Editor's choices of ဒဂုန်ရွှေမျှား

ဆိတ်ငြိမ်သော အိမ်ကြီးနှင့် ဖြစ်ရပ်ဆန်းကြယ် ဝတ္ထုတိုများ (ဒဂုန်ရွှေမျှား) (ဝတ္ထုတို)

ဆိတ်ငြိမ်သော အိမ်ကြီး၊ စုံထောက်လိမ်၊ ကုမာရသာမနှင့် သီရိမာဝတ္ထု၊ တရားခံများကို ခြေရာခံနည်း၊ မယားလိုချင်ပြီ ဘယ်လိုမယားကို ယူရမလဲ၊ ကြီးပွားမည့် အလုပ်၊ အပျော်အပါးနှင့် သဘောထား၊ ဘိန်းနှင့် ကံ၊ အထက်တန်းစားနှင့် တောသူ၊ တက်ခေတ်သူခိုး၊ ချစ်ပန်းငုံ အစရှိသည့် သည်းထိတ်ရင်ဖိုဝတ္ထုတို (၁၂) ပုဒ် ပါရှိသည့် စာအုပ်ဖြစ်သည်။

ဂါလီးဗားခရီးစဉ် (အင်္ဂလိပ် + မြန်မာ) (ဒဂုန်ရွှေမျှား) (ဝတ္ထုရှည်)

Jonathan Swift၏ Gulliver's Travelsကို ဘာသာပြန်ဆိုထားခြင်းဖြစ်သည်။ ၁၈ ရာစုနှစ်အတွင်းက ဖြစ်ပျက်ခဲ့သော အင်္ဂလန်နိုင်ငံအတွင်း ဖြစ်ပွားလျက်ရှိသော နိုင်ငံရေးပတ်သက်သည့် ကိစ္စအချို့တို့ကို ပေါ်လွင်စေရန် သရုပ်ဖော် ရေးသားထားတဲ့ ဇာတ်လမ်းဖြစ်သည်။ လစ်လီပူတီယန် ခေါ် သေးငယ်တဲ့ လူပုကလေးများအကြောင်းနှင့် ဗရော်ဒင်နာဂီယန်ခေါ် လူထွားကြီးများအကြောင်းကို ပုံဝတ္ထုများသဖွယ် ပျော်ရွှင်စွာဖတ်ရှုကြရမည် ဖြစ်သည်။ အင်္ဂလိပ်ဘာသာ လေ့လာလိုသူများအတွက် အထောက်အကူစေရန် မူရင်း အင်္ဂလိပ်ဘာသာဖြင့် တစ်မျက်နှာ၊ ဘာသာပြန်ဆိုသူ၏ မြန်မာပြန်ဆိုချက်တစ်မျက်နှာပုံစံဖြင့် ဖော်ပြထားသည်။

ထောင်မင်းသား ဦးဘိုးထော် (ဒဂုန်ရွှေမျှား) (ဝတ္ထုရှည်)

အင်္ဂလိပ်အစိုးရက မြန်မာပြည်ကို သိမ်းပိုက်စဉ်ကာလအတွင်း အကျဉ်းထောင်များကို မည်သို့မည်ပုံ အုပ်ချုပ်စီမံသည်ကိုလည်းကောင်း၊ ထောင်ကျအကျဉ်သားများကို မည်သို့ဆက်ဆံသည်ကိုလည်းကောင်း ကိုယ်တွေ့ကြုံခဲ့ရသူ ဒဂုန်ရွှေမျှားကိုယ်တိုင်က သူထောင်ထဲ၌ ရှိစဉ်ကာလအတွင်းက အတူနေ ထောင်သားတစ်ယောက်၏ ပြောပြချက်များကို ဝတ္ထုပုံစံဖြင့် ပြန်လည်ရေးသားထားခြင်းဖြစ်သည်။ ထောင်မင်းသား ဦးဘိုးထော်၏ ထောင်အတွင်းသို့ ရောက်လာပုံ နောက်ခံဇာတ်လမ်းနှင့်တကွ ထောင်တွင်းတွင် တွေ့ကြုံခဲ့ရသည်များကို စိတ်ဝင်စားဖွယ် ဖတ်ရှုကြရမည်ဖြစ်သည်။ ဒဂုန်ရွှေမျှား၏ အကောင်းဆုံးလက်ရာတစ်ခုဖြစ်သလို နိုင်ငံခြားတွင် အခြားဘာသာများသို့ပါ ဘာသာပြန်ခြင်းခံရသည့် နာမည်ကျော်ဝတ္ထုလည်းဖြစ်သည်။

လူတစ်လုံး သူတစ်လုံး (ဒဂုန်ရွှေမျှား) (သုတစာပေ)

သည်းထိတ်ရင်ဖို ဘာသာပြန်ဝတ္ထုစာရေးဆရာကြီး ဒဂုန်ရွှေမျှား၏ တက်ကျမ်းဆောင်းပါးများ ပါဝင်သည့် စာအုပ်ဖြစ်သည်။ ကြီးပွားအောင်မြင်လိုသူတိုင်း သိထားရမည့် မိတ်ဆွေဖွဲ့နည်း၊ အပေါ်ယံအဆင်း ညံ့ဖျင်းစေကာမူ အောင်မြင်သော ဥပဓိရုပ်ကို တဖြည်းဖြည်း လေ့ကျင့်မွေးမြူနိုင်သည့် ဥပဓိရုပ်ဖော်နည်း၊ စိတ်ဓာတ်မွေးမြူနည်း၊ အလုပ်လက်မဲ့ဖြစ်နေသူများ အလုပ်ရှာနေသူများ လိုက်နာကျင့်သုံးရမည့် မိမိကိုယ်ကို စွံအောင်ထုတ်နည်း၊ မှတ်ဉာဏ်သန်စွမ်း ကြံ့ခိုင်စေရန်အတွက် စိတ်ကိုလေ့ကျင့်နည်း၊ အာရုံစူးစိုက်နည်းများကို ဆရာကြီးက သူကိုယ်တိုင် လေ့လာစမ်းသပ်ရာမှ ရရှိလာခဲ့သည့် အတွေ့အကြုံများနှင့်အတူ ယှဉ်တွဲ ရေးသားထားသည်။

ဝိညာဉ်လောက ဝတ္ထုတိုများ (ဒဂုန်ရွှေမျှား) (ဝတ္ထုတို)

စာရေးသူ ရေးသားသည့် တမလွန် ဖြစ်ရပ်ဆန်းကြယ်ဝတ္ထုတို ၁၃ ပုဒ်ကို စုစည်းကာ စာအုပ်အဖြစ် ထုတ်ဝေထားခြင်းဖြစ်သည်။

လူရည်ချွန် (ဒဂုန်ရွှေမျှား) (အတ္ထုပ္ပတ္တိ / ကိုယ်တွေ့မှတ်တမ်း)

ဆင်းရဲသားခေါင်းဆောင် လီနင်၊ သမ္မတလင်ကွန်း၊ ဗိုလ်ချုပ်အောင်ဆန်း၊ သူတော်စဉ်ဂန္ဓီ၊ မျိုးချစ်ရီရော်၊ အမေရိကန်ဖခင်ကြီးဝါရှင်တန်၊ အာဇာနည် ဆွန်ယက်ဆင်၊ “ကြီး”တစ်လုံးရ ဂျွန်ဆင်၊ စွယ်စုံဦးစ၊ စာဆိုတော်တဂိုး၊ ခေတ်ရှေ့ပြေး တော်စတွိုင်း၊ လူရည်ခွှန် ကျန်စစ်သား၊ သူရဲကောင်းဂျုန်း၊ မီးအိမ်ရှင်မ နိုက်တင်ဂေးတို့အကြောင်းကို သူတို့ဖြတ်သန်းခဲ့ရသည့် နိုင်ငံရေးအခြေအနေနှင့် တစ်ဦးချင်း၏ နိုင်ငံရေး, လူမှုရေးလုပ်ဆောင်ချက်များနှင့်အတူ မှတ်တမ်းတင်ရေးသားထားသည့် စာအုပ်ဖြစ်သည်။

ပီမိုးနင်း၏ ဘဝနှင့် စာပေ (ဦးသုခ, မောင်ထင်, တက်တိုး, မြသန်းတင့်, ရွှေဥဒေါင်း, ညိုမြ, ဒဂုန်ရွှေမျှား, ဇဝန, လူထုဒေါ်အမာ, ဒေါက်တာခင်မောင်ညွန့်, မင်းယုဝေ, ဒဂုန်ဦးစန်းငွေ, မောင်သာနိုး, သခင်မြသန်း, သိန်းဖေမြင့်, ဂျာနယ်ကျော်ဦးချစ်မောင်, ဗန်းမော်တင်အောင်, ငွေဥဒေါင်း (ဦးကြီးမောင်), ကေခိုင် (K. Khine (MA)), ဗမိုး, ရန်အောင်, လူထုဦးလှ, ဌေးမောင်, တိုက်စိုး, မင်းကျော် (မလိခ), တင့်တယ်, ဇေယျ, ဓူဝံ, မင်းဆွေ, မြကေတု, တက္ကသိုလ်မြတ်သူ, ဦးချစ်လှိုင်(ခ) ကိုကိုမောင်ကြီး, မောင်မောင်ကြီး, မောင်စွမ်းရည်, မြေနီသစ္စာ, သိန်းအောင်, ဦးအုန်းလွင်, ဒဂုန်နတ်ရှင်, သင်္ခါ, မြမျိုးလွင်, မောင်တင်ရွှေ, မောင်စိန်သော်, သုံးဆယ်ထိဋ်တင်မြင့်, မြို့မမောင်, မာဃ, ဦးတင်ဝင်း, မောင်နေလ, ကာတွန်းဦးဟိန်စွန်း, ကျော်ထင်, အနေမာရီယာအက်ရှက်, အမ်မိုးနင်း, ရွှေကျေး, ညွန့်ဝင်း, ဗန္ဓုလဦးဘိုးမင်း, ကြော့ကေခိုင်, ဝတ်မှုံနီ, မလှကျော့, မောင်ကို (မုံရွာ), လှိုင်ဦး, ထွန်းလှိုင် (ဓာတ်ပုံ)) (အတ္ထုပ္ပတ္တိ / ကိုယ်တွေ့မှတ်တမ်း)

မြန်မာစာပေသမိုင်းတွင် မြန်မာစာပေ တိုးတက်ကြီးပွားရေးအတွက် တပ်ဦးက ခေါင်းဆောင်မှုပေးခဲ့သည့် စာပေသူရဲကောင်းဖြစ်ရုံသာမက မြန်မာ့ရုပ်ရှင်သမိုင်းတွင်လည်း ရုပ်ရှင်လောက တိုးတက်အောင်မြင်ရေးအတွက်ပါ ခေါင်းဆောင်မှုပေးခဲ့သော ခေတ်ဆန်းစာရေးဆရာကြီး ပီမိုးနင်း၏ ဘဝနှင့် အနုပညာအကြောင်းကို စာရေးဆရာအသီးသီးက ဆောင်းပါးတစ်ပုဒ်စီဖြင့် ဂုဏ်ပြုရေးသားထားကြခြင်း ဖြစ်သည်။

ကမ္ဘာကို ကိုင်လှုပ်သူ (ဒဂုန်ရွှေမျှား) (ဝတ္ထုရှည်)

Sir H.Rider Haggard၏ သည်းထိတ်ရင်ဖို ဝတ္ထုရှည်ဖြစ်သည့် When The World Shookကို ဘာသာပြန်ဆိုထားခြင်းဖြစ်သည်။ လူရိုင်းကျွန်းပေါ်သို့ ရောက်ရှိသွားရာမှ ဂမ္ဘီရဆန်ဆန်ထူးဆန်းထွေလာများကို ကြုံတွေ့ရပုံများကို သည်းထိတ်ရင်ဖိုဇာတ်လမ်းတစ်ပုဒ်အနေဖြင့် ဖတ်ရှုကြရမည် ဖြစ်သည်။

ဒိဗ္ဗသောတနားကြပ်နှင့် ဖြစ်ရပ်ဆန်းကြယ်ဝတ္ထုတိုများ (ဒဂုန်ရွှေမျှား) (ဝတ္ထုတို)

စာရေးသူ၏ ဂမ္ဘီရဆန်းကြယ် ဝတ္ထုတိုများဖြစ်ကြသည့် ဆန်းကြယ်သော ပန်းချီစုတ်တံတစ်ချောင်း၊ သုံးယောက်ပေါင်း လောင်းကျော်၊ မကြံအပ် မကြံစည်ရာ၊ သေမင်းမီးခိုး၊ ခေါင်းပြတ်သရဲ၊ နဂါးပတ်လက်စွပ်၊ နောက်ဆုံး ငါးမိနစ်၊ ဒိဗ္ဗသောတ နားကြပ်၊ ဘုန်းကြီးတစ္ဆေ၊ မျောက်စိတ်ဝင်သော သူသတ်ယောက်ျားအစရှိသည်တို့ကို စုစည်းထုတ်ဝေထားခြင်းဖြစ်သည်။

ကိုယ်ရည်ကိုယ်သွေး (Personality) (ဒဂုန်ရွှေမျှား) (လူမှုရေးနှင့် စိတ်ပညာ)

လူတစ်ဦးချင်းစီသည် မိမိတို့၏ ကိုယ်ပိုင်ကိုယ်ရည်ကိုယ်သွေးကို အမှီပြု၍ အလိုရှိရာကို အထမြောက်အောင်မြင်အောင် လုပ်ဆောင်နိုင်ရာ ဤစာအုပ်တွင် ကိုယ်ရည်ကိုယ်သွေးနှင့် ပတ်သက်၍ ဗဟုသုတများ၊ ဆောင်ရန်ရှောင်ရန်များ၊ ကိုယ်ရည်ကိုယ်သွေး မြှင့်တင်နည်းလမ်းများကို အကျယ်တဝင့် ရှင်းလင်းရေးသားထားသည်။