Most Visited of ဝင်းငြိမ်း

ငွေကြယ်ပွင့်တို့စတိုင် ၂၀၀၈ (ဝင်းငြိမ်း) (အနုပညာ / ဖျော်ဖြေရေး)

၂ဝဝ၈ ခုနှစ် ဖေဖော်ဝါရီလအတွင်း ကျင်းပခဲ့သော မြန်မာ့ရုပ်ရှင်ထူးချွန်ဆု(၂ဝဝ၆ ခုနှစ်အတွက်) အကယ်ဒမီဆုချီးမြှင့်ပွဲအခမ်းအနားသို့ တက်ရောက်လာကြသည့် အနုပညာရှင်များ၏ ဖက်ရှင်ဒီဇိုင်းများကို ဓာတ်ပုံဝေဝေဆာဆာဖြင့် ယှဉ်တွဲဖော်ပြထားသော စာအုပ်ဖြစ်သည်။ နန္ဒာလှိုင်၊ မေသဉ္စာဦး၊ စိုးမြတ်သူဇာ၊ ထွန်းအိန္ဒြာဗို၊ အိန္ဒြာကျော်ဇင်၊ ခိုင်သင်းကြည်၊ မေသန်းနုမှသည် မိုးဟေကို၊ သင်ဇာဝင့်ကျော်၊ ပုလဲဝင်းတို့အထိ အရွယ်စုံ မင်းသမီးများ၏ ဖက်ရှင်ဒီဇိုင်းများကို ချုပ်လုပ်ထားပုံ၊ ဒီဇိုင်နာ၊ အများနှင့်မတူသည့် ထူးခြားချက်များ အစရှိသည်ဖြင့် သုံးသပ်ဝေဖန်ချက်များနှင့်အတူ ဖတ်ရှုရမည်ဖြစ်သည်။

ဖြစ်တည်ခြင်း (ဝင်းငြိမ်း) (အတ္ထုပ္ပတ္တိ / ကိုယ်တွေ့မှတ်တမ်း)

အမေရိကန်သမ္မတဟောင်း အိုဘားမားကို နောက်ကွယ်မှ အားပေးထောက်ပံ့ခဲ့သူ သမ္မတကတော် မီ ရှယ်အိုဘားမား (Michelle Obama) ရေးသားသည့် Becoming စာအုပ်ကို ဘာသာပြန်ဆိုထားခြင်း ဖြစ်သည်။ စာအုပ်တွင် သူတို့ိနှစ်ဦး အိမ်ထောင်ကျ အစောပိုင်းကာလမှသည် သမ္မတကတော်ဖြစ် လာချိန်အထိ အဖြစ်အပျက်များကို လူသိနည်းသေးသည့် အကြောင်းအရာများနှင့်အတူ မှတ်တမ်း တင် ရေးသားထားသည်။ သူတို့နှစ်ဦးလျှောက်လှမ်းခဲ့ရသော ခရီးသည် ဖယောင်းလမ်းဟု ယူဆစရာ ရှိသော်လည်း မိသားစုပြိုကွဲမလိုဖြစ်သည်အထိ အိမ်ထောင်ရေးခရီး ကြမ်းတမ်းခဲ့ပုံများ၊ သမ္မတဖြ စ်လာသူ ခင်ပွန်းအတွက် နောက်ကွယ်မှ မည်သို့ထောက်ပံ့အားပေးခဲ့ပုံ၊ လက်ရှိသမ္မတ ဒေါ်နယ်ထရ မ့်အပေါ် သူမ၏ အမြင်များကို အသေးစိတ် ဖွင့်ချရေးသားထားသည်။

နန်းကျဘုရင် (ဝင်းငြိမ်း) (အတ္ထုပ္ပတ္တိ / ကိုယ်တွေ့မှတ်တမ်း, သမိုင်း)

Sudha Shah ရေးသားသည့် The King in Exile (The Fall of the Reyal Family of Burma) စာအုပ်ကို ဘာသာပြန်ဆိုထားခြင်း ဖြစ်သည်။ ကုန်းဘောင်မင်း၏ နောက်ဆုံးမင်းဆက် သီပေါမင်းနှင့်တကွ သူ၏ မိဖုရားများ၊ သမီးတော်များ၊ မြေးတော်များအကြောင်း၊ သီပေါမင်းနှင့် မိသားစုသည် နန်းချခံရပြီးနောက် တစ်ပြည်တစ်ရွာတွင် အထီးကျန်ဆန်စွာဖြင့် မည်သို့ဆင်းဆင်းရဲရဲနေထိုင်သွားရပုံများကို “နန်းမကျမီ”၊ “ပါတော်မူပြီးဘဝ”၊ “ပြည်တော်ပြန်ပြီးနောက်” ဟူသော အပိုင်း (၃) ပိုင်းခွဲ၍ အသေးစိတ် မှတ်တမ်းတင် ရေးသားထားခြင်း ဖြစ်သည်။

မှတ်မှတ်ရရ မင်းသိင်္ခ (စံ-ဇာဏီဘို, ဟိန်းလတ်, ဝင်းငြိမ်း, မင်းသိင်္ခ, ချစ်ဦးညို, ပါရဂူ, ညီညီနိုင်, မောင်ဝံသ, အီကြာကွေး, သရပါ, ကြူကြူသင်း, ချစ်ကိုကိုယု, နန္ဒာမိုးကြယ်, ဖြိုးဟန်ကျော် (ဧကံသ), ဝင်းဇော် (သစ်တော), မြတ်ခိုင်, မြင့်ဦးဦးမြင့်, မြတ်ဆွေ, မင်းသိမ်းခိုင်, မောင်စံသိန်း (ဒဿနိက), ဦးသန့် (လာဘ်မိုးစွေ), ရွှေကူနန်းနွဲ့နွဲ့, မောင်ရွှေစွန်, မောင်စိုးနွေ (သုံးဆယ်), ခင်မောင်အေး (မန္တလေး), မြေနီသစ္စာ, မင်းရဲကျော်, ဂမ္ဘီရဆရာပွ, မြေလတ်မောင်မြင့်သူ, တက္ကသိုလ်ယဉ်ယဉ်လဲ့, အောက်တိုဘာအောင်ကြီး, မောင်မောင်မြင့်အေး, မောင်ငြိမ်းသူ (ကြို့ပင်ကောက်), တက္ကသိုလ်အေးမြစန္ဒာ, ကိုမျိုး (မြန်မာစာ), အောင်စိုးသူ, နေပုည, တက္ကသိုလ်သင်္ခ, ကျော်သီဟ (ဟင်္သာတ), လှမိုး (ပညာရေး), ကောင်းမြတ် (ခရာတော), ရိုးဝေးထက်, ပန်းချီမောင်မောင်သိုက်, အောင်ကျည်ထွဏ်း, စောရန်နိုင်, စောယုနွယ်, နီလေးမောင်, မောင်မြေသွေး (မြန်မာစာ), သိဒ္ဓိဇင်, ဦးတေဇာဘာသ, ရေကျော်စိုးအောင်, မှူးအိမ်ဇင်, အသံတုကြယ်တစ်လုံး, ဖြူဝင်း, ဆရာဘဲလားလေဘာတီ (ခေတ္တ USA), ဗိုဝမ်း) (အတ္ထုပ္ပတ္တိ / ကိုယ်တွေ့မှတ်တမ်း)

ဆရာကြီးမင်းသိင်္ခနှင့် တွေ့ဆုံလက်တွဲဖူးခဲ့ကြသည့် စာရေးဆရာများ၊ ဗေဒင်ဆရာများ၏ အမှတ်တရဆောင်းပါး တစ်ပုဒ်စီကို စုစည်းထုတ်ဝေထားခြင်းဖြစ်သည်။ ပါရဂူ၊ ဒေါက်တာမတင်ဝင်း၊ အီကြာကွေး၊ ချစ်ဦးညို၊ ကြူကြုူသင်း၊ အသံတုကြယ်တစ်လုံး၊ ဝင်းဇော်(သစ်တော)၊ ဇင်ယော်နီ၊ ဟိန်းလတ်အပါအဝင် စာရေးဆရာကြီးများ၊ ဗေဒင်ဆရာများ ၅ဝ ကျော်တို့၏ အမှတ်တရဆောင်းပါးများ ပါဝင်ကြသည်။ ထို့ပြင် ဆရာကြီး၏ လိုတရစေသော ထူးဆန်းသည့် ပန်ကာလေး၊ ဖြေလျော့ခြင်း ပြုလုပ်ပြီးမှ ပုတီးစိပ်ပါ၊ ဘိုးသိကြားကို တိုင်တည်ပါ၊ ကိုးနဝင်း မိုးလင်းမှ သိမယ်၊ ခင်ပွန်းကြီး ၁ဝ ပါး တောင်းပန်နည်း၊ မျက်နှာပွင့် လာဘ်ပွင့် ဈေးခေါ် အဆောင်ဆေးတော်ကြီးအပါအဝင် လက်ရွေးစင် ဗေဒင်၊ ယတြာဆောင်းပါးများကိုလည်း ထည့်သွင်းပေးထားသည်။

ဝင်းငြိမ်းနှင့် စာရေးဆရာများ (ပေဖူးလွှာစာပေအင်တာဗျူး) (အတွဲ ၁) (ဝင်းငြိမ်း) (အတ္ထုပ္ပတ္တိ / ကိုယ်တွေ့မှတ်တမ်း)

စာရေးသူ ယခင်က ရေးသားခဲ့သည့် “ဝင်းငြိမ်းနှင့် စာရေးဆရာများ” အတွဲ ၁ မှ ၄ အထိကို ပေါင်း၍ ၂ ပိုင်းခွဲကာ ပြန်လည်ထုတ်ဝေထားခြင်းဖြစ်သည်။ ရွှေအမြုတေမဂ္ဂဇင်း ပဲ့ကိုင်ရှင် ဦးဝင်းငြိမ်းသည် ရွှေအမြုတေမထုတ်ခင်က ပေဖူးလွှာမဂ္ဂဇင်းတွင် စာဖတ်သူများနှင့် တွေ့ဆုံပေးခြင်းကဏ္ဍကို တာဝန်ယူ၍ ထိုခေတ် ထိုအခါက နာမည်ကြီး စာပေပညာရှင်များကို သွားရောက်တွေ့ဆုံမေးမြန်းကာ သူတို့၏ စာပေဘဝကို မှတ်တမ်းတင်ခဲ့သည်။ ၎င်းမေးမြန်းမှုများတွင်မှ စာရေးဆရာ ၃၆ ဦးနှင့် သွားရောက်တွေ့ဆုံမေးမြန်းထားသည်များကို ယခုစာအုပ်တွင် ဗဟုသုတဖြစ်ဖွယ် ဖတ်ရှုကြရမည်ဖြစ်သည်။ မေးမြန်းသူ ဦးဝင်းငြိမ်းသည် သက်ဆိုင်ရာ ပုဂ္ဂိုလ်များရေးသည့် စာပေများကို နှိုက်နှိုက်ချွတ်ချွတ်လေ့လာပြီးမှ စာပေဆိုင်ရာ မေးခွန်းများကို ပညာသားပါပါ မေးထားသလို ဖြေသူများကလည်း မေးသူ ကျေနပ်လောက်သည့် အဖြေများဖြင့် စည်းချက်ညီအောင် အမေးအဖြေပြုလုပ်ထားနိုင်သည်ကို တွေ့ရသည်။ ပါဝင်သည့် စာရေးဆရာများနှင့် မေးသူ ဦးဝင်းငြိမ်း၏ အမှာစာကို ဖော်ပြလိုက်ပါသည်။

မောင်သာရ၏ မောင်သာရ (ဝင်းငြိမ်း) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

“ညှာရွှေတစ်ခက် ကြွေရက်စော”ဆိုသည့် မဂ္ဂဇင်းဝတ္ထုတိုတစ်ပုဒ်တည်းနှင့် စာဖတ်ပရိသတ် လက်ခံအသိအမှတ်ပြုခြင်း ခံခဲ့ရသလို၊ “မျိုးမမ ပကာသနီ”ဟူသော ဝတ္ထုရှည်စှစတင်ကာ လုံးချင်းဝတ္ထုရှည်လောက၏ အရောင်းရဆုံး Bestseller သရဖူကိုပါ ဆောင်းနိုင်ခဲ့သည့် စာရေးဆရာ မောင်သာရနှင့် ရွှေအမြုတေဦးဝင်းငြိမ်းတို့၏ စာပေရေးရာ တွေ့ဆုံဆွေးနွေးချက်များကို စုစည်းထုတ်ဝေထားခြင်းဖြစ်သည်။ စာရေးဆရာ မောင်သာရ စာပေလောကသို့ မည်သို့မည်ပုံ ဝင်ရောက်လာပုံ၊ ဝတ္ထုမည်သို့မည်ပုံ ရေးသားပုံနှင့် ရေးသားဟန်၊ သဝသရုပ်ဖော်နှင့် ပတ်သက်၍ အယူအဆ၊ စာပေဝေဖန်ရေးအပေါ် သဘောထား၊ ဖတ်လေ့ရှိသည့် စာပေအမျိုးအစားအပါအဝင် စာပေရေးရာများကို ပွင့်ပွင့်လင်းလင်း ဝေဖန်ဆွေးနွေးထားသည်ကို တွေ့ရသည်။

အကယ်ဒမီဖက်ရှင် (၂၀၀၇) (ဝင်းငြိမ်း) (အနုပညာ / ဖျော်ဖြေရေး)

ခါတိုင်း အကယ်ဒမီကျင်းပချိန်ထက် နောက်ကျမှ ပြုလုပ်ခဲ့၍ လူတိုင်းစိတ်ဝင်စားခဲ့သော မြန်မာ့ရုပ်ရှင် အကယ်ဒမီပေးပွဲသို့ တက်ရောက်ခဲ့သည့် ရုပ်ရှင်နှင့် ဗွီဒီယို အမျိုးသမီးသရုပ်ဆောင်များကို ရောင်စုံဓာတ်ပုံများနှင့်အတူ ကြည့်ရှုရမည်ဖြစ်သည်။ စိုးမြတ်သူဇာ၊ ထွန်းအိန္ဒြာဗို၊ မို့မို့မြင့်အောင်၊ စိုးမြတ်နန္ဒာ၊ ပပဝင်းခင်၊ ခိုင်သင်းကြည် စသည့် သက်ကြီးပိုင်း၊ သက်ငယ်ပိုင်း အမျိုးသမီးသရုပ်ဆောင် ၄ဝ ကျော်၏ ဓာတ်ပုံများ၊ ဖက်ရှင်ဒီဇိုင်းနှင့် ဒီဇိုင်နာအမည်များ၊ ဆံပင်၊ ဝတ်စားဆင်ယင်မှု ဝေဖန်ချက်များကို ဖတ်ရှုရမည်ဖြစ်သည်။

မယ်ဗမာ (ဝင်းငြိမ်း) (အတ္ထုပ္ပတ္တိ / ကိုယ်တွေ့မှတ်တမ်း)

Charmaine Craig ရေးသားသည့် Miss Burma စာအုပ်ကို ဘာသာပြန်ဆိုထားခြင်း ဖြစ်သည်။ ဖဆပလခေတ်က မယ်ဗမာဘွဲ့ ဆွတ်ခူးခဲ့သူ၊ စစ်အာဏာရှင် ဗိုလ်ချုပ်နေဝင်းနှင့် ဆက်နွယ်ခဲ့ဖူးသလို ကရင်လက်နက်ကိုင်ခေါင်းဆောင် ဗိုလ်လင်းထင်နှင့် လက်ထပ်ပြီးနောက် တောခိုခဲ့သူ၊ ဗိုလ်လင်းထင်ကျဆုံးပြီးနောက် တပ်ကိုဦးဆောင်ကာ စစ်အာဏာရှင်ကို တုံ့ပြန်တိုက်ခိုက်ခဲ့သူ နော်လွီဇာဘင်ဆင်၏ အတ္ထုပ္ပတ္တိကို ဝတ္ထုဟန်ဖြင့် ရေးသားထားခြင်း ဖြစ်သည်။ မူရင်းစာရေးသူ၏ နော်လွီဇာဘင်ဆင်၏ သမီးရင်းဖြစ်သည့်အတွက် လူသိနည်းသေးသည့် နော်လွီဇာဘင်ဆင်အကြောင်းကို စာအုပ်ကို အတွင်းကျကျရေးသားထားနိုင်သည်ကို တွေ့ရသည်။ သူ့ဘဝအကြောင်းနှင့်တကွ သူ့မိခင်နှင့် ဘိုးဘွားများအကြောင်း၊ ကရင်နှင့် ဗမာထိပ်တိုက်တွေ့ဆုံခဲ့မှုများ၊ စစ်အာဏာရှင် ဗိုလ်ချုပ်နေဝင်းနှင့် ဇာတ်လမ်းများကို အချစ်, အလွမ်းများနှင့်အတူ ရောယှက်ရေးဖွဲ့ထားသည်ကို တွေ့ရသည်။

နှစ်ကြောင်းရေး တစ်ကြောင်းခြစ် (ဝင်းငြိမ်း) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

ရွှေအမြုတေ မဂ္ဂဇင်း၏ စီစဉ်တည်းဖြတ်သူဖြစ်သော စာရေးသူက ယခုစာအုပ်တွင် Writerမဂ္ဂဇင်းပါ စာရေးနည်း ဆောင်းပါးများကို စာရေးသူ၏ အတွေ့အကြုံများနှင့်ပေါင်းစပ်၍ ဘာသာပြန်ဆို ရေးသားထားသည်။ သရုပ်မှန်ဝတ္ထုရေးနည်း၊ ဝတ္ထုအဖွင့်၊ စကားပြောနှင့် စကားလုံးနောက်ကွယ်က အဓိပ္ပာယ်၊ အဓိပ္ပာယ်ရှိသော လှုပ်ရှားမှုများ၊ စာရေးဆရာရဲ့ ဇာတ်ကောင်များ၊ စာရေးဆရာဖြစ်နည်း၊ စာရေးဆရာနဲ့ အမှားဆယ်ခု၊ ဝတ္ထုတစ်ပုဒ်၏ ပန္နက်ပုံစံ၊ ဘယ်လောက်တိုရင် ဝတ္ထုတိုလဲ၊ ဝတ္ထုတိုများနှင့် အားကောင်းသော အမျိုးသမီး ဇာတ်ကောင်များ၊ သာမညဇာတ်ကောင်များကို ဖန်တီးခြင်း၊ မပြောဘဲ မြင်စေသော စကားပြော၊ စာမရေးမီ၊ စာရေးဆရာများ၏ ဖန်တီးမှု အပါအဝင် စာရေးနည်း နိဿရည်း ဆောင်းပါး ၁၈ ပုဒ် ပါရှိသည်။

သို့ ... မင်းလူ ဒေဝတာမြို့တော် (CD မပါ) (မစန္ဒာ, အတ္တကျော်, ဂျူး, ဝင်းငြိမ်း, မောင်မိုးသူ, သန်းမြင့်အောင်, မိချမ်းဝေ, သွန်းနေစိုး, မောင်သွေးသစ်, ခင်ဆွေဦး, စိန်မျိုးမြင့်, ခင်မြဇင်, ဦးအေးချစ် (EEAC), ဆန်နီညိမ်း, ဝါနု, ချိုတူးဇော်, မသီတာ (စမ်းချောင်း), ခက်မာ, အမရာ (ဆေး ၁), နှင်းဝေငြိမ်း, ရာသက်ပန် (တောင်ငူဆောင်), ငြိမ်း (ရွှေလီ), မြေမှုန်လွင်, မင်းကိုနိုင်, သားကြီးမောင်ဇေယျ, ဆာသော်ဒိုး, နေဘုန်းလတ်, ကိုမျိုး (မြန်မာစာ), မောင်ရေချမ်း, မျိုးမြင့်ညိမ်း, မြင့်မောင်ကျော်, ဇွန်ပွင့်, တူးတူးသာ, ဝိုင်းဝိုင်း, ကျော်ဇင်ကိုကို, မောင်မောင်စနေ, မြင့်ကောင်း, နေရီ, ပန်းချီမျိုးမြင့်, မင်းနန်းစည် (ရန်ကုန်တက္ကသိုလ်), ယုယ (ဆေး - ၁), ဖိုးပြေ, ဓာတ်ခဲ, သားသုမောင်, ဟန်ဆန်း, ဇာဂလေး, Nကြယ်မင်း, ပိုင်နိုင်အောင်, မြေး (ငြိမ်းကျော်), သဇင်ဦး) (အတ္ထုပ္ပတ္တိ / ကိုယ်တွေ့မှတ်တမ်း)

ဟာသ၊ သရော်၊ ဘဝသရုပ်ဖော် စာရေးဆရာမင်းလူအကြောင်းကို သူ၏ စာပေလုပ်ဖော်ကိုင်ဖက်များက ဆောင်းပါးတစ်ပုဒ်စီဖြင့် ဂုဏ်ပြုရေးသားထားကြခြင်း ဖြစ်သည်။ မင်းလူ၏ ဘဝ၊ စိတ်ဓာတ်၊ စာပေဝါသနာ၊ ဟာသဉာဏ်ကို ဆောင်းပါးရှင်အသီးသီးက ပေါ်လွင်အောင် ရေးဖွဲ့ထားနိုင်သည်ကို တွေ့ရသည်။