါး အစရှိသည်တို့ကို ယခုစာအုပ်တွင် ရောင်စုံဓာတ်ပုံများ၊ သရုပ်ဖော်ပုံများနှင့်တကွ ရှင်းလင်းရေးသားထားသည်။

ဆုံမှတ် (မိသားစုလက်စွဲ ကျန်းမာရေးလမ်းညွှန်) (The Junction: Family Health Guide) (ဆရာမြင့် (စကြာမင်း)) (ကျန်းမာရေးနှင့် ဆေးပညာ)

တိုင်းရင်းမြန်မာဆေးပညာ၏ အခြေခံသဘောတရားဖြစ်သော ဓာတ်ကြီးလေးပါးမျှတရန် အရေးကြီးပုံ၊ အိမ်တွင်းရှိ သဘာဝဆေးဖက်ဝင်ပစ္စည်းများဖြင့် ရိုးရှင်းသော ဝေဒနာများကို ကုစားနိုင်စေရန်၊ ခန္ဓာကိုယ်တွင်း အင်္ဂါများ အလုပ်လုပ်ပုံကို နားလည်ပြီး ရောဂါရှေ့ပြေးလက္ခဏာများကို စောစီးစွာ သိရှိပြီး အချိန်မီကုသနိုင်ရန်၊ သိပ္ပံနည်းကျ အတည်ပြုထားသည့် ကာကွယ်နည်းများဖြင့် ရောဂါဘယများကို ဟန့်တားရန် ရည်ရွယ်ရေးသားထားသော စာအုပ်ဖြစ်သည်။ အဖြစ်များရောဂါများအကြောင်းကို ခေတ်သစ်ဆေးပညာ၊ တိုင်းရင်းဆေးပညာနည်းအရ ကုထုံး၊ ရုပ်ပိုင်းနှင့် စိတ်ပိုင်းဆိုင်ရာ ကျန်းမာရန်အတွက် နေ့စဉ်နေထိုင်မှုပုံစံ အစရှိသည်တို့ကို ဆေးပညာနှစ်ရပ်စလုံး၏ အမြင်ဖြင့် ပြည့်ပြည့်စုံစုံ ရှင်းလင်းရေးသားထားသည်။

အချိန်ပိုင်း အစာရှောင်ခြင်း (Intermittent Fasting 2026) (Health & Fitness Doctor (‌M.B.B.S (YGN)‚ Dip in Fitness & Nutrition (Pennsylvania‚ U.S.A) (Trainer of Personal Traniners)) (ကျန်းမာရေးနှင့် ဆေးပညာ)

Fasting လုပ်နေသူများ၊ လုပ်မည့်သူများ သိထားရမည့် ခန္ဓာကိုယ်အဆီချခြင်း၊ ကြွက်ားထု ထိန်းသိမ်းခြင်းဆိုင်ရာ ကျန်းမာရေးသိပ္ပံတွေ့ရှိချက်များကို ကမ္ဘ္ဘာကျော် ဝိတ်ချကျွမ်းကျင်သူ ဆီးနှင့် ကျောက်ကပ် အထူးကုဆရာဝန်ကြီး Dr. Jason Fung ၏ ပြောကြားချက်များကိုကား၍ ရေးသားရှင်းလင်းထားသော စာအုပ်ဖြစ်သည်။

အလေးအနက်ထားစရာ လျစ်လျူရှုခံရောဂါများ (ဒေါက်တာချိုနိုင် (အေးချမ်းရိပ်)) (ကျန်းမာရေးနှင့် ဆေးပညာ)

ကမ္ဘာတစ်ဝန်း အဖြစ်များသော်လည်း ကာကွယ်တိုက်ဖျက်ရေးအတွက် အခက်အခဲနှင့် စိန်ခေါ်မှုများရှိသည့်အတွက် မပပျောက်သေးသည့် ဘူးရှီလာအရေပြား အနာရောဂါ၊ အနာကြီးရောဂါ၊ ဝဲရောဂါ၊ ယောရောဂါ၊ လစ်ရှ်မာနီယပ် အရေပြားရောဂါ၊ မြစ်ကမ်းနား မျက်စိကွယ်ရောဂါ၊ ဆင်ခြေထောက်ရောဂါ၊ အနာအိုင်ရောဂါနှင့် ယားယံခြင်းကိုဖြစ်စေသော ခရုကိုက်ရောဂါ၊ သန်လုံးကောင်ရောဂါ၊ တုပ်ကောင်ရောဂါ စသည်တို့၏ ရောဂါတို့အကြောင်းကို ဖြစ်ပွားစေသည့် ရောဂါပိုး၊ ရောဂါလက္ခဏာများ၊ ရောဂါကူးစက်ပုံတို့ကို ပြည့်စုံစွာ ဖော်ပြထားသည့် စာအုပ်ဖြစ်သည်။ စာရေးသူသည် ဤစာအုပ်ဖြင့် ၂၀၂၃ ခုနှစ်အတွက် စာပေဗိမာန်စာမူဆု သုတပဒေသာ (ရိုးရိုးသိပ္ပံနှင့် အသုံးချသိပ္ပံ) တတိယဆုကို ဆွတ်ခူးနိုင်ခဲ့သည်။

ခြေလှမ်း ၁၀,၀၀၀ ကပေးတဲ့ စွမ်းအားများနှင့် အထွေထွေကျန်းမာရေးဆောင်းပါးများ (ဒေါက်တာရဲ (‌M.B.,B.S)) (ကျန်းမာရေးနှင့် ဆေးပညာ)

မြန်မာလူမျိုးတွေအကြား အမြစ်တွယ်နေသည့် ကျန်းမာရေး အယူအဆ အမှားများ (ဥပမာ - အားဆေးသွင်းမှ အားရှိမယ်၊ ထမင်းများများစားရင် အားရှိတယ်၊ ရေသန့်ကို ကြိုသောက်ရင် ကင်ဆာဖြစ်မယ် အစရှိသည်ဖြင့် ...)၊ အခြားသိသင့်သိထိုက်တဲ့ အခြေခံကျန်းမာရေးအသိများ၊ လေးလေးနက်နက် သိထားရမယ့် ကျန်းမာရေးအသိများ၊ ကျန်းကျန်းမာမာ ချမ်းချမ်းသာသာ နေထိုင်နိုင်စေဖို့အတွက် လိုက်နာရမည့် အချက်များ၊ ရှောင်ကြည်ရမည့်အချက်များ၊ ကြိုတင်ကာကွယ်လုပ်ဆောင်သင့်သည့် အချက်များကို ဆောင်းပါး (၂၉) ပုဒ်ဖြင့် ရေးသားရှင်းလင်းထားခြင်း ဖြစ်သည်။

ဂရုစိုက်ပါ၊ ပျော်ရွှင်ပါ၊ (အထွေထွေကျန်းမာရေး ဆောင်းပါးများ) (ခွန်းညိုသွေး) (ကျန်းမာရေးနှင့် ဆေးပညာ)

မိသားစုတိုင်း သိထားသင့်သည့် အခြေခံကျန်းမာရေးဗဟုသုတများ၊ အဖြစ်များသည့် ကျန်းမာရေးပြဿနာများ၊ မျှဝေလိုသော ကျန်းမာရေးဗဟုသုတများကို ဆောင်းပါးများခွဲ၍ မျှဝေရေးသားထားခြင်း ဖြစ်သည်။

အလုံးစုံ ပျောက်ကင်းစေနိုင်သော မူလအရင်းခံ ဆေး သို့မဟုတ် Vitamin C (ကပ္ပတိန်နေဦး (B.Sc., Master Mariner)) (ကျန်းမာရေးနှင့် ဆေးပညာ)

လူသိနည်းသေးသည့် ဗီတာမင်စီအကြောင်း၊ ဗီတာမင်စီ တစ်မျိုးတည်းဖြင့် ပိုလီယိုအပါအဝင် ရောဂါပေါင်းများစွာကို အံ့ဖွယ်ကုသနိုင်ပုံ၊ ဗီတာမင်စီနှင့် ပတ်သက်၍ လက်ခံထားကြသည့် လွဲမှားနေသည့် အသိများအစရှိသည်တို့ကို ဆောင်းပါး (၂၀) ပုဒ်ခွဲ၍ ရေးသားရှင်းလင်းထားခြင်း ဖြစ်သည်။

ဆရာဝန်မရှိတဲ့ နေရာ (သိထားသင့်တဲ့ အခြေခံကျန်းမာရေးဗဟုသုတနှင့် အထွေထွေဆေးဝါးများ) (ဒေါက်တာမိုးဇော်အောင် (ဘုန်းသက္က)) (ကျန်းမာရေးနှင့် ဆေးပညာ)

ကျန်းမာရေးနှင့် ဆေးဝါးအသုံးပြုမှုဆိုင်ရာ အခြေခံအယူအဆများကို လူတိုင်းနားလည်လွယ်သည့် အရေးအသားပုံစံဖြင့် ရှင်းလင်းရေးသားထားသော စာအုပ်ဖြစ်သည်။ အခြေခံကျန်းမာရေးဗဟုသုတနှင့် အထွေထွေဆေးဝါးများအကြောင်း နားလည်သိရှိလိုသူများ၊ ဆေးဆိုင်ဖွင့်နေသူများ၊ ဆေးကုမ္ပဏီဝန်ထမ်းများ၊ ဆေးဝါးကျွမ်းကျင်သင်တန်းများအတွက် လက်စွဲထား ဖတ်ရှုသင့်သည့်စာအုပ်ဖြစ်သည်။

ဆေးဖြစ်စေသော အစာ၊ ဘေးမဖြစ်စေရန် စားသုံးခြင်း (ကျော်ဦး) (ကျန်းမာရေးနှင့် ဆေးပညာ)

နေ့စဉ်စားသုံးနေသော အစာများသည် အရသာခံဖို့၊ အဆာပြေဖို့ စသည့် ကောင်းကျိုးများ ပေးနိုင်သလို အစားမတော်ပါက မထင်မှတ်သော ဆိုးကျိုးများပေးနိုင်ပုံ၊ ကောင်းကျိုးကို မည်သို့ တိုးပွားစေနိုင်ပုံနှင့် ဆိုးကျိုးကို မည်သို့လျှော့ချနိုင်ပုံ၊ အာဟာရများကို မည်မျှအတိုင်းအတာဖြင့် မည်သို့စားသောက်သင့်ပုံ၊ မည်သည့်အတွက်ကြောင့် စားရပုံ အစရှိသည်တို့ကို ရှင်းလင်းထားသော စာအုပ်ဖြစ်သည်။