Most Visited of နိုင်းနိုင်းစနေ

ကျွန်မဖတ်ဖို့ (အတွဲ ၁) (နိုင်းနိုင်းစနေ) (သုတစာပေ)

စာရေးသူ ယခင်ထုတ်ဝေခဲ့သည့် စာအုပ်များနှင့် မတူဘဲ ကွဲပြားသည့်ပုံစံဖြင့် ဖတ်ရမည့် ဤစာအုပ်တွင် စာရေးသူ ဘဝတစ်လျှောက် မှတ်သားမိခဲ့သည့် ပညာရှိများ၏ အဆိုအမိန့်များ၊ မှတ်စုတိုများ၊ အချစ်အကြောင်းများကို မှတ်စုတိုပုံစံဖြင့် တင်ပြရေးသားထားသည်။ မာတိကာနှင့် စာအုပ်စီစဉ်ထားပုံအပေါ် စာရေးသူ၏ အမှာစာကို စာမြည်းရန်တွင် ဖတ်ရှုနိုင်ပါသည်။

သတ္တိရှိတဲ့ ပထမခြေလှမ်း စာစုများ (စိတ်ခွန်အားဖြည့် စာစုများ) (နိုင်းနိုင်းစနေ) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

သူသူငါငါ နေ့စဉ်ကြုံတွေ့နေရသော ဘဝဇာတ်လမ်းစုံမှ “မသိသူကျော်သွား၊ သိသူဖော်စား”ထားသည့် ဘဝသင်ခန်းစာများ၊ အတွေးအမြင်များ၊ ပျော်ရွှင်စရာများ၊ စိတ်အားတက်ကြွဖွယ်ရာ ဘဝသတ္တိများ၊ လူတစ်ဦးချင်းစီ၏ ပင်ကိုယ်အရည်အသွေးများကို ပျော်ရွှင်ကြည်နူးဖွယ်ရာ စုစည်းဖော်ထုတ် တင်ပြထားသော ဒဿန၊ ရသ၊ ပျော်စရာ အတွေးအမြင် စာပေါင်းစုဖြစ်သည်။ စာစုအများစုမှာ အင်တာနက်ပေါ်မှ ဆောင်းပါးများကို မူရင်းအာဘော်မပျက်စေဘဲ စာဖတ်သူအလွှာတိုင်းနှင့် ဝင်ဆံ့သည့် ရေးသားဟန်ဖြင့် အနုပညာရသပေါ်လွင်အောင် မြန်မာပြန်ဆိုထားခြင်းဖြစ်သည်။

မေတ္တာတို့ ပေါင်းစုရာ (နိုင်းနိုင်းစနေ) (မိသားစုရေးရာ)

မိဘမေတ္တာကို အမျိုးမျိုး ဖွဲ့နွဲ့ စပ်ဆို ရေးသားကြသော်လည်း ရေးဖွဲ့၍ မကုန်နိုင်သလို ဖတ်ရသည်မှာလည်း ရိုးသွားတယ်ဟူ၍ မရှိကြောင်း၊ သို့သော် “နီးကပ်လေ မှုန်ဝါးလေ”ဆိုသလို အနီးကပ်ဆုံးမှာရှိသည့် မိဘများ၏ ဂရုစိုက်မှု၊ ချစ်ခြင်းမေတ္တာများကို မတော်တဆ သို့မဟုတ် တမင်သက်သက် လျစ်လျူရှုမိတတ်ကြကြောင်း၊ ထိုအကြောင်းက မိဘများနှင့် ဝေးရာသို့ ရောက်သွားသောအခါ သို့မဟုတ် မိဘများ ကွယ်လွန်သွားသောအခါ နောင်တအဖြစ် ကျန်ရစ်ခဲ့စေကြောင်း၊ ထို့ကြောင့် မိဘများ အသက်ရှင်စဉ် သူတို့၏ ကြီးမားသည့် မေတ္တာတရားကို သိမြင်စေဖို့အတွက် ရည်ရွယ်ကာ အင်တာနက်ပေါ်မှ စာရေးသူ ဖတ်ရှုမိသည့် ကောင်းနိုးရာရာ စာစုများကိုပေါင်းကာ ဘာသာပြန်ရေးသားလိုက်ခြင်းဖြစ်ကြောင်း အမှာစာတွင် ရေးသားထားသည်။ စာမြည်းရန်တွင် ပါဝင်သော ဆောင်းပါးအမည်များကို ဖတ်ရှုနိုင်ပါသည်။

စမ်းချောင်းလေးရဲ့ ခရီးစဉ် စိတ်ခွန်အားဖြည့် စာစုများ (နိုင်းနိုင်းစနေ) (သုတစာပေ)

စာရေးသူ၏ စိတ်ခွန်အားဖြည့် စာစုဆောင်းပါးတိုများကို စုစည်းပေးထားခြင်းဖြစ်သည်။ ပါဝင်သော ဆောင်းပါးများမှာ လက်ထဲက လိမ္မော်ချို၊ စမ်းချောင်းလေးရဲ့ ခရီးစဉ်၊ ခေါင်းဆောင်ကောင်းတစ်ဦး၊ နှုတ်ချိုသျှိုတစ်ပါး၊ စကားထဲက အသိ၊ (မ)ဖြစ်နိုင်၊ ထင်းခုတ်သမားနှစ်ဦး၊ ဆန်ခါသုံးခု၊ အားနည်းချက်မှ အားသာချက်သို့၊ နာမည်ကြီးတံဆိပ်၊ ပျော်ရွှင်သော သော့၊ သဘာဝအတိုင်းပါပဲ၊ ပုံပျက်သွားသော ရိုးသားမှု၊ အမြင်နဲ့ အတွေး၊ ချစ်ခြင်းမေတ္တာ၊ ရိုးရိုးကျင့် မြင့်မြင့်ကြံ၊ ခေါက်ဆွဲသုံးပွဲနှင့် ကြက်ဥကြော်၊ စကားလေးတစ်ခွန်း၊ အင်တာနက်ပေါ်က ပုံပြင်တိုကလေးများ၊ ကုန်သည်ကြီး၏ မွေးစားသမီး၊ အခွံပါတဲ့ ခရုငယ်၊ အသံတွေ ကြားရဲ့လား၊ မျောက်ငါးကောင် ပုံပြင်၊ ဘဝထဲက လှေငယ်များ၊ နီပေါလ်က ဘီယာ၊ ဝက်အူရစ်လေးတစ်ချောင်း တို့ဖြစ်ကြသည်။

ထင်ရှားသူတို့၏ ဘဝပုံပြင် (နိုင်းနိုင်းစနေ) (အတ္ထုပ္ပတ္တိ / ကိုယ်တွေ့မှတ်တမ်း, သုတစာပေ)

ထိုင်ဝမ်မှ စာရေးဆရာ Lee Ming Yi ရေးသားသည့် Their Stories စာအုပ်ကို ဘာသာပြန်ဆိုထားခြင်း ဖြစ်သည်။ လောကတွင် အပင်ပန်းမခံဘဲ ရသည့်အရာများဆိုသည်မှာ မရှိဘဲ တစ်ခုခုကို ပေးဆပ်မှ တစ်ခုကို ပြန်ရတာချည်းဖြစ်ရာ ဘယ်လိုအခက်အခဲ၊ ဘယ်လိုပြဿနာမျိုးစုံ ကြုံတွေ့ရသော်လည်း စိတ်ကူးအိပ်မက်ကို မယိုင်လဲစေဘဲ မိမိယုံကြည်သည့်အရာများကို မဖြစ်မနေ အကောင်အထည်ဖော်နိုင်ခဲ့ကြသည့် ကမ္ဘာကျော်ပုဂ္ဂိုလ် ၃၉ ဦးအကြောင်းကို ဤစာအုပ်တွင် အသေးစိတ်လေ့လာကြရမည် ဖြစ်သည်။ သူတို့၏ ဘဝဖြစ်စဉ်ထက် သူတို့၏ စိတ်ဓာတ်၊ အားမာန်၊ ခံယူချက်၊ ဇွဲ၊ လုံ့လ၊ ဝီရိယ၊ စွန့်ဦးတီထွင်စိတ်ကူးဉာဏ်များအကြောင်းကို အသားပေးဖော်ပြထားသည်။ ဘာသာပြန်ဆိုသူက “ ... သူတို့ကြီးပြင်းရာတစ်လျှောက်မှာ တွေ့ကြုံဖြစ်ပျက်ခဲ့သည့် ပုံပြင်တွေကတစ်ဆင့် ကျွန်မတို့ ရုန်းကန်လှုပ်ရှားနေရသည့် လူ့ဘဝခရီးလမ်းမှာ လိုအပ်သည့် အသိဉာဏ်, ခွန်အားအဖြစ် ပြောင်းလဲနိုင်ဖို့ မျှော်လင့်ပါတယ်။ ပုံပြင်တိုင်းဟာ အောင်မြင်မှုတံခါးဆီသွားတဲ့ လမ်းခင်းကျောက်လေးတွေပါ။ ရှေ့ဆက်လှမ်းဖို့ ကျွန်မတို့အတွက် လမ်းခင်းပေးထားပါတယ်။ ... ”ဟု ဆိုထားသည်။

ကျွန်မဖတ်ဖို့ (အတွဲ ၂) (နိုင်းနိုင်းစနေ) (သုတစာပေ)

အကြောင်းအရာများ လွယ်ကူခြင်း၊ လက်တွေ့ကျခြင်း၊ အချက်အလက် ကြွယ်ဝစုံလင်ခြင်း၊ တင်ပြပုံ တင်ပြနည်း ရှင်းလင်းခြင်းတို့ကြောင့် အင်တာနက်စာမျက်နှာများတွင် လူသိများလာသည့် စာရေးသူက မိမိကိုယ်ကို ယုံကြည်မှု တည်ဆောက်ပြီး၊ အောင်မြင်သောဘဝကို တက်လှမ်းစေမည့် စိတ်ခွန်အားဖြည့် စာစု ၁၂ ပုဒ်ကို ဤစာအုပ်တွင် စုစည်းပေးထားသည်။ ထုတ်ဝေသူက “စာရေးဆရာမကိုယ်တိုင် စိတ်ဓာတ်ကျသည့်အခါ စိတ်အားတက်လာအောင် ဖတ်ဖို့ ရွေးချယ်ထားသည့် စာစုများဖြစ်၍ စာဖတ်သူများအတွက် မုချ စိတ်အားတက်စေမည့် စိတ်ခွန်အားဖြည့် မှတ်စုများဖြစ်သည်”ဟု ညွှန်းဆိုထားသည်။

ပျော်ရွှင်ခြင်းရဲ့ လျှို့ဝှက်အမှတ် အောင်မြင်သူရဲ့လမ်း (နိုင်းနိုင်းစနေ) (လူမှုရေးနှင့် စိတ်ပညာ)

အင်တာနက်ပေါ်မှ ဖတ်မိသည့် ကောင်းနိုးရာရာစာစုများကို ဘာသာပြန်မျှဝေထားခြင်းဖြစ်သည်။ စာစုများတွင် ဘဝအောင်မြင်ရေးအတွက် တွန်းအားပေးသည့် စာစုများပါသလို စိတ်ဓာတ်ခွန်အားဖြည့်ဆည်းပေးမည့် စိတ်ခွန်အားဖြည့် နှလုံးသားအဟာရစာစုများလည်း ပါဝင်နေသည်ကို တွေ့ရှိရမည်ဖြစ်သည်။ ပါဝင်သော ဆောင်းပါးစာရင်းကို မာတိကာတွင် ကြည့်ရှုနိုင်ပါသည်။

ကံကောင်းခြင်း တံခါးလာခေါက်တဲ့အခါ (နိုင်းနိုင်းစနေ) (သုတစာပေ)

Alex Ravira နှင့် Fernando Trias de Bes တို့ရေးသားသည့် Good Luck စာအုပ်ကို ဘာသာပြန်ဆိုထားခြင်း ဖြစ်သည်။ ဤစာအုပ်ကို ဖတ်က ကံကောင်းရမည်ဟု ဆိုခြင်းထက် ကံကောင်းစေမည့်အကြောင်းတရားများ၊ “ကံကောင်းခြင်း” ဆိုသည့်နှင့် ပတ်သက်၍ ဖွင့်ဆိုချက်၊ “ကံတရား”နှင့် “ကံကောင်းခြင်း” ခွဲခြားပုံတို့ကို စာဖတ်သူများ သိရှိနိုင်မည်ဟု စာအုပ်စီစဉ်သူက ဆိုထားသည်။ “ကံတရား” ကို ယုံကြည်သူတစ်ဦးနှင့် “ကံကောင်းခြင်း”ကို ယုံကြည်သူတစ်ဦးတို့အကြောင်းကို အမှန်တကယ် လက်တွေ့ဘဝနှင့် နီးစပ်သည့် စည်းမျဉ်းများနှင့်အတူ စိတ်ဝင်စားဖွယ် ရေးသားတင်ပြထားသည်။

အမေ့လက်ရေး စာစုများ (နိုင်းနိုင်းစနေ) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

ယခုအခါ အမေမရှိတော့သော စာရေးသူသည် အမေမရှိတော့သည့် အချိန်ရောက်မှသာ အမေ့မေတ္တာ၊ အမေ့တန်ဖိုးကို ပိုနည်းလည်ခဲ့ရသည်ဟု ဆိုသည်။ ထို့ကြောင့် အမေ့ကို လွမ်းသည့်စိတ်ဖြင့် စာရေးသားခြင်း၊ စာဖတ်ခြင်းတို့ကို ပြုလုပ်ခဲ့သလို ရေးပြီးသား ဆောင်းပါးများကိုလည်း စာရေးသူ၏ အင်တာနက် မြန်မာဘလော့ဂ်များမှတစ်ဆင့် မျှဝေခဲ့သည်။ ယခုစာအုပ်သည် အမေနှင့် ပတ်သက်၍ စာရေးသူရေးသားခဲ့သည့် မိဘမေတ္တာ ဆောင်းပါးများကို စုစည်းထုတ်ဝေထားခြင်းဖြစ်သည်။ စာမြည်းရန်တွင် ပါဝင်သော ဆောင်းပါးများစာရင်းကို ဖတ်ရှုနိုင်ပါသည်။

နှလုံးသားဝန်ဆောင်မှု (နိုင်းနိုင်းစနေ) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

အင်တာနက်စာမျက်နှာများမှ စာရေးသူ နှစ်ခြိုက်သဘောကျခဲ့သည့် ဆောင်းပါးများကို ရွေးချယ် ဘာသာပြန်ဆိုထားခြင်း ဖြစ်သည်။ နှလုံးသား၏ လိုအပ်နေသည့် ဟာကွက်များကို ဤစာအုပ်က ဝန်ဆောင်မှု ဖြည့်ဆည်းပေးမည် ဖြစ်သည်။