Most Visited of ကျန်းမာရေးနှင့် ဆေးပညာ

ဖို + မ ဆက်ဆံရေး သိကောင်းစရာများ (ဒေါက်တာအောင်ခင်ဆင့်) (ကျန်းမာရေးနှင့် ဆေးပညာ)

လူပျိုလေး၊ အပျိုလေးများ၊ အရွယ်ရောက်စမှ အစ၊ အိမ်ထောင်ရှင် အမျိုးသား၊ အမျိုးသမီးတို့အတွက် ဖိုမဆက်ဆံရေး အကြောင်းအရာ ၁ဝဝ ကျော်ကို လိင်ပညာပေးအသွင်ဖြင့် ဇယားပုံများနှင့်တကွ ရေးသားရှင်းလင်းထားသော စာအုပ်ဖြစ်သည်။ ကမ္ဘာတည်စ ဖိုနှင့် မ၊ ကျားမကို ခွဲခြားသည့် X-Y၊ အပျိုဝင်စအရွယ် ခန္ဓာကိုယ်ပြောင်းလဲပုံနှင့် အမျိုးသမီး မျိုးပွားအင်္ဂါအစိတ်အပိုင်းများအကြောင်း၊ အရွယ်ရောက် လူပျိုပေါက်ကလေးများအကြောင်းနှင့် ယောက်ျားလေး၏ မျိုးပွားအင်္ဂါအစိတ်အပိုင်းများအကြောင်း၊ သမီးအပျိုစစ်လိုလျှင်၊ လင်နှင့် မယား ဆက်ဆံရေးရေး၊ သုတ်ကောင်ဖြစ်ပေါ်လာပုံနှင့် သန္ဓေအောင်မြင်ပုံ အဆင့်ဆင့်၊ မိသားစု ကျန်းမာရေး စီမံကိန်း၊ သန္ဓေခြားပုံ နည်းမျိုးစုံနှင့် အားသာချက် အားနည်းချက်များ၊ ကိုယ်ဝန် ရှိ မရှိ သိပုံ၊ ကိုယ်ဝန်သည်တို့ သိမှတ်စရာ၊ သန္ဓေကိုယ်ဝန် အဆင့်ဆင့် ပြောင်းလဲလာပုံ၊ ကိုယ်ဝန်သည်တို့ တွေးတောမှု၊ ခံစားမှုနှင့် စိတ်ဝေဒနာ၊ မိခင်နှင့် အဟာရဓာတ်၊ ကိုယ်ဝန်နှင့် ယှဉ်သော ဒုက္ခများ ကင်းဝေးရေးအတွက် သိထားသင့်သည်များ၊ မီးဖွားချိန်၊ ကိုယ်ဝန်သည်တို့ ရင်သားထိန်းသိမ်းရေး၊ ကြိုတင်ကာကွယ်နိုင်သော အသက်ကို ရန်ရှာနိုင်သည့် ကိုယ်ဝန်နှင့် အန္တရာယ်များ၊ AIDS ရောဂါအကြောင်း အပါအဝင် အရွယ်ရောက်ပြီး အမျိုးသား အမျိုးသမီးတိုင်း သိထားသင့်သော ဖို + မ ကျန်းမာရေး ဗဟုသုတများ ပါဝင်သည်။

အမျိုးသားတွေ လိုချင်တာက SEX အမျိုးသမီးတွေ လိုအပ်တာက LOVE (ဒေါက်တာမိုလာ) (ကျန်းမာရေးနှင့် ဆေးပညာ)

လိင်မှုကိစ္စနှင့် အိမ်ထောင်ရေးအပေါ် အမျိုးသမီးနှင့် အမျိုးသားတို့၏ ကွဲပြားခြားနားသော သဘောထားမတူညီမှုများကို သိပ္ပံနည်းကျ သုတေသနပြု ရေးသားရှင်းလင်းထားသော စာအုပ်ဖြစ်သည်။ စာရေးသူက “ မတူညီသော အချက်များမှ မိမိစတ်နှင့် သဘောထားတူသူများသည် ပြုပြင်သင့်သည်ကို ပြုပြင်ပြီး အမျိုးသားနှင့် အမျိုးသမီး၏ လိုအင်ဆန္ဒများကို ဖြည့်စွက်နေထိုင်ခြင်းသည် Love, Sex ၏နောက်ကွယ်တွင် ရှိနေသော bondingသည် ပို၍ ကြာရှည်နိုင်ပြီး ခန္ဓာကိုယ် ကျန်းမာရေးပြည့်စုံခြင်းနှင့်အတူ မရှိမဖြစ် လိုအပ်သော အိမ်ထောင်ရေးဘဝကို သာယာစွာ ခံစားစံစားနေနိုင်မည်ဖြစ်ပါကြောင်း စာအုပ်ကို ဖတ်ရှုခြင်းဖြင့် သိရှိနိုင်ပါမည် ” ဟု စာအုပ်အကြောင်းကို အမှာစာတွင် ရေးသားထားသည်။

ကျန်းမာရေး ဗဟုသုတ သိမှတ်ဖွယ်ရာများ (မျိုးအောင်ဆွေ (ဆေး-သု)) (ကျန်းမာရေးနှင့် ဆေးပညာ)

အင်တာနက်မှ ရရှိသော ကျန်းမာရေးနှင့် ပတ်သက်သည့် သတင်းအတိုအထွာများကို စုပေါင်းထုတ်ဝေထားခြင်းဖြစ်သည်။ စာအုပ်တွင် သတင်းအကြောင်းအရာ ၉ဝ ခန့်ပါရှိပြီး ရောဂါများနှင့် ပတ်သက်သော သိကောင်းစရာ အကြောင်းအရာများ၊ စာတမ်းများ၊ ဆောင်းပါးများ၊ ဆေးပညာဆိုင်ရာ နိုဘယ်ဆုရရှိသော ပုဂ္ဂိုလ်များအကြောင်းနှင့် အခြားဗဟုသုတဖြစ်ဖွယ် သိကောင်းစရာများတို့ကို ထည့်သွင်းဖော်ပြထားသည်။ နှမ်းနှင့် ဓာတ်မတည့်မှု၊ ဥစားသုံးခြင်းအတွက် အကြံပေးချက်၊ ချော့ကလက်၏ ကောင်းကျိုး ဆိုးကျိုး၊ သံလွင်ဆီနှင့် နှလုံး၊ နှလုံးရောဂါနှင့် နို့၊ သွေးကင်ဆာနှင့် လက်ဖက်စိမ်း လက်ဖက်ကြမ်း၊ ဆီးကျိတ်ကင်ဆာကို ရပ်ဆိုင်းစေသည့် ငါးအဆီ၊ ဗီတာမင် စီ အီးတို့သည် ကိုယ်ဝန်ဆောင် အဆိပ်တတ်ရောဂါကို ကာကွယ်ပုံ၊ လေထုညစ်ညမ်းမှုသည် သားယောက်ျားလေးမွေးမှု လျော့နည်းစေပုံ၊ တင်ပါးအဆီများရင် အသားဆေးရဲ့ အစွမ်းကျဆင်းပုံ၊ စိတ်ဖိစီးမှုနှင့် ကော်လက်စထရော မြင့်တက်မှု၊ ဦးနှောက်သေဆုံးနေသော အမျိုးသမီး ကလေးမွေးဖွား၊ အနီရောင်ဆံကေသာရှင်များ အရေပြားကင်ဆာ အဖြစ်များ၊ အချိုရည်များတွင် တွေ့ရှိရသည့် ကင်ဆာဖြစ်စေသော Benzene၊ ပန်းသေပန်းညိုးနှင့် ဆေးလိပ်၊ မိုဘိုင်း(လ်)ဖုန်းနှင့် ဦးနှောက်ကင်ဆာ၊ မျိုးဆက်များကို အေးခဲစေသည့်နည်းဖြင့် သိမ်းထားမည့် အမျိုးသမီးများအကြောင်း၊ ဝသူများနှင့် မှတ်ဉာဏ်ချို့ယွင်းမှု၊ မိကျောင်းသွေးနှင့် HIVပိုးကို သတ်နိုင် မနိုင်အပါအဝင် ဆေးပညာလောက၏ နောက်ဆုံး တွေ့ရှိချက် ၉ဝကို စိတ်ဝင်စားဖွယ် ဖတ်ရှုကြရမည်ဖြစ်သည်။

ဖိုမသဘာဝနှင့် ဆေးပညာ (ဒေါက်တာမောင်မောင်ညို) (ကျန်းမာရေးနှင့် ဆေးပညာ)

ဖိုမဆက်ဆံမှုနှင့် စိတ်၊ သိပ္ပံနည်းကျ လေ့လာတွေ့ရှိချက်၊ မိန်းမတို့၏ သဘာဝနှင့် ယောက်ျားတို့၏ လိင်စိတ်၊ မိန်းမများ လိင်စိတ်ကုန်ခမ်းခြင်း၊ ဗိုက်ခွဲမွေးခြင်း၊ သွေးဆုံးခြင်းဆိုသည်မှာနှင့် သွေးဆုံးချိန်တွင် ပြောင်းလဲမှုများ၊ ယောက်ျားတို့၏ သဘာဝနှင့် စွမ်းအား၊ ဇရာနှင့် လိင်၊ ယောက်ျားတို့၏ သောက၊ ပီယဆေး ကာမအားတိုးဆေးများနှင့် ပတ်သက်၍၊ ယောက်ျားလျာ မိန်းမလျာပြဿနာနှင့် ဖိုဖိုချင်း မမချင်း စွဲမက်ဆက်ဆံမှုအကြောင်းတို့ အပါအဝင် ဖိုမလောကအကြောင်းကို ဤစာအုပ်တွင် အခန်း ၂၄ ခန်းခွဲကာ ရှင်းပြထားသည်။

ကျား၊ မစွယ်စုံ တိုင်းရင်းအားတိုးဆေးများ (ကျော်တင့်ဆွေ) (ကျန်းမာရေးနှင့် ဆေးပညာ)

မြန်မာ့တိုင်းရင်းဆေးကျမ်းများလာ ကာမအားဆေးအမျိုးမျိုး ဖော်စပ်နည်းအကြောင်းများ၊ ပန်းသေ, ပန်းညှိုးရောဂါများအတွက် စွမ်းအားဖြည့် အစားအစာများအကြောင်း၊ လိင်ပိုင်းဆိုင်ရာ ရောဂါများနှင့် တိုင်းရင်းလိမ်းဆေး ဖော်စပ်နည်းများအကြောင်း၊ သုတ်အားနည်းရောဂါကု အစားအစာများအကြောင်း၊ သုတ်ဓာတ်ကို ပွားများစေနိုင်သော အစားအစာများအကြောင်း၊ သုတ်ပွားအားတိုးဆေးများအကြောင်းကို ဆေးဖော်နည်းများနှင့်တကွ ပြည့်ပြည့်စုံစုံဖော်ပြပေးထားသော စာအုပ်ဖြစ်သည်။

ဖို + မ စိတ်ပညာ (Psychology of Sex) (ဒေါက်တာအုန်းမောင် (စိတ်ကျန်းမာရေးဆရာဝန်ကြီး)) (ကျန်းမာရေးနှင့် ဆေးပညာ)

ဖိုမဖြစ်ပေါ်ပုံ၊ ကြင်ဖော် ရွေး/ရှာခြင်းများ၊ အထိအတွေ့နှင့် ပက်သက်၍၊ လူငယ်နှင့် လိင်၊ သင်းကွပ်ခြင်းနှင့် အခြားလိင်ပိုင်းဆိုင်ရာ ဆောင်းပါးများပါဝင်သည်။

ဘီပိုး၊ စီပိုး ရှိသလား ? ဆေးမကုသေးရင် ဒီစာအုပ် ဝယ်ဖတ်ပါ (ဒေါက်တာဦးကျော်ဇေယျ (အသည်းအထူးကု)) (ကျန်းမာရေးနှင့် ဆေးပညာ)

မိမိတွင် အသည်းရောင် အသားဝါ ဘီပိုး စီပိုး ရှိနေပြီဟု သိရှိပြီးသူများ၊ မိမိကို ဘီပိုး စီပိုး ကူးစက်မည်ကို စိုးရိမ်ကြောက်ရွံ့နေသူများ သိရှိထားသင့်သည့် ဘီပိုး၊ စီပိုးဆိုင်ရာ ဗဟုသုတများအနက်မှ အရေးအကြီးဆုံး အချက်များကို တစ်မျက်နှာကာတွန်းများဖြင့် ပညာပေး တင်ပြထားခြင်းဖြစ်သည်။ ဘီပိုး စီပိုးရှိနေသူများ ရောဂါမကုသခင် ရောဂါ၏ သဘော သဘာဝ၊ ကုထုံးနှင့် ဆောင်ရန် ရှောင်ရန်များကို ဆွေးနွေးထားသလို ရောဂါမရှိသေးသူများ ဘီပိုး စီပိုးမကူးစက်နိုင်အောင် မည်သို့ ကာကွယ်နိုင်သည်ဆိုသည်ကိုပါ ဤစာအုပ်မှတဆင့် သိရှိကြရမည်ဖြစ်သည်။

တန်ခိုးကြီးသော ဂမုန်းပင်များ (အတွဲ ၁ + ၂) (ဆရာက) (စိုက်ပျိုးရေး, ကျန်းမာရေးနှင့် ဆေးပညာ, ဘာသာရေး)

ဂမုန်းအမျိုးမျိုးတို့၏ အကျိုးပေး၊ အကျိုးအာနိသင် မတူညီကြပုံ၊ အကျိုးပေး ဂမုန်းနှင့် မကျိုးမပေးသည့် ဂမုန်း၊ ဂမုန်းနှင့် ကိုယ်တွေ့ကြုံတွေ့ခဲ့ရသူများ၏ ပြောပြချက်များအပါအဝင် ဂမုန်းအကြောင်း သိကောင်းစရာများကို ဤစာအုပ်တွင် စုံလင်စွာ ဖော်ပြပေးထားသည်။ ပါဝင်သော ဂမုန်းမျိုးစိတ်အမည်များကို စာမြည်းရန်တွင် ဖတ်ရှုနိုင်ပါသည်။

လက်တွေ့အသုံးချ ဖိုမသဘာဝ (ဒေါက်တာအုန်းကျော်, ဒေါက်တာနေဝင်း) (ကျန်းမာရေးနှင့် ဆေးပညာ)

ဤစာအုပ်တွင် ယောက်ျားသဘာဝ၊ အမျိုးသမီး သဘာဝ၊ ဟိုမုန်းဓာတ်နှင့် ဖို မ သဘာဝ၊ ဟိုမုန်းဓာတ်နှင့် မ သဘာဝ၊ ဖို မ ဆက်ဆံရေး၊ ယောက်ျားသဘာဝ သိမှတ်ဖွယ်ရာများ၊ မိန်းမသဘာဝ သိမှတ်ဖွယ်ရာများ၊ အိမ်ထောင်ရေးလောကနှင့် ဖို မ သဘာဝ၊ ကိုယ်ဝန်ဆောင်ခြင်း၊ သားသမီး မထွန်းကားသော အိမ်ထောင်၊ သားသမီးများလျှင်၊ ဖို မ သဘာဝ ပြဿနာ နိဒါန်း၊ ယောက်ျားနှင့် ဖို မ အားနည်းရောဂါများ၊ ပန်းသေ ပန်းညှိုးဖြစ်စေသော အကြောင်းရင်းများ၊ လူမှုရေးနှင့် အိမ်ထောင်ရေးပိုင်းဆိုင်ရာ အကြောင်းရင်းများ၊ ပန်းသေ ပန်းညှိုးရောဂါကို ကုသခြင်း၊ အမျိုးသမီးနှင့် ဖို မ အားနည်း ရောဂါများ၊ ထူးခြားသော ဖို မ သဘာဝ ချွတ်ယွင်းချက်များအကြောင်းကို အသေးစိတ် ရေးသားရှင်းလင်းထားသည်။

အရိုးအဆစ် ကျီးပေါင်းရောဂါ လေ့ကျင့်ကာကွယ် ကုသနည်းများ (ဆရာမြင့် (စကြာမင်း)) (ကျန်းမာရေးနှင့် ဆေးပညာ)

အဖြစ်များလာသည့် အရိုးကျီးပေါင်းရောဂါနှင့် ပတ်သက်၍ ရေးသားထားသည့် Freedom From Cervical and Back Painစာအုပ်ကို ဘာသာပြန်ဆိုထားခြင်းဖြစ်သည်။ စာအုပ်တွင် အခံရခက်သလို ဆိုးရွားလှသည့် ဝေဒနာဖြစ်သည့် အရိုးကျီးပေါင်းရောဂါနှင့် ပတ်သက်၍ ဆေးဝါးမပါ မိမိကိုယ်တိုင် ပြုမူနေထိုင်နည်းများ၊ လေ့ကျင့်ခန်းများ၊ နှိပ်နယ်နည်းများကို ဖော်ပြထားသည့်အပြင် အရိုးကျီးပေါင်းရောဂါ၊ အရိုးအဆစ်၊ ကြွက်သား၊ အရွတ်နှင့် အာရုံကြောဆိုင်ရာ ရောဂါများကို မဖြစ်သေးလျှင် ကာကွယ်နိုင်အောင်၊ ဖြစ်ခဲ့လျှင်လည်း သက်သာပျောက်ကင်းအောင် ကာကွယ်နည်း ကုသနည်းများကို ရုပ်ပုံများနှင့်တကွ အသေးစိတ် ဖော်ပြထားသည်။ စာရေးသူသည် ယခင်က အရိုးကျီးပေါင်းရောဂါနှင့် ပတ်သက်၍ “အရိုးကျီးပေါင်းရောဂါ ကုထုံးဆေးဝါးများ”စာအုပ်နှင့် “အရိုးကျီးပေါင်းရောဂါနှင့် မြန်မာ့တိုင်းရင်းဆေးပညာ”စာအုပ် တို့ကို ရေးသားခဲ့ပြီး ၎င်းစာအုပ်များမှာ ရောဂါဖြစ်ကြောင်း၊ ဖြစ်ပုံ၊ ဖြစ်ဆဲလက္ခဏာများနှင့် ကာကွယ်နည်းများကို အထူးပြုဖော်ပြခဲ့သည်။ ယခုစာအုပ်မှာမူ ကာကွယ်နည်း၊ ကုသနည်းတို့ကို အကျဉ်းမျှသာ ဖော်ပြထားပြီး အရိုးကျီးပေါင်းရောဂါကို ကာကွယ်နိုင်သည့် လေ့ကျင့်ခန်းများ၊ လက်ရှိခံစားနေရသူများ သက်သာလျော့ပါးစေသည့် လေ့ကျင့်ခန်းများကို အလေးပေး ဖော်ပြထားသည်။