Most Visited of ကလောင်စုံ

အထက်တန်းဆင့် စာသင်သားများအတွက် ဂုဏ်ထူးရ စာကုံးမွန်များ (ကလောင်စုံ) (ပညာရေး)

ဂုဏ်ထူးဦးသိန်းနိုင်၏ မြန်မာစာဂုဏ်ထူးရှင် တပည့် (၄၅) ဦးတို့၏ စာစီစာကုံးလက်ရာ တစ်ပုဒ်စီကို ဤစာအုပ်တွင် ဖတ်ရှုကိုးကားနိုင်ကြမည် ဖြစ်သည်။

ထန်လှိုင် (ဒေါင်ဒေါင်မြည်တဲ့ အိုး) (ကလောင်စုံ) (အတ္ထုပ္ပတ္တိ / ကိုယ်တွေ့မှတ်တမ်း)

၁၉၇၃ ခုနှစ်တွင် ဝိဇ္ဇာဘွဲ့ (မြန်မာစာ)ရရှိခဲ့ပြီး ကြေးနန်းစာရေး၊ ရှေ့နေ၊ ရဲအရာရှိအပါအဝင် ဘဝမျိုးစုံကို ဖြတ်သန်းခဲ့သူ၊ “မြန်မာ့ရိုးရာ ထီးဓလေ့နှင့် ထီးလုပ်ငန်း”, “မြန်မာ့အိုး”, “ငြမ်း”, “ပင်းယ၊ အင်းဝခေတ် မြန်မာစာပေ”, “မြန်မာ့ဖက်ဝန်းလှီးပညာ” အစရှိသည့် စာမူများဖြင့် စာပေဗိမာန်ဆုများကိုလည်းကောင်း၊ “မြန်မာသဘာဝအမိုးများ”၊ “မပြတ်တွေ့နိုင်သည့် ဖိနပ်ဓလေ့”, “အိုးစာ” အစရှိသည့် စာမူများဖြင့် ပခုက္ကူဦးအုံးဖေဆုများကိုလည်းကောင်း၊ နောက်ဆုံး မကွယ်လွန်ခင်အချိန်က “ဂန္ထဝင်တေးသီငှက် (သို့မဟုတ်) တွံတေးသိန်းတန်”စာအုပ်ကို ရေးသားထုတ်ဝေခဲ့သူ မြန်မာမှု စာရေးဆရာ ထန်လှိုင်အကြောင်းကို သူ၏ အပေါင်းအသင်း ရောင်းရင်းများက ဆောင်းပါးတစ်ပုဒ်စီဖြင့် ဂုဏ်ပြုရေးသားပေးထားခြင်းဖြစ်သည်။

ယဉ်ကျေးမှု အသိလိမ္မာ နီတိမာလာ ဆုံးမစာ (ကလောင်စုံ) (ဘာသာရေး)

ဆုံးမစာ ပေါင်းချုပ်ဟု ဆိုနိုင်သည့် ဤစာအုပ်တွင် ရှင်မဟာရဋ္ဌသာရ၏ အနုသာသန ဆုံးမစာ၊ ရှင်မဟာရဋ္ဌသာရ ဆုံးမခန်း၊ တိလောကဟု ဆုံးမခန်း၊ တောင်ဖီလာဆရာတော်၏ ဆုံးမစာ၊ တွင်းသင်းမင်းကြီး မဟာစည်သူ၏ ကြောက်ကြီး ၉ လုံး ဆုံးမစာ၊ ဆရာတော် ဦးဗုဓ်၏ ဂီဟိဝိနယ ဆုံးမစာ၊ အတုလ ဆရာတော် ခင်ကြီးဖျော်၏ ပုတ္တောဝါဒ ဆုံးမစာ၊ ကန်တော်မင်းကျောင်းဆရာတော်၏ လောကသာရ ဆုံးမစာ၊ သင်္ဂဇာဆရာတော်၏ သိင်္ဂါလောဝါဒသုတ်ထွက် ကျင့်ဝတ်များ၊ စိန္တကျော်သူ ဦးသြ၏ သြဝါဒထူးပျို့ ဆုံးမစာ၊ နဝရတ်ကိုးသွယ် လင်္ကာ၊ ရွှေကျောင်းဆရာတော် ဦးပညာ၏ မာတောဝါဒ ဆုံးမစာ၊ မုံရွေးဆရာတော်၏ မောင်တုတ်ကြီးပေး ဆုံးမစာ၊ ကျည်းကန်ရှင်ကြီး၏ စကားပုံ မေတ္တာစာ၊ ဦးယာသို့ပေး - စကားပုံ မေတ္တာစာ၊ ပေါက္ကံမောင်ချို စကားပုံ၊ စဉ့်ပါဆရာတော်၏ ဓမ္မနီတိချိုး၊ စာတော်ပြင်ဆရာကြီး ဦးပညာ၏ သားရွှေဥ ဆုံးမစာ၊ နဂါးရုံကျောင်း ကိုရင်ကြီး၏ သားရွှေခဲ ဆုံးမစာ၊ ရတနာဘုံစံကျောင်း ကိုရင်ကြီး၏ သားရွှေတောင် ဆုံးမစာ၊ ကျောင်းစာရေး မောင်စံထိန်၏ သားရွှေကြူဆုံးမစာ၊ ထွဋ်ခေါင်ဆရာတော်၏ ကမ္မဋ္ဌာန်းသံပေါက်၊ ကျီးသဲလေးထပ်ဆရာတော်၏ ပူရာဏ် ဓမ္မဂန် ဖတ်စာ၊ လုံးတော်ဆရာတော်၏ သြဝါဒစာတမ်း၊ ညောင်ပင်သာ ဦးပုည၏ သြဝါဒ-မေတ္တာစာ၊ သုတရတနာ ဆုံးမစာ၊ နားခံတော် ဦးရွှေနီ၏ အတ္တောဝါဒ ဆုံးမစာ၊ ဖိုးသူတော်ဦးနု၏ စကားပုံတို့ကို တစ်စုတစ်ဝေးတည်း ဖတ်ရှုလေ့လာကြရမည်ဖြစ်သည်။

မြန်မာကဗျာ (၂၀၁၀) (မြန်မာကဗျာဆရာများ၏ အကြိုက်ဆုံးကဗျာများစုစည်းမှု) (ကလောင်စုံ) (ဘာသာရေး)

မြန်မာကဗျာဆရာကျော်များ၏ စိတ်ကြိုက်အကြောင်းအရာမျိုးစုံ၊ ပုံသဏ္ဌာန်မျိုးစုံ ခံစားရေးဖွဲ့ထားသော ကဗျာကောင်းများကို အားပါးတရ ဖတ်ရှုရမည့် စာအုပ်ဖြစ်သည်။ ကဗျာကို ရင်ခုန်မြတ်နိုး တန်ဖိုးထား ဖက်တွယ်ပွေ့ပိုက်နေသူ မြန်မာကဗျာဆရာများက သူတို့အကြိုက်ဆုံး ကဗျာတစ်ပုဒ်စီကို စုစည်းရွေးချယ်ပေးထားခြင်းလည်း ဖြစ်သည်။

မွန်မှုသုတေသနစာတမ်းများ (ကလောင်စုံ) (သမိုင်း)

မွန်လူမျိုးတို့အကြား သုတေသနလုပ်ငန်း ထွန်းကာလာစေရန်၊ မွန်ပညာရှင်များ သုတေသနလုပ်ငန်းများကို ပိုမိုလုပ်ဆောင်လာစေရန်၊ မွန်လူငယ်များ သုတေသနလုပ်ငန်းများကို စိတ်ဝင်စားပြီး လုပ်ဆောင်လာစေရန်၊ သုတေသနလုပ်ငန်းများမှ ရရှိသည့် တွေ့ရှိချက်များကို ပြည်သူများအကြား ကျယ်ကျယ်ပြန့်ပြန့် ဖြန့်ဝေရန် ရည်ရွယ်ချက်ဖြင့် “မွန်မှု သုတေသစာတမ်းဖတ်ပွဲ”များကို ပြုလုပ်ခဲ့ရာ ယခုစာအုပ်မှာ ပြုလုပ်ခဲ့ပြီး ထိုစာတမ်းဖတ်ပွဲ ၃ ကြိမ်၌ ဖတ်ကြားခဲ့သည့် သုတေသနဆောင်းပါး ၁ဝ ပုဒ်ကို စာအုပ်အဖြစ် စုစည်းထုတ်ဝေထားခြင်းဖြစ်သည်။ မွန်လူမျိုးတို့၏ ဂီတ၊ စာပေ၊ ယဉ်ကျေးမှု၊ ဘာသာရေး၊ မွန်ရှေးဟောင်းမြို့တော်များ၏ မြေပေါ်မြေအောက် အထောက်အထားများ ရှာဖွေတွေ့ရှိမှုနှင့် သမိုင်းသုတေသနပြုချက်များကို ဆောင်းပါးများတွင် စိတ်ဝင်စားဖွယ် ဖတ်ရှုလေ့လာကြရမည်ဖြစ်သည်။

ချစ်သူတွေရဲ့ကဗျာ (Onlineနှင့် Printed အချစ်ကဗျာ စုစည်းမှု) (ကလောင်စုံ) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

အချစ်ကဗျာများကိုမှ သီးသန့်ဖတ်ရှုခံစားလိုသူများအတွက် မိုသျှမ်း၊ မနော်ဟရီ၊ စစ်နိုင်၊ ဝိုင်ချို၊ မှူးနေဝန်း၊ အောင်ခွန်းဆက်အပါအဝင် ကလောင်စုံတို့၏ အချစ်ခံစားမှုကဗျာ ၅၃ ပုဒ်ကို ဤစာအုပ်တွင် တစ်စုတစ်စည်းတည်း ဖတ်ရှုကြရမည်ဖြစ်သည်။

ပန်းချီဦးဘကြည် ဘဝနှင့် သူ့လက်ရာ (ကလောင်စုံ) (အတ္ထုပ္ပတ္တိ / ကိုယ်တွေ့မှတ်တမ်း)

သဘာဝနှင့် ရိုးရာဟန်နှစ်မျိုးကို ကျွမ်းကျင်ပိုင်နိုင်စွာ ပေါင်းစပ်နိုင်ပြီးလျှင် နံရံပန်းချီ၊ သရုပ်ဖော်ပန်းချီ စသည်တို့တွင် ပြလိုရင်းကို ပရိသတ် ဘဝင်ကျသည်ထက် ပိုမို၍ ပီပြင်တိကျလာအောင် မြင်တတ်၊ တွေးတတ်သူ၊ ထိုသို့ မြင်တတ် တွေးတတ်သလောက်ကိုလည်း အချက်ပိုင်ပိုင် ရေးဆွဲနိုင်စွမ်းရှိသူ၊ မြန်မာ့ပန်းချီသမိုင်းတွင် စာတစ်စောင် ပေတစ်ဖွဲ့ မှတ်တမ်းတင်ထိုက်သူ၊ စိတ်ကူးကောင်းသူ ပန်းချီဆရာတစ်ဦးဖြစ်သလို တီထွင်ဉာဏ်လမ်း ရင့်သန်သူ၊ ခေတ်မီသော အတွေးအခေါ်နှင့် ဒီဇိုင်းဆန်းသစ်မှုကို ကျွမ်းကျင်နိုင်နင်းသူ၊ ဗုဒ္ဓဝင် ရုပ်ပြစာအုပ်များတွင် လက်ရာအမြောက်ဆုံးဟု အသိအမှတ်ပြုခြင်းခံရသည့် ရုပ်စုံဗုဒ္ဓသာသနာဝင်စာအုပ်ပါ ဗုဒ္ဓဝင်ပန်းချီများကို မြန်မာ့ရိုးရာပန်းချီ၏ အသက်ဖြစ်သော ကောက်ကြောင်းများနှင့် မော်ဒန်ခေတ်သစ် စိတ်ကူးဟန်များကို ပေါင်းစပ်၍ လက်စွမ်းပြရေးဆွဲခဲ့သူ ပန်းချီဦးဘကြည် F.R.S.A (London)၏ ရာပြည့်အထိမ်းအမှတ်အဖြစ် ထုတ်ဝေထားသော စာအုပ်ဖြစ်သည်။ စာအုပ်တွင် ဆရာကြီးအကြောင်းကို သူ၏ တပည့်များက ဆောင်းပါး တစ်ပုဒ်စီဖြင့် ဂုဏ်ပြုရေးသားထားကြသည်။ ဆောင်းပါးများနှင့်အတူ ဆရာကြီး၏ ပန်းချီလက်ရာများကိုပါ ရောင်စုံဓာတ်ပုံများအနေဖြင့် မှတ်တမ်းတင် ထည့်သွင်းဖော်ပြပေးထားသည်။ စာရေးသူသည် ဤစာအုပ်ဖြင့် ၂ဝ၁၂ ခုနှစ်အတွက် ထွန်းဖောင်ဒေးရှင်းစာပေဆု (စာပဒေသာဘာသာရပ်)ဆုကို ဆွတ်ခူးနိုင်ခဲ့သည်။

မြန်မာဝတ္ထုတို (၂၀၁၇) (ကလောင်စုံ) (ဝတ္ထုတို)

၂ဝ၁၇ ခုနှစ်အတွင်း ထုတ်ဝေခဲ့သည့် မဂ္ဂဇင်းများတွင်ပါရှိသော မြန်မာဝတ္ထုတိုများအနက်မှ ထုတ်ဝေသူအကြိုက် ဝတ္ထုတို ၅၄ ပုဒ်ကို လက်ရွေးစင်ရွေးချယ်ကာ စာအုပ်အဖြစ် စီစဉ်ထုတ်ဝေထားခြင်းဖြစ်သည်။

ဟားခလုတ် ဟာသစာစုများ (အတွဲ ၁၁) (ကလောင်စုံ) (ဝတ္ထုတို)

အကြည်တော်၊ အရိုးအပါအဝင် စာရေးဆရာစုံ၏ ဟာသစာစုတစ်ပုဒ်စီကို စုစည်းထုတ်ဝေထားခြင်းဖြစ်သည်။

ကမ္ဘာ့ငွေကြေး စီးပွားရေးအကျပ်အတည်းနှင့် သူတို့အမြင် ဆွေးနွေးတင်ပြချက်များ (ကလောင်စုံ) (ကုန်သွယ်ရေး / စီးပွားရေး)

ဂျာနယ်၊ မဂ္ဂဇင်း၊ သတင်းစာများတွင်ပါရှိသည့် ကမ္ဘာ့ငွေကြေးစီးပွားရေး အကျပ်အတည်းနှင့် ပတ်သက်၍ မြန်မာ့စီးပွားရေးပညာရှင်များ၊ ဘောဂဗေဒ ပညာရှင်များ၊ ကလောင်ရှင်များ၏ ဆွေနွေးတင်ပြချက်များကို စုစည်းတင်ပြထားခြင်းဖြစ်သည်။ မောင်စူးစမ်း၊ ဦးမော်သန်း၊ ဦးဝင့်ကျော်၊ ဦးဟန်ထွန်း(အခွန်)၊ ခင်မောင်ညို(ဘောဂဗေဒ)၊ ဒေါက်တာအောင်ကိုကို၊ ကျော်ဝင်း၊ ဦးကြည်မြင့်(လသာ)၊ ထက်ကျော်၊ အောင်ထွဋ်၊ သုတစိုး၊ သူရထိုက်၊ ကိုမင်း၊ မင်းအောင်မင်း၊ ခွန်းသု၊ Powerful Newsတို့၏ ဆောင်းပါးများပါဝင်ကြသည်။ ဆောင်းပါးများကို သူတို့အမြင်၊ အကြောင်းတရား၊ ဖွင့်ဆိုချက်၊ ကုထုံးများ၊ မိုက်ကရိုထိပါးမှု၊ အနာဂတ်ဟောဟူ၍ အခန်းများခွဲထားပြီး စုစုပေါင်း ဆောင်းပါး ၃၇ ပုဒ်ပါရှိသည်။