Most Visited of လင်းသိုက်ညွန့် (မြန်မာ့မြေ)

Stock Market မိတ်ဆက် (လင်းသိုက်ညွန့် (မြန်မာ့မြေ)) (ကုန်သွယ်ရေး / စီးပွားရေး)

မြန်မာပြည်သူများ Stock Market နှင့် ပတ်သက်သည့် ဗဟုသုတများကို သိရှိနိုင်စေရန် ရည်ရွယ်ရေးသားထားသည့် ဤစာအုပ်တွင် Stock Market ဖြစ်ပေါ်လာပုံ၊ ဖြစ်ပေါ်လာရန် မဖြစ်မနေလိုအပ်သည့် အခြေခံအဆောက်အအုံများ၊ Stock Market မူပိုင်ခွင့်နှင့် Diverse Market, Stock Market ဖြစ်ပေါ်လာစေသော Driving Forceနှင့် Change Agentများ၊ Stock ကောင်းများ၏ ဝိသေသလက္ခဏာများ၊ ငွေကြေးဆိုင်ရာ တည်ဆောက်ပုံ၊ Stock Shareများ စီမံခန့်ခွဲပုံ၊ အောင်မြင်သော Stock ရင်းနှီးမြုပ်နှံသူများအတွက် အချက်အလက်၊ ၂ဝ၁ဝ အလွန် မြန်မာStock Market အလားအလာ၊ Stock Market နှင့် ITဆက်စပ်မှု၊ Franchising အကြောင်း၊ ကုမ္ပဏီများအတွက် အရေးကြီးသည့် Internal Marketing၊ Changeအကြောင်း အစရှိသည်တို့ကို Stock Market ဆိုင်ရာ သီအိုရီများ၊ ဝေါဟာရ အဓိပ္ပာယ်ဖွင့်ဆိုချက်များနှင့်တကွ ပြည့်ပြည့်စုံစုံ ရှင်းပြထားသည်။

ဘဝမာယာ ဝင်္ကပါ (လင်းသိုက်ညွန့် (မြန်မာ့မြေ)) (ဝတ္ထုရှည်)

စာရေးသူ၏ ဟာသဝတ္ထုရှည်ဖြစ်သည်။

သူတို့အချစ် သူတို့ဘဝ (ဘဝထဲက အချစ်၊ အချစ်ထဲက ဘဝဝတ္ထုများ) (ဂျူး, ဝင်းဝင်းမြင့် (နန်းတော်ရှေ့), လင်းသိုက်ညွန့် (မြန်မာ့မြေ), ငွေဇင်ယော်ဦး (မိုးကုတ်), မေမောင်, ရာသက်ပန် (တောင်ငူဆောင်), ငြိမ်း (ရွှေလီ), ချောအိမာန်, မြူမြူ, လဲ့ဝင်းကြည်, မင်းဝေဟင်, ကြည်မွေ့အိမ်, ထွန်းတောက်ထွဋ် (သင်္ချာ), ယုဒါ, သင်းသင်းသာ, စုသဲမွန်, သွင်ဆန်းမောင်, လွန်းမောင်မောင်, မှူးဆက်ပိုင် (ရွှေတောင်), ချမ်းထက်ဟန်) (ဝတ္ထုတို)

ဝင်းဝင်းမြင့် (နန်းတော်ရှေ့)၊ သင်းသင်းသာ၊ ဂျူး၊ ချောအိမာန် (မန္တလေး)၊ လင်းသိုက်ညွန့် (မြန်မာမြေ) အပါအဝင် စာရေးဆရာ ၂ဝ ဦးတို့ ရေးသားသည့် အချစ်နှင့် ဆက်နွှယ်နေသည့်ဘဝ၊ ဘဝနှင့် ပတ်သက်နေသည့် အချစ်ဝတ္ထုတိုတစ်ပုဒ်စီကို ဤစာအုပ်တွင် ဖတ်ရှု ခံစားကြရမည် ဖြစ်သည်။

အဖြူရောင်မေတ္တာများဖြင့် (အမျိုး၊ ဘာသာ၊ ပညာနှင့် ချစ်ခြင်းမေတ္တာ စာစုများ) (မေတ္တာရှင် (ရွှေပြည်သာ), လူထုစိန်ဝင်း, ဒေါက်တာခင်မောင်ညို, မောင်ခင်မင် (ဓနုဖြူ), အောင်သင်း, ခင်မောင်တိုး (မိုးမိတ်), ချစ်ဦးညို, ဦးတင်ဦး (ကျူရှင်), ကောင်းသန့်, တင်စိန်, ဦးသိန်းလွင်, ဆရာမိုး (Follow me), မောင်ချစ်ညို (ပဲခူး), ၉ ဘွဲ့ရ အရှင်အာစာရာလင်္ကာရ, ဝင်းသိန်းဦး, ဦးဌေးအောင် (ရုက္ခဗေဒ), မောင်ဆန္ဒ (လယ်ဝေး), ဒေါက်တာခင်လက်ျာ, မောင်စိန်ဝင်း (ပုတီးကုန်း), ကျော်ကျော်ဦး, လင်းသိုက်ညွန့် (မြန်မာ့မြေ), နိုင်သစ်နီ, လှမြင့်အောင် (အဖြူရောင်မေတ္တာ)) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

မေတ္တာရှင်၊ ချစ်ဦးညို၊ အောင်သင်း၊ သုမောင်၊ လူထုစိန်ဝင်းအပါအဝင် စာရေးဆရာ ၂၄ ဦး၏ ဆောင်းပါး တစ်ပုဒ်စီကို စုစည်းထုတ်ဝေထားခြင်းဖြစ်သည်။ ဓမ္မရသ အတွေးအမြင်ဆောင်းပါး (၇) ပုဒ်၊ ဉာဏ်ပညာ၏ ခွန်အားအကြောင်း အသားပေးဖော်ပြထားသည့် ဆောင်းပါး (၁၇) ပုဒ်ပါရှိသည်။ “အမျိုး ဘာသာ ပညာဂုဏ်ဝါ ထွန်းလင်းစေမှာ အဖြူရောင်မေတ္တာ”ဟူသော ရည်ရွယ်ချက်ဖြင့် ဖွဲ့စည်းထားသော ဆရာဦးအောင်သင်း နာယကအဖြစ် ပါဝင်သည့် အဖြူရောင်မေတ္တာအဖွဲ့မှ ထုတ်ဝေထားခြင်း ဖြစ်သည်။

အောင်မြင်မှုနှင့် HR (Success & HR) (လင်းသိုက်ညွန့် (မြန်မာ့မြေ)) (စီမံခန့်ခွဲမှု)

လူ့စွမ်းအား အရင်းအမြစ် ဖွံ့ဖြိုးတိုးတက်ရေးဆိုသည်မှာ စီမံခန့်ခွဲသူများ၊ ကုမ္ပဏီအဖွဲ့အစည်းများ၊ စီးပွားရေးလုပ်ငန်းများနှင့်တာ သက်ဆိုင်သည်မဟုတ်တော့ဘဲ လူတိုင်းနှင့် သက်ဆိုင်လာပြီဖြစ်သည်။ ယခုစာအုပ်တွင် HR ဂျာနယ်အပါအဝင် ဂျာနယ်, မဂ္ဂဇင်းများတွင် စာရေးသူရေးသားခဲ့သည့် လူ့စွမ်းအားာအရင်းအမြစ် (HR)နှင့် အောင်မြင်မှု (Success) တို့အကြောင်း ဆောင်းပါး ၂၃ ပုဒ်ကို တစ်စုတစ်စည်းတည်း ဖတ်ရှုလေ့လာကြရမည် ဖြစ်သည်။

အောင်မြင်ခြင်း လက်ဆောင် (ဘဝအတွက် တန်ဖိုးမဖြတ်နိုင်တဲ့ အောင်မြင်ခြင်းလက်ဆောင်) (See you at the Top) (လင်းသိုက်ညွန့် (မြန်မာ့မြေ)) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

ရတီ၊ Teen၊ Ethernal Light၊ ဆယ်ကျော်သက် အပါအဝင် မဂ္ဂဇင်းများနှင့် ဂျာနယ်များတွင် ရွေးချယ်ဖော်ပြခြင်း ခံရသော ဆောင်းပါး ၂၆ ပုဒ်ကို စာရေးသူ အသက် ၂၆ နှစ်ပြည့် မွေးနေ့အထိမ်းအမှတ်အဖြစ် ရွေးချယ်စုစည်း၍ စာအုပ်အဖြစ် ထုတ်ဝေထားခြင်း ဖြစ်သည်။

အောင်မြင်မှုသို့ လမ်းမများ (Road to Success) (လင်းသိုက်ညွန့် (မြန်မာ့မြေ)) (သုတစာပေ)

စာရေးသူရေးသားသည့် စီးပွားရေး၊ လူမှုဆက်ဆံရေး၊ အလုပ်အကိုင်၊ ဘဝနေထိုင်မှုဆိုင်ရာ အတွေးအမြင် ဆောင်းပါး ၂၄ ပုဒ်ကို စုစည်းထုတ်ဝေထားခြင်းဖြစ်သည်။

တို့မြန်မာတွေ အာရှကျားဖြစ်စေဖို့ အပါအဝင် ဗီတာမင်ဆောင်းပါးများ (လင်းသိုက်ညွန့် (မြန်မာ့မြေ)) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

ရယ်စရာ ရသစုံမဂ္ဂဇင်းဟာသ ဝတ္ထုတိုပြိုင်ပွဲတွင် ဆု ၅ ကြိမ်၊ Youthမဂ္ဂဇင်း၏ ရသစာတမ်းဆုများကို ရရှိထားသူ စာရေးသူ၏ ဆောင်းပါးများကို စုစည်းမှုဖြစ်သည်။ စာအုပ်ပါ ဆောင်းပါးများမှာ Knowledge Bridge၊ Fashion Image၊ ပန်းအလင်္ကာ၊ Youth၊ Teenမဂ္ဂဇင်းများတွင် ဦးစွာဖော်ပြခြင်းခံခဲ့ရပြီး စာအုပ်တွင် စင်ကာပူမှာ နေချင်သလား၊ မြန်မာစံချိန်မြှင့်ပြီး မြန်မာတွေ ပေါင်းစည်း လုပ်ကိုင်ကြဖို့ အချိန်တန်ပြီ၊ ကျွန်တော်တို့အကြားမှာ ထွန်းကားဖို့ လိုအပ်နေတဲ့ ပရော်ဖယ်ရှင်နယ် စိတ်ဓာတ်၊ တို့မြန်မာတွေ အာရှကျားဖြစ်စေဖို့၊ ကမ္ဘာ့ငွေကြေးအကျပ်အတည်းမှာ ဖူးငုံတို့ ဘာလုပ်ကြမလဲ၊ နိုင်ငံတကာဘွဲ၊ လူငယ်တွေ လေ့လာသင့်တဲ့ စကားပြောနည်း၊ International Businessဆိုတာ ဘာလဲ၊ ရှိုးပွဲဝေဒနာ၊ ကမ္ဘာကြီးနေကောင်းပြီလား (သို့) ဗုဒ္ဓဓမ္မကို သုတေသနပြုမိခြင်း အပါအဝင် ဆောင်းပါး ၁၇ ပုဒ်ပါရှိသည်။ စာရေသူသည် ၉ တန်းအရွယ်အတည်းက စာပေနယ်သို့ ဝင်ရောက်ခဲ့သူဖြစ်ပြီး ယခုဆောင်းပါးများကို အသက် ၂၃ နှစ်အရွယ်တွင် ရေးသားထားခြင်းဖြစ်သည်။ လူငယ်စာရေးဆရာတစ်ယောက်၏ သူ့နိုင်ငံနှင့် လူမျိုးအပေါ် ရှုမြင်သုံးသပ် ခံစားထားပုံကို ဖတ်ရှုကြရမည်ဖြစ်သည်။

မြန်မာတွေ အောင်မြင်ဖို့ (အတွဲ ၂) (လင်းသိုက်ညွန့် (မြန်မာ့မြေ)) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

ဘဝအောင်မြင်ရေး၊ လုပ်ငန်းခွင် စီမံခန့်ခွဲမှု၊ ကိုယ်ရည်ကိုယ်သွေး မြင့်မားရေး၊ စာပေ၊ ဘဝအောင်မြင်ရေးအတွက် ရည်ရွယ်၍ ရေးသားထားသော စာရေးသူ၏ ဆောင်းပါးများကို စုစည်းထုတ်ဝေထားခြင်းဖြစ်သည်။ ယခုအတွဲတွင် ယခင်အတွဲ ၁ နှင့်မတူသည်မှာ စာဖတ်သူများ၏ ကာယ၊ စိတ္တ၊ ဉာဏ၊ သုခ အဖက်ဖက်မှ တိုးတက်အောင်မြင်ဖွံ့ဖြိုးလာစေရေးအတွက် ရည်ရွယ်၍ လူ့အဖွဲ့အစည်း ဖွံ့ဖြိုးတိုးတက်စေရေးနှင့် သက်ဆိုင်သည့် အခန်းတစ်ခန်းတိုးထားခြင်းဖြစ်သည်။ လူငယ်များအတွက် အထူးရည်ရွယ်ရေးသားထားခြင်းဖြစ်ပြီး ခေတ်ရေစီးကြောင်းကို မျက်ခြေမပြတ်စေဘဲ အတ္တပရမျှကာ မိမိဘဝ၊ မိမိနိုင်ငံ တိုးတက်ကြီးပွားစေရေးအတွက် လုပ်ဆောင်သင့်သည်များ၊ သိရှိထားသင့်သည့် ဗဟုသုတများကို ဆောင်းပါးများတွင် အကြံပြုဆွေးနွေးထားသည်။

လူငယ်နှင့် ဒီမိုကရေစီတန်ဖိုး (ခင်မောင်ဇော်, လူထုစိန်ဝင်း, အောင်သင်း, မောင်ဝံသ, ဇော်ဇော်အောင်, ထက်မြက်, ထက်ကျော်, ဝင်းထွဋ်ဇော်, ကျော်ကျော်ဦး, ကိုသန်း (ကြည့်မြင်တိုင်), လင်းသိုက်ညွန့် (မြန်မာ့မြေ), နေဝင်းမောင်, ဒေါက်တာမောင်သင်း, ကျော်မင်းဆွေ) (နိုင်ငံရေး)

စာရေးဆရာ ၁၄ ဦး၏ ဒီမိုကရေစီနှင့် ပတ်သက်ဆက်နွယ်နေသည့် ဆောင်းပါး ၁ ပုဒ်စီကို စုစည်းထုတ်ဝေထားခြင်းဖြစ်သည်။