Most Visited of ဝါသနာ / အပန်းဖြေ / လက်မှုပညာ

“ဖဲ”မျက်လှည့် ပြနည်းများ (အတွဲ ၁) (ဆရာစက္ကောမ) (ဝါသနာ / အပန်းဖြေ / လက်မှုပညာ)

မြဝတီအပါအဝင် ရုပ်သံလိုင်းများတွင် တင်ဆက်ရာမှ လူသိများလာသူ စာရေးသူက ဤစာအုပ်တွင် ဖဲချပ်များသုံးကာ မျက်လှည့်ပြနည်း ၄၂ နည်း၏ လျှို့ဝှက်ချက်များနှင့် မျက်လှည့်ပြပုံ ပြနည်း အဆင့်ဆင့်ကို ဓာတ်ပုံများနှင့်တကွ ရှင်းလင်းရေးသားထားသည်။

လက်သမားလုပ်ငန်း အတတ်ပညာ (ဦးကိုကိုလေး) (ဝါသနာ / အပန်းဖြေ / လက်မှုပညာ)

လက်သမားတိုင်း သိထားသင့်သော သိကောင်းစရာများနှင့် လက်သမား အတတ်ပညာအကြောင်းကို အသေးစိတ်ရှင်းထားသော စာအုပ်ဖြစ်သည်။ စာအုပ်တွင် သစ်သား၏ အစိတ်အပိုင်းများအကြောင်း၊ သစ်သား အတန်းအစားများအကြောင်း၊ အထပ်သားများအကြောင်းကို ဦးစွာရှင်းလင်းထားသည်။ ထို့နောက် လက်သမားလုပ်ငန်းဆိုင်ရာများဖြစ်သည့် ရွေပေါ်ထိုး၊ လွှဖြတ်၊ သံရိုက်ခြင်း၊ သစ်သားအဆက်များ ကြာရှည်ခံနိုင်ရန် ပြုလုပ်ခြင်း၊ လျှာထိုးပျဉ်ကြမ်းခင်းခြင်း၊ ပါကေးခင်းခြင်း၊ ကြမ်းခင်းအောက်ခံ ပြုလုပ်ခြင်း၊ သစ်သားတန်းကြမ်းကြဲခင်းခြင်း၊ အုတ်ထောင်၍စီသော ကြမ်းခင်း၊ သစ်သားမျက်နှာကြက် ပြုလုပ်နည်းတို့ကိုလည်းကောင်း၊ လက်သမားသုံး ကိရိယာများကို ကိုင်တွယ် အသုံးချနည်းနှင့် အခေါ်အဝေါ်များ၊ သစ်သားထည် အစိတ်အပိုင်းများ တည်ဆောက်နည်းဖြစ်သည့် သစ်သားအဆက် ပြုလုပ်နည်းအမျိုးမျိုး၊ ပရိဘောဂလုပ်ငန်းများတွင် လက်သမားအတတ်ပညာကို အသုံးချပုံ၊ ပျဉ်ထောင်နှင့် ပြတင်းများ ပြုလုပ်ပုံ၊ ပရိဘောဂများ အလွယ်ကူဆုံး ပြုလုပ်နည်းများကို စုံစုံလင်လင် ရှင်းပြထားသည်။

လှပဆန်းပြား ဟန်သစ်ဒီဇိုင်းများ (ဗီးနပ်(စ်)) (ဝါသနာ / အပန်းဖြေ / လက်မှုပညာ)

၂ဝ၁ဝ ကမ္ဘာ့ဖလားဘောလုံးပြိုင်ပွဲကြီးတွင် နာမည်ကျော် ဘောလုံးသမားများ ထိုးထားသော Tattoo(တက်တူး)ဒီဇိုင်း ၂၃၄ ပုံပါဝင်သည့် စာအုပ်ဖြစ်သည်။ ဤစာအုပ်ပါ ဒီဇိုင်းပုံစံများကို အသုံးပြု၍ မိမိတို့၏ ကိုယ်ပိုင်အဝတ်အစာများတွင် ဒီဇိုင်းအလှဆင်ခြင်း၊ Sequenceထိုးခြင်း၊ ဇာပန်းထိုးခြင်း၊ တက်တူထိုးခြင်းနှင့် အခြား အလှအပကိစ္စရပ်များတွင် စိတ်တိုင်းကျ သုံးစွဲနိုင်သည်ဟု ဤစာအုပ်ပြုစုသူက ဆိုထားသည်။

တစ်ချောင်းထိုး ထိုးနည်း (အတွဲ ၁) (စိန်စိန်ဦး) (ဝါသနာ / အပန်းဖြေ / လက်မှုပညာ)

သိုးမွှေး တစ်ချောင်းထိုးနည်း အဆင့်ဆင့်ကို သရုပ်ဖော်ပုံများနှင့်တကွ ရှင်းပြထားသော စာအုပ်ဖြစ်သည်။ အနွေးထည်၊ စားပွဲခင်း၊ စွယ်တာ၊ အင်္ကျီ၊ ပန်းအိုးအောက်ခံ၊ စကတ်၊ မာဖလာ၊ ခြုံပဝါ၊ အိပ်ယာခင်း၊ ခေါင်းစွပ်ဘလောက်(စ်)၊ ဦးထုပ်၊ အလှဝတ်အင်္ကျီအပါအဝင် ထိုးနည်းပေါင်း ၂၅ နည်းပါရှိပြီး အခြေခံမှစတင်ကာ တစ်ဆင့်ချင်းအလိုက် ရှင်းလင်းစွာဖော်ပြထားသည်။

လေ့လာပျော်စရာ မျက်လှည့်ပညာ (ဆရာစက္ကောမ) (ဝါသနာ / အပန်းဖြေ / လက်မှုပညာ)

မြဝတီရုပ်သံတွင် တင်ဆက်ဖူးသော စာရေးသူ မျက်လှည့်ဆရာ၏ မျက်လှည့်နည်းများကို ကာတွန်းပုံများနှင့်တကွ ရှင်းပြထားခြင်းဖြစ်သည်။ အလွယ်တကူ ပြုလုပ်နိုင်သော်လည်း အခြားသူများအား အံ့အားသင့်စေမည့် မျက်လှည့်နည်းများ ဖြစ်ကြသည်။

အမျိုးသမီးဝတ် အင်္ကျီဒီဇိုင်းပညာ (အတွဲ ၁) (ဗန်ကို (မဒေါက်)) (ဝါသနာ / အပန်းဖြေ / လက်မှုပညာ)

Small, Mediumနှင့် Largeများခွဲ၍ အပေါ်ဝတ်အင်္ကျီ၊ ရှပ်တိုက်အင်္ကျီ၊ နွေဝတ်အင်္ကျီ၊ ကုတ်ကော်လံတုအင်္ကျီ စသည်နှင့် မီနီစကပ်၊ ခြေပွဘောင်းဘီ၊ ဘောင်းဘီပွစသည့် အမျိုးသမီးဝတ်အင်္ကျီ၊ ဘောင်းဘီ၊ ဂါဝန်ချုပ်နည်းပေါင်း (၄၀) ကို တိုင်းတာညှပ်နည်း၊ နမူနနာစဖြတ်စပုံ၊ အစအဆုံး ချုပ်နည်းများအပြင် သရုပ်ဖော်ပုံများကိုပါ ထည့်သွင်း ရှင်းလင်းထားသည့် စာအုပ်ဖြစ်သည်။

ဖက်ရှင်ဒီဇိုင်းအသစ်များ ညှပ်နည်းချုပ်နည်း (အတွဲ ၂) (စိန်စိန်ဦး) (ဝါသနာ / အပန်းဖြေ / လက်မှုပညာ)

ရှပ်ကော်လာနှင့် ဘလောက်၊ ခေါင်းစွပ်ဘလောက်၊ အရိပ်ပန်းအင်္ကျီ၊ ရှပ်ကော်လာနှင့် တွင်းဆက်အင်္ကျီ၊ ဂါဝန်၊ ပါတိတ်၊ စီးကွင့်၊ စပန့်၊ ဇာဖက်ရှင်ပုံဆန်းအင်္ကျီနှင့် အခြားစိတ်ဝင်စားဖွယ်ချုပ်နည်းများ စုစုပေါင်းအားဖြင့် ညှပ်နည်းချုပ်နည်း ၃၇ နည်း ပါရှိသည့် စာအုပ်ဖြစ်သည်။

မြန်မာမှု ဒီဇိုင်းကောင်းများ (Ancient Myanmar Designs) (အင်္ဂလိပ် + မြန်မာ) (ဒေါက်တာသန်းထွန်း, မောင်အေးမြင့် (မြန်မာမှုဒီဇိုင်းသုတေသီ)) (ဝါသနာ / အပန်းဖြေ / လက်မှုပညာ)

မြန်မာမှု အမွမ်းအပြောက် အနုပညာနယ်ပယ်သည် ကျယ်ဝန်းလှသလို နက်ရှိုင်းလှသည်။ ထိုသို့ ကျယ်ဝန်းနက်ရှိုင်းလှသာ မြန်မာမှုဒီဇိုင်း လက်ရာကောင်းများအကြောင်းကို ဒေါက်တာသန်းထွန်း၏ ရှင်းလင်းချက်၊ မြန်မာမှုဒီဇိုင်းသုတေသီဖြစ်သူ ဦးအေးမြင့်၏ သရုပ်ဖော်ပုံများနှင့်အတူ ဤစာအုပ်တွင် ဖတ်ရှုကြရမည် ဖြစ်သည်။

ဆံထုံး၊ မိတ်ကပ်၊ နည်းပညာ အစွမ်း (ချန်လုံး) (ဝါသနာ / အပန်းဖြေ / လက်မှုပညာ)

ဆံပင်၊ မိတ်ကပ်ပညာရှင်ကြီးများဖြစ်ကြသော ကိုမာ၊ စိုးစိုး၊ တိုးတိုး၊ ခင်စန်းဝင်း၊ သော်သော်မြင့်မိုရ်၊ ချန်လုံးတို့၏ မိတ်ကပ်၊ ဆံထုံး ပြင်ဆင်နည်းအဆင့်ဆင့်ကို ရောင်စုံဓာတ်ပုံများနှင့်တကွ မှတ်တမ်းတင်ထားခြင်းဖြစ်သည်။ ခင်ဇာခြည်ကျော်၊ ဆုပန်ထွာ၊ မေကဗျာ၊ သဒ္ဒါထက်၊ ရွှေစင်၊ ဂျူးဂျူးကေ၊ စံရတီမိုးမြင့်၊ မေဖြူဖြူ၊ ဝင့်ဒါလီ၊ ပန်းနုပြုံး၊ ညိမ့်ဝေဖူးသက်၊ နန်းမြတ်ဖြိုးသင်း၊ အိချောဘို၊ အယ်စိုင်းလူ၊ မရိနာ၊ ဝါဆိုမိုးဦး၊ စန္ဒီလတ်၊ ခြူးသက်နွယ်၊ မြတ်နိုးအိမ်၊ နိုနိုကေ၊ အိုင်း၊ မေပန်းချီ အစရှိသည့် ရုပ်ရှင်နှင့် ဗီဒီယိုအနုပညာရှင်များက မော်ဒယ်များအဖြစ် ပါဝင်ထားကြသည်။ အလှပြင်ဆင်ခြင်းများ အဆင့်ဆင့်ကို အစမှ အဆုံး တစ်ဆင့်ချင်း ဓာတ်ပုံများနှင့်တကွ ဖော်ပြထားသည်။

ရွှေနိုင်ငံ Fashion Collection (အတွဲ ၁၀) (- (Myanmar Books)) (ဝါသနာ / အပန်းဖြေ / လက်မှုပညာ)

ဝတ်စားဆင်ယင်မှုဆိုင်ရာ ဖက်ရှင်ဒီဇိုင်းအသားပေး အလှဓာတ်ပုံ စာအုပ်ဖြစ်သည်။