Most Visited of ကလေးစာပေ

လက်ရွေးစင် မြန်မာပုံပြင်များ (Selected Myanmar Tales) (အင်္ဂလိပ် + မြန်မာ) (တက်တိုး) (ကလေးစာပေ)

ရှင်မွေးနွန်း၊ မင်းနန္ဒာ၊ လကမ္ဘာက ဆန်ဖွပ်သည့် အဘိုးအိုအပါအဝင် မြန်မာပုံပြင် ၁၅ ပုဒ်ကို ဆရာကြီး ဦးတက်တိုးက အင်္ဂလိပ် မြန်မာ ၂ ဘာသာဖြင့် ဖတ်ရှုနိုင်အောင် စီစဉ်ရေးသားထားသော စာအုပ်ဖြစ်သည်။

ကမ္ဘာကျော် အီစွတ်ပုံပြင်များ (မင်းယုဝေ, ငွေတာရီ) (ကလေးစာပေ)

ဘီစီ ၆၂ဝ မှ ၅၆ဝ အတွင်း ပေါ်ထွန်းခဲ့သည့် ဂရိပညာရှိ အီစွတ်၏ မရိုးနိုင်သော အကျိုးပြုပုံပြင်များ ပါဝင်သည့် စာအုပ်ဖြစ်သည်။ အီစွတ်ပုံပြင်များသည် လူမျိုးဘာသာမရွေး လူသားတို့၏ ဉာဏဗလ၊ စာရိတ္တဗလနှင့် မိတ္တဗလတို့ကို ပျိုးထောင်ရာတွင် များစွာအထောက်အကူပြုသဖြင့် လူကြီးလူငယ်မရွေးနှစ်သက်ကြသောကြောင့် ကမ္ဘာပေါ်ရှိ ဘာသာစကားမျိုးစုံဖြင့် ဘာသာပြန်ဆိုခဲ့ကြသည်။ ဆရာကြီးမင်းယုဝေနှင့် ငွေတာရီတို့ကလည်း နှစ်သက်မြတ်နိုးကြသဖြင့် ၁၉၅၂ ဝန်းကျင်တွင် မြန်မာပြန်ဆိုခဲ့ပြီး ၁၉၅၄ ခုနှစ်တွင် လုံးချင်းစာအုပ်အဖြစ် ဤစာအုပ်ကိုထုတ်ဝေခဲ့သည်။ ဗဟုသုတဖြစ်ဖွယ် ပုံပြင်အမျိုးပေါင်း ၁၁၂ ပုဒ် ပါရှိသည့် ဤစာအုပ်သည် ၁၉၅၄ ခုနှစ် စာပေဗိမာန် ဘာသာပြန်စာပေဆုကို ဆွတ်ခူးနိုင်ခဲ့သည်။

တစ်ထောင့်တစ်ညပုံပြင်များ (အတွဲ ၁ + ၂ + ၃ + ၄ + ၅) (ကျော်လှိုင်ဦး) (ကလေးစာပေ, ဝတ္ထုရှည်)

ရှေးအခါက အိန္ဒိယ၊ ပါရှား၊ အာရေဗျတို့သည် အပြန်အလှန် ဆက်သွယ်ကုန်သွယ်ခဲ့ကြသည်။ အာရေဗျ သဲကန္တာရကြီးအတွင်း အာရပ်ကုန်သည်တို့သည် ကုလားအုပ်များဖြင့် ကုန်သွယ်သွားလာရင်း လူ့အကြောင်း လူ့သဘော လူ့မနောတို့ကို ပုံပြင်သဖွယ် ပြောဆိုခဲ့ကြသည်။ အာရပ်တို့သည် ပုံပြင်များစွာကို ပုလဲကုံးများသဖွယ် စီကာပတ်ကုံး ပြောဆိုခဲ့ရာ ရှာရယာမင်းညီနောင်၏ မယားများ မျောက်မွေးသောအဖြစ်မှ အစပြု၍ မဆုံးနိုင်သော ပုံပြင်ရှည်များ ဖြစ်လာခဲ့သည်။ ထိုသို့ ပြောဆိုချက်များသည် နှုတ်ပြောပုံပြင်အဖြစ် တည်ရှိနေခဲ့ရာမှ အာရဗီဘာသာဖြင့် မှတ်တမ်းတင်ခဲ့ကြရာမှ ဤ အာရပ်ညများခေါ် ပသီပုံပြင်ခေါ် တစ်ထောင့်တစ်ညပုံပြင်များ ပေါ်ပေါက်လာရခြင်းပင် ဖြစ်သည်။ ထိုပုံပြင်များကို ဆာဘွဲ့ရ ရစ်ချတ်ဗာတန်ဆိုသူသည် ၁၆ တွဲခွဲ၍ အာရဗီဘာသာမှ အင်္ဂလိပ်ဘာသာသို့ အစအဆုံး ပြန်ဆိုခဲ့ရာ သူ၏ ဘာသာပြန်ဆိုချက်များကို တဖန် စာရေးဆရာ ကျော်လှိုင်ဦးက မြန်မာဘာသာသို့ ၅ တွဲခွဲ၍ ပြန်ဆိုခဲ့သည်။ တစ်ထောင့်တစ်ညဝတ္ထုများကာ ဖျော်ဖြေမှုလည်းရစေ၊ လူ့ဘဝစရိုက်၊ လူ့လောက သဘောကိုလည်း ဆင်ခြင်ပွားများစေနိုင်သော လူကြီး လူငယ်မရွေး ဖတ်ရှုနိုင်သည့် ဂန္ထဝင်စာပေမျိုးဖြစ်သည်ကို တွေ့ရှိရမည်ဖြစ်သည်။ စာရေးသူသည် ဤစာအုပ်ဖြင့် ၁၉၈ဝ ခုနှစ်အတွက် အမျိုးသားစာပေဆု (ဘာသာပြန် - (ရသ)) ကို ရရှိခဲ့သည်။

လောဘကြီးသူ (ယဉ်ကျေးလိမ္မာ ပုံပြင်များ) (ရေချမ်း) (ကလေးစာပေ)

စာရေးသူ၏ မြန်မာပုံပြင် (၂၁) ပုဒ် စုစည်းမှု စာအုပ်ဖြစ်သည်။

ရယ်စရာ ရွှင်စရာ ဉာဏ်စမ်းပဟေဠိ (အတွဲ ၁၃) (ပူတူးတူးလေး အယ်ဒီတာအဖွဲ့) (ကလေးစာပေ)

ကလေးငယ်များ ဉာဏ်ရည်ဉာဏ်သွေး တိုးတက်စေရန်၊ ဗဟုသုတတိုးပွားစေရန်၊ အပျင်းပြေ ပဟေဠိဝှက်ကစားနိုင်စေရန်အတွက် ရည်ရွယ်ထုတ်ဝေထားသော စာအုပ်ဖြစ်သည်။ စာမျက်နှာတစ်မျက်နှာ၏ ရှေ့ဘက်၌ မေးခွန်းကို ဖတ်ရှုရမည်ဖြစ်ပြီး ၎င်း၏ အဖြေကို နောက်ကျောစာမျက်နှာတွင် ဖော်ပြပေးထားသည်။ (ဥပမာ - အပင်မရှိဘဲ သီးသည့်အသီးကို သိပါသလား? အဖြေသည် မိုးသီးဖြစ်သည်။) မေးခွန်းနှင့် အဖြေများကို ကလေးငယ်များ စိတ်ဝင်စားအောင် ကာတွန်းပုံများနှင့် သရုပ်ဖော်ရေးဆွဲပေးထားသည်ကို တွေ့ရသည်။

ဇာတ်တော်ကြီးဆယ်ဘွဲ့ (ပန်းချီဦးဘကြည်) (ကလေးစာပေ, ရုပ်ပြ / ကာတွန်း, ဘာသာရေး)

မြတ်စွာဗုဒ္ဓ၏ ပါရမီဖြည့်ရာ နောက်ဆုံးဆယ်ဘဝကို ကလေးငယ်များ သိထားစေရန် ရည်ရွယ်၍ ပန်းချီဆရာကြီးဦးဘကြည်က ရေးဆွဲပေးထားခြင်းဖြစ်သည်။ စာအုပ်ကို ဖတ်ရှုခြင်းအားဖြင့် ဗုဒ္ဓလောင်းလျာ၏ မွန်မြတ်သော စိတ်ထားနှင့် ကျင့်စဉ်ကို ကလေးငယ်များ အလွယ်တကူနားလည်စေနိုင်မည်ဖြစ်ပြီး ဘာသာတရားနှင့် မဝေးစေအောင် ဆွဲဆောင်ပေးမည် ဖြစ်သည်။ ၁၉၆၅ လွန်နှစ်များက တေဇရုပ်စုံတွင် အချိန် ၅ နှစ်ကျော်မျှ ရေးဆွဲခဲ့ပြီး ဆရာကြီး၏ ရုပ်စုံကာတွန်းများထဲတွင် အကောင်းဆုံးဟု ဆိုနိုင်သော မြန်မာလက်ရာစစ်စစ် ဇာတ်တော်ကြီးဆယ်ဘွဲ့ ရုပ်ပြဇာတ်လမ်းစာအုပ် ဖြစ်သည်။

Power Rangers Ninja Storm ပါဝါရိန်းဂျား နင်ဂျာမုန်တိုင်း (အင်္ဂလိပ် + မြန်မာ) (Happy Time အယ်ဒီတာအဖွဲ့) (ကလေးစာပေ)

လူကြိုက်များ ကာတွန်းဇာတ်လမ်းတစ်ပုဒ်ဖြစ်သည့် Power Rangers Ninja Stormကာတွန်းဇာတ်လမ်းကို အင်္ဂလိပ်မြန်မာ ၂ ဘာသာဖြင့် စီစဉ်ထုတ်ဝေထားခြင်း ဖြစ်သည်။ မူရင်းစာအုပ်အတိုင်း ရောင်စုံကာတွန်းလက်ရာများကို အစအဆုံး ထည့်သွင်းပေးထားပြီး အင်္ဂလိပ်စာကြောင်းများအောက်တွင် မြန်မာဘာသာကို တွဲဖက်ကာ ဖော်ပြထားသည့်အတွက် မြန်မာကလေးငယ်များ ဇာတ်လမ်းအကြောင်းကို အခက်အခဲမရှိ အလွယ်တကူ သိရှိနိုင်ကြမည်ဖြစ်သည်။ အင်္ဂလိပ်ဘာသာစကားကို လေ့လာလိုသူများအတွက်လည်း အထောက်အကူပြုမည့် စာအုပ်ဖြစ်သည်။

ငွေဗျိုင်းဖြူလေး လှသူဇာ ပုံပြင်များ (နှင်းနှင်းအေး) (ကလေးစာပေ)

ကလေးငယ်များ အသိအလိမ္မာတိုးစေမည့် မြန်မာ့ရိုးရာ ပုံပြင် ၁ဝ ပုဒ်ဖြစ်သည့် ပညာရှိသော သူဌေးသမီး၊ ငွေဗျိုင်းဖြူလေး လှသူဇာ၊ ကတိသစ္စာတည်သောအခါ၊ တရားကို နတ်စောင့်ပါတယ်၊ သမီးချော မြမဉ္စူ၊ သဒ္ဓါတရားနှင့် ပြည့်စုံသော မိန်းကလေး၊ ရဲစွမ်းသတ္တိရှိသောသူ၊ စစ်မှန်သော ရွှေဒင်္ဂါးပိုင်ရှင်၊ မြပုလဲသွယ်၊ စည်းလုံးညီညာအောင်ကြောင်းဖြာတို့ကို စုစည်းထုတ်ဝေထားခြင်းဖြစ်သည်။

ဘိုးဘိုးပြောသော ပုံပြင်များ (နှင်းနှင်းအေး) (ကလေးစာပေ)

ပုံပြင် ၁၇ ပုဒ်ပါဝင်သည်။

ကျောင်းကန်အနီးမှ မြန်မာပုံပြင်များ (အတွဲ ၁) (လူထုဦးလှ) (ကလေးစာပေ)

ရှေးမြန်မာများလက်ထက်က တပည့်ကိုရင်များသည် ဘုန်းတော်ကြီးများနှင့် ဦးပဉ္စင်းများအား တံတောင်ဖြင့် ကြိတ်ကာ ဝတ်ပြုပေးရသည်။ ထိုသို့ဝတ်ပြုနေစဉ်ကာလအတွင်း ကျောင်းသားများ မပျင်းရလေအောင်နှင့် လိမ္မာရေးခြားရှိစေရန်အတွက် ဇာတ်နိပါတ်များနှင့် ဆရာတော်ကြီးများ ငယ်စဉ်က မှတ်သားခဲ့ရသည်များကို ဟာသစွက်၍ ပုံပြောပြပေးကြသည်။ ထိုပုံပြင်များအနက်မှ အကောင်းဆုံးပုံပြင်များကို စုစည်း၍ အတွဲများခွဲကာ စာအုပ်ထုတ်ဝေခြင်းဖြစ်သည်။