Most Visited of လူထုဦးလှ

ကျောင်းကန်အနီးမှ မြန်မာပုံပြင်များ (အတွဲ ၁) (လူထုဦးလှ) (ကလေးစာပေ)

အရှေ့ပိုင်း ကရင် ခလောက်နို့ပုံပြင်များ (အတွဲ ၂) (လူထုဦးလှ) (ကလေးစာပေ)

စကားတတ်ခြင်း၊ ဟာသရှိခြင်း၊ စာပေနှင့် ရိုးရာယဉ်ကျေးမှု လိုက်စားတတ်ကြခြင်းတို့ကြောင့် တခြားဒေသ ကရင်လူမျိုးများထက် ထူးခြားသော အရည်အသွေးရှိသည့် ခလောက်နို့သားများ၏ ပြောစမှတ်ပုံပြင်တို ၄၁ ပုဒ်ကို တစ်စုတစ်စည်းတည်း ဖတ်ရှုကြရမည်ဖြစ်သည်။ စာအုပ်ပါ ပုံပြင်များကို ဖတ်ရှုခြင်းအားဖြင့် တိုင်းရင်းသားအချင်းချင်း သိနားလည်မှုရှိစေမည့်အပြင် ချစ်ကြည်မှုပါ ပိုမို ခိုင်မြဲလာစေမည်ဖြစ်သည်။

အရက်သမား အမှားတစ်ထောင် (လူထုဦးလှ) (အတ္ထုပ္ပတ္တိ / ကိုယ်တွေ့မှတ်တမ်း)

အရက်ကြောင့် ဘဝပျက်ခဲ့ရသူများအကြောင်းကို ဖွင့်ချထားသော ဖြစ်ရပ်မှန်မှတ်တမ်းစာအုပ် ဖြစ်သည်။ လူရွှင်တော်ကြီး ဦးဓာတ်အိုး၊ ထန်းရည်မူး၍ ထန်းရည်သောက်သမားက ထန်းပင်တက်မိသားစု ၄ ဦးကို သတ်မှု၊ ဦးလှတို့လက်ထက် သတင်းစာများတွင် ပါရှိသော သံဝေဂရဖွယ်၊ ဆင်ခြင်ဖွယ် အရက်သမားတို့၏ အမှားများ၊ ဘုရင့်နောင်အပါအဝင် မြန်မာ့သမိုင်းကြောင်းတစ်လျှောက် အရက်ကြောင့် ဒုက္ခရောက်ခဲ့ရသည့် မြန်မာမင်းများအကြောင်း၊ နိုင်ငံတကာမှ အရက်သမားများ၏ ဘဝများ၊ အရက်နှင့် ပတ်သက်၍ နိုင်ငံတကာသုတေသနပညာရှင်များ၏ သုတေသနပြုချက်များကို ဖတ်ရှုရမည်ဖြစ်သည်။ အရက်စွဲနေသူများ အတိုင်းအတာတစ်ခုအထိ လျှော့နိုင်အောင် (သို့) လုံးဝဖြတ်နိုင်အောင်၊ အရက်အသောက်မိသေးသူများ အရက်၏ ဆိုးကျိုးကို သိရှိပြီး တစ်သက်လုံးရှောင်ကြဉ်အောင် ထိထိမိမိ ပညာပေးမည့် စာအုပ်ဖြစ်သည်။

မြန်မာစာနှင့် ခေတ်အဆက်ဆက် မြန်မာစာအုပ်လောက (မောင်ထင်, မြသန်းတင့်, ဒဂုန်ဦးထွန်းမြင့်, ဒေါက်တာသန်းထွန်း, မင်းယုဝေ, အောင်သင်း, ဒဂုန်ဦးစန်းငွေ, မင်းသုဝဏ်, မောင်သာနိုး, ဦးမြင့်ဆွေ (မဟာဝိဇ္ဇာ - လန်ဒန်) (ကျောင်းအုပ် ဗုဒ္ဓတက္ကသိုလ် - မန္တလေး), နတ်နွယ်, သိပ္ပံမောင်ဝ, သိန်းဖေမြင့်, ဦးလှဒင်, ဒေါက်တာတိုးလှ (သမိုင်းပါမောက္ခ (ငြိမ်း)), ငွေဥဒေါင်း (ဦးကြီးမောင်), ရန်အောင်, လူထုဦးလှ, မောင်လင်းယုန် (ရှမ်းပြည်), ဦးဖေမောင်တင်, မှော်ဘီဆရာသိန်း, ဝန်ထောက်ဦးတင်, တက္ကသိုလ်နန္ဒမိတ်, ဇေယျ, လယ်တီပဏ္ဍိတဦးမောင်ကြီး, တင်မိုး, မောင်သစ်လွင် (လူထု), တက္ကသိုလ်ထင်ကြီး, ဒေါက်တာရီရီ, မောင်စွမ်းရည်, ဖိုးကျော်မြင့်, သခင်ကျော်စိန်, ဦးအုန်းလွင်, ဦးလှမြင့် (ကထိက (ငြိမ်း) ဘူမိဗေဒဌာန၊ မန္တလေးတက္ကသိုလ်), တင့်ဆန်း, ဦးလှဖေ, ဦးကျော်ရင်, ဦးတင်လှ, တက္ကသိုလ်မောင်မောင်ကြီး, ဦးတင်ရွှေ, ပါမောက္ခဦးမျိုးမင်း, ဝဇီရဗုဒ္ဓီဦးဖိုးစိန်, ဦးလူဖေဝင်း, တက္ကသိုလ်သီတဂူ, မောင်ခေမာ, စန်းဝင်း (မန်းတက္ကသိုလ်), မောင်တင်ဦး, ဦးကျော်, ပါဠိပါမောက္ခဦးတင်လွင်, ကျော်မင်းကျော်, ဒေါက်တာတင်မြင့်, အောင်ကျော်ကျော်, မာဃ, သူရိယကန္တိ) (ဘာသာစကား / ဘာသာဗေဒ)

မြန်မာစာပေပညာရှင်များ ရေးသားခဲ့ကြသော မြန်မာစာအကြောင်း ဆောင်းပါးများ၊ မြန်မာစာ ဆင်းသက်လာရာ အခြေအမြစ်၊ မြန်မာစာ၏ သမိုင်းကြောင်း၊ မြန်မာစာ၏ အနာဂတ်ရေး၊ တိုးတက်ပြန့်ပွားရေး၊ ခေတ်အဆက်ဆက်မှ မြန်မာစာအုပ်များအကြောင်း၊ နိုင်ငံရေးနှင့် စာပေ ဆက်နွှယ်မှု၊ ဘာသာရေးနှင့် စာပေ ဆက်နွှယ်မှု၊ စာပေစာကောင်းလက်ရာမွန်များအကြောင်း၊ စာပေကို ရသနှင့် အနုပညာက မည်သို့ပံ့ပိုးပုံများကို ဤစာအုပ်ပါ ဆောင်းပါးတွင် ဖတ်ရှုလေ့လာကြရမည် ဖြစ်သည်။

စာဆိုပညာရှိ ကာလီဒါသ၏ ဘဝအတွေ့အကြုံများ (အတွဲ ၃) (လူထုဦးလှ) (အတ္ထုပ္ပတ္တိ / ကိုယ်တွေ့မှတ်တမ်း)

ဣတ္တိယ မိန်းမကိစ္စကျွမ်းကျင်သူ၊ မိန်းမအကြောင်း နောကျေသူဟု သိထားကြသော၊ မေဃဓူတ၊ သကုဏ္ဍလ အစရှိသော ကဗျာစာပေနှင့် ပြဇာတ်အကျော်အမော်တို့ကို ရေးသားခဲ့သော၊ အိန္ဒိယပြည်၏ ဂုဏ်ယူ၍ မဝနိုင်သော ကာလီဒါသအကြောင်းနှင့် သူ၏ လျှောက်ထုံးများပါဝင်သော စာအုပ်ဖြစ်သည်။ ဓာရာနဂရတိုင်း ဘောဇဘုရင်လက်ထက် ဘုရင်၏ အမေးပုစ္ဆာ ပြဿနာအထွေထွေကို ပညာရှိ ကာလီဒါသက ဉာဏ်ပညာသုံး၍ ဖြေရှင်းနိုင်ခဲ့ပုံများ ပါရှိသည်။ အမေးပုစ္ဆာများသည် ပညာပါသလို အဖြေများသည်လည်း လွန်စွာ လေးနက်၍ လက်သံပြောင်လှသော လျှောက်ထုံးများဖြစ်သည်ကို တွေ့ရှိရမည်ဖြစ်သည်။

ကျောင်းကန်အနီးမှ မြန်မာပုံပြင်များ (အတွဲ ၂) (လူထုဦးလှ) (ကလေးစာပေ)

ရှေးမြန်မာများလက်ထက်က တပည့်ကိုရင်များသည် ဘုန်းတော်ကြီးများနှင့် ဦးပဉ္စင်းများအား တံတောင်ဖြင့် ကြိတ်ကာ ဝတ်ပြုပေးရသည်။ ထိုသို့ဝတ်ပြုနေစဉ်ကာလအတွင်း ကျောင်းသားများ မပျင်းရလေအောင်နှင့် လိမ္မာရေးခြားရှိစေရန်အတွက် ဇာတ်နိပါတ်များနှင့် ဆရာတော်ကြီးများ ငယ်စဉ်က မှတ်သားခဲ့ရသည်များကို ဟာသစွက်၍ ပုံပြောပြပေးကြသည်။ ထိုပုံပြင်များအနက်မှ အကောင်းဆုံးပုံပြင်များကို လူထုဦးလှက စုစည်း၍ အတွဲများခွဲကာ စာအုပ်ထုတ်ဝေခြင်းဖြစ်သည်။ ယခုဒုတိယတွဲတွင် ကျားဆိုတာ ကွမ်းသီးလုံးလောက်ပါ ဘုရား၊ ဒုက္ခမကြောက်သော ကပ္ပိယကြီး၊ အလှူ့ဒကာနှင့် ဇာတ်ဆရာ၊ သဘောချင်းနှောကြသည့် ဖိုးသူတော် ၂ ဦး၊ စာကျအောင် မဖတ်သူများ၊ မီးနိုင်ဂါထာ၊ ကျောက်ပါတယ် ရေမရောပါဘုရားအပါအဝင် ပုံပြင် ၅၁ ပုဒ်ပါရှိသည်။

စကားပြေ ၁၀၀ (မြန်မာစာရေးဆရာ ၁၀၀ ၏ စကားပြေ ၁၀၀ စုစည်းမှု) (မောင်ထင်, အမျိုးသားပညာဝန် ဦးဖိုးကျား, မန်းတင်, သခင်ဘသောင်း, တက်တိုး, ဒဂုန်ဦးထွန်းမြင့်, သခင်တင်မြ, သော်တာဆွေ, ရွှေဥဒေါင်း, ဇဝန, ပီမိုးနင်း, ဒေါက်တာကျော်စိန်, လူထုဒေါ်အမာ, မင်းယုဝေ, ဇော်ဂျီ, မင်းပူးဆရာတော် ဦးသြဘာသ, ကျီးသဲလေးထပ်ဆရာတော်, အောင်သင်း, ဒဂုန်ဦးစန်းငွေ, မင်းသုဝဏ်, ဖိုးကျော့, သိပ္ပံမောင်ဝ, သိန်းဖေမြင့်, ဦးနု, ဒေါက်တာလှဘေ, ကျော်အောင်, သခင်ကိုယ်တော်မှိုင်း, ဂျာနယ်ကျော်ဦးချစ်မောင်, ဦးကုလား, မုံရွေးဇေတဝန်ဆရာတော်, ဦးဘဂျမ်း, ငွေဥဒေါင်း (ဦးကြီးမောင်), ရန်အောင်, လူထုဦးလှ, တက္ကသိုလ်မောင်သန့်စင်, ဦးဖေမောင်တင်, သင်္ဂဇာဆရာတော်, တိုက်စိုး, ဆန်းထွန်း (မန်းတက္ကသိုလ်), စလေဆရာတော် ဦးပုည, ဂျိမ်းစ်လှကျော်, မင်းကျော် (မလိခ), ဇေယျ, လယ်တီပဏ္ဍိတဦးမောင်ကြီး, ကြယ်နီ, တင်မိုး, မင်းဆွေ, ဒေါက်တာတင်ရွှေ, ကင်းဝန်မင်းကြီး ဦးကောင်း, ပဌမမောင်းထောင် သာသနာပိုင်ဆရာတော်ဘုရားကြီး, ဦးဖိုးလတ်, ‘ဇိနာလင်္ကာရဓဇ မဟာရာဇဂုရု’ ဘွဲ့တံဆိပ်တော်ရ, ဦးပဂျီငို (ပ-သုံးလုံး ဝိပဿနာ), ဦးအောင်, ယောအတွင်းဝန် ဦးဘိုးလှိုင်, ဦးသန့် (ကုလသမဂ္ဂ အထွေထွေ အတွင်းရေးမှူးချုပ်ဟောင်း), ဒေါ်ရီကြိန်, နွယ်စိုး, ရှင်မဟာသီလဝံသ, တက္ကသိုလ်ဝင်းမွန်, ဦးလတ်, တောင်ဖီလာဆရာတော်, လူမျိုးနော်, တက္ကသိုလ်မင်းမော်, ဗိုလ်ချုပ်အောင်ဆန်း, ရွှေတောင်သီဟသူ, ဒဂုန်နတ်ရှင်, သင်္ခါ, မောင်ဖေသန်း, မြမျိုးလွင်, မင်းရှင်, ဦးခြိမ့်, ဦးတင်လှ, မုန်တိုင်ပင်ဆရာတော်, တက္ကသိုလ်မောင်မောင်ကြီး, ပါမောက္ခဦးချမ်းမြ, ဟံသာဝတီဦးဘရင်, မျိုးသန့်, သူရိယကန္တိ, မောင်အာယု, ဦးမြတ်စိုး, ရွှေဝယ်ဧ, ဦးတင့်ဆွေ (ဘီအေ၊ ဘီအယ်လ်၊ ဒီတီ၊ အက်အာရ်အိပ်ချ် - အက်စ်), မဟာဓမ္မသြင်္ကန်, မဟာပညာကျော်, ဗညားဒလ, တော်စိန်ခို, ဆရာနု, မိချော) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

မြန်မာစကားပြေအရေးအသား လေ့လာရာတွင် စံနမူနာထား အတုယူသင့်သည့် စကားပြေ ၁ဝဝ ပုဒ်ကို ဤစာအုပ်တွင် တစ်စုတစ်စည်းတည်း ဖတ်ရှုလေ့လာကြရမည် ဖြစ်သည်။

ဆရာကြီးဦးဖေမောင်တင် (တက်တိုး, နုယဉ်, ခင်နှင်းယု, မင်းယုဝေ, မောင်ခင်မင် (ဓနုဖြူ), လှသမိန်, အောင်သင်း, မင်းသုဝဏ်, မောင်သာနိုး, ဦးသန်းထွတ် (ပါမောက္ခ (ငြိမ်း) ပညာရေးတက္ကသိုလ်), နေဝင်း (လန်ဒန်), ဒေါက်တာနိုင်ပန်းလှ, ဇော်ဇော်အောင်, ဦးသိန်းဦး, လူထုဦးလှ, မောင်သွေးသစ်, ဦးဖေမောင်တင်, မြဝင်း (ဒဿန), မြန်မာ့အသံကျော်ဦး, ငြိမ်းကျော်, မောင်ဇေယျာ, လယ်တီဦးလှတင်, မြကေတု, အံ့မောင်, ဒေါက်တာသော်ကောင်း, တက္ကသိုလ်မင်းမော်, မလေးလုံ, အရှင်ဃောတိတ (M.A), အောင်မိုးဆောင်း, မြင့်သိန်း, မောင်မြသွင် (သိပ္ပံကျောင်းသား), ဒေါ်ခင်ခင် (ပြည်) (မယ်ခခွေး), ပန်းတနော်ဦးခန့်, စိုးရှိန်, စံတိုး) (အတ္ထုပ္ပတ္တိ / ကိုယ်တွေ့မှတ်တမ်း)

မြန်မာပညာရေးလောကနှင့် မြန်မာစာပေလောကတို့အတွက် ကောင်းကျိုးအထွေထွေကို ဦးဆောင်တီထွင် ဖန်တီးပေးခဲ့သော ဆရာကြီးဦးဖေမောင်တင်၏ နှစ် ၁၃ဝ ပြည့် (၁၈၈၈ - ၂ဝ၁၈) အမှတ်တရအဖြစ် ထုတ်ဝေလိုက်သော စာအုပ်ဖြစ်သည်။ ဆရာကြီးအကြောင်း ဂုဏ်ပြုရေးသားထားသည့် ဆောင်းပါးများ၊ ဆရာကြီးကိုယ်တိုင် ရေးသားချက်များမှ မြန်မာစာပေနှင့် သမိုင်းဆိုင်ရာ လက်ရွေးစင်ဆောင်းပါးများ ပါရှိသည်။ အမှတ်တရ ဂုဏ်ပြုရေးသားသူများတွင် ကလောင်စုံပါဝင်ကြပြီး ဦးသော်ကောင်း၏ ဦးဖေမောင်တင် စာစုစာရင်း၊ မောင်သွေးသစ်၏ လန်ဒန်ရောက် ကန်တော့ပန်း၊ တက်တိုး၏ ကျွန်တော့်ကျေးဇူးရှင်တစ်ဦး၊ ဒေါက်တာနိုင်ပန်းလှ၏ ပါမောက္ခဦးဖေမောင်တင်နှင့် ကျွန်တော်၊ အောင်သင်း၏ ပညာလိပ်ပြာကို နိုးတဲ့သူ၊ မောင်ခင်မင်၏ ဆရာကြီးနှင့် ထိုသုံးကြိမ်၊ မင်းသုဝဏ်၏ ဦးဖေမောင်တင်အား ကန်တော့ခြင်း၊ လှသမိန်၏ ထာဝရ ဂါဝရအပါအဝင် ဆောင်ပါးများစွာပါရှိသလို ဆရာကြီးဦးဖေမောင်တင်ရေးလက်ရာများဖြစ်ကြသည့် ခေတ်စမ်းပုံပြင်များ၊ အထက်တန်းမြန်မာစကားပြေကောက်နုတ်ချက်များ၊ မြန်မာစာ အရေးအသား တိုးတက်စေနည်းအပါအဝင် အကောင်းဆုံးလက်ရွေးစင်ဆောင်းပါးများကိုပါ စာအုပ်တွင် တစ်စုတစ်စည်းတည်း ဖတ်ရှုရမည်ဖြစ်သည်။

သခင်ကိုယ်တော်မှိုင်းနိဒါန်း (ဇော်ဂျီ, မင်းသုဝဏ်, လူထုဦးလှ, ဦးဘဖေ) (အတ္ထုပ္ပတ္တိ / ကိုယ်တွေ့မှတ်တမ်း)

စာပေရေး၊ လွတ်လပ်ရေး၊ ငြိမ်းချမ်းရေးတို့၏ ဖခင်ဖြစ်သလို မြန်မာပြည်သူ ပြည်သားတို့၏ ဖခင်လည်းဖြစ်သော ဆရာကြီး သခင်ကိုယ်တော်မှိုင်း ကွယ်လွန်ခဲ့စဉ်အချိန်က ဆရာကြီး၏ ဘဝနှင့် ကြိုးပမ်းဆောင်ရွက်မှုများကို ပြည်သူများ သိရှိနားလည်နိုင်စေရန် ရည်သန်၍ ဈာပနမဏ္ဍပ်တွင် ဟောပြောပွဲနှင့် ကဗျာဆိုပွဲများကို ပြုလုပ်ခဲ့သည်။ ထိုဟောပြောပွဲ၌ လူထုဦးလှက “စာပေ၊ လွတ်လပ်ရေးနှင့် ငြိမ်းချမ်းရေး ဖခင်ကြီး ဆရာကြီးသခင်ကိုယ်တော်မှိုင်း”ခေါင်းစဉ်ဖြင့်လည်းကောင်း၊ ဆရာဇော်ဂျီက “ဆရာကြီး သခင်ကိုယ်တော်မှိုင်း၏ ကဗျာ့သဘောနှင့် ကဗျာ့ကျေးဇူး”ခေါင်းစဉ်ဖြင့်လည်းကောင်း၊ ဦးဘဖေက “သတင်းစာဆရာတို့၏ ဘိုးအေကြီး ဆရာကြီး သခင်ကိုယ်တော်မှိုင်း”ခေါင်းစဉ်ဖြင့်လည်းကောင်း၊ ဆရာမင်းသုဝဏ်က ဆရာကြီး သခင်ကိုယ်တော်မှိုင်း၏ ကဗျာရှင်းလင်းချက်များကိုလည်းကောင်း ဖတ်ကြားခဲ့ကြသည်။ ယခုစာအုပ်မှာ ထိုဟောပြောဖတ်ကြားခဲ့သည်များကို စာအုပ်အဖြစ် မှတ်တမ်းတင် ရိုက်နှိပ်ထုတ်ဝေထားခြင်းဖြစ်သည်။

ပြည်ထောင်စု တိုင်းရင်းသားလူမျိုးများ ပုံပြင် ၁၀၀ (လူထုဦးလှ) (ကလေးစာပေ)

“တိုင်းရင်းသားအချင်းချင်း သိနားလည်မှုရှိမှသာ ချစ်ကြည်မှု ခိုင်မြဲမည်။ ထိုသို့ သိနားလည်မှု ရှိစေရေးအတွက် ကလေးလူငယ်ဘဝကတည်းက စပြီး တည်ဆောက်ပေးရမည်”ဟု ယုံကြည်သော လူထုဦးလှသည် သူယုံကြည်သည့်အတိုင်းပင် မြန်မာပြည်တလွှားမှ တိုင်းရင်းသားပုံပြင်များကို အနှစ် ၂ဝ ကျော်ရှာဖွေစုဆောင်းခဲ့ပြီး တိုင်းရင်းသားပုံပြင်စာအုပ် ၄၇ အုပ်ကို ထုတ်ဝေခဲ့သည်။ ထိုစာအုပ်များမှ တိုင်းရင်းသားစုံတို့၏ လက်ရွေးစင် ပုံပြင် ၁ဝဝ ကို လူထုဦးလှ နှစ် ၁ဝဝ ပြည့် မွေးနေ့အထိမ်းအမှတ်အဖြစ် ရွေးချယ်ကာ စာအုပ်အဖြစ် ထုတ်ဝေထားခြင်းဖြစ်သည်။ ကချင်၊ ကယား၊ ကရင်၊ ချင်း၊ မွန်၊ ဗမာ၊ ရခိုင်၊ ရှမ်းသာမက ပအိုဝ်း၊ ပလောင်၊ တောင်ရိုး၊ အင်းသား၊ လူရှေ၊ လီဆူ၊ လားဟူ၊ နာဂ၊ တိုင်းခမ်းတီအစရှိသည့် တိုင်းရင်းသားများ၏ ပုံပြင်များကို ဖတ်ရှုကြရမည်ဖြစ်သည်။