New Arrivals of ကုန်သွယ်ရေး / စီးပွားရေး

၂၀၀၈ ဘဏ္ဍာရေးလောင်မီး (ကျော်စိုးမင်း) (ကုန်သွယ်ရေး / စီးပွားရေး)

၂၀၀၈ ခုနှစ် ကမ္ဘာ့ဘဏ္ဍာရေး အကျပ်အတည်းကာလအတွင်း အမေရိကန်နိုင်ငံ၏ စီးပွားရေးကို ဦးဆောင်ကိုင်တွယ်ခဲ့သူ (၃) ဦးဖြစ်သည့် အမေရိကန် ဗဟိုဘဏ် ဥက္ကဋ္ဌ နိုဘယ်လ်ဆုရှင် Ben S. Bernanke, ဘဏ္ဍာရေးဝန်ကြီးဟောင်း နှစ်ဦးဖြစ်သူ Timothy F. Geithner နှင့် Henry M. Paulson Jr. တို့ ရေးသားသည့် Firefighting: The Financial Crisis and Its Lessons စာအုပ်ကို ဘာသာပြန်ဆိုထားခြင်း ဖြစ်သည်။ ၂၀၀ ၈ ခုနှစ် စီးပွားရေးအကျပ်အတည်း မည်သို့စတင်ခဲ့ပုံသည်၊ မည်သို့အောင်မြင်စွာ ကိုင်တွယ်ခဲ့ပုံနှင့် အနာဂတ်အတွက် ပြင်ဆင်ထားရမည့်အရာများကို အပိုင်း (၃) ပိုင်းဖြင့် ရေးသားတင်ပြထားသည်။

အွန်လိုင်းဝင်ငွေရှာနည်း ၁၀၀ (လက်တွေ့အသုံးချနိုင်မည့် အွန်လိုင်းစီးပွားရေး အကြံဉာဏ်များ) (Online Business Ideas 100) (Zaw Thit) (ကုန်သွယ်ရေး / စီးပွားရေး)

Online မှ စီးပွားရေးလုပ်လိုသူများအတွက် လက်တွေ့အသုံးချနိုင်သော အကြံဉာဏ်များ၊ သိရှိထားရမည့် ဗဟုသုတများ၊ AI အသုံးချ၍ စျေးကွက်ထိုးဖောက်ပုံများနှင့် စီးပွားရေး လမ်းညွှန်ချက်များကို စုစည်းတင်ပြထားသော စာအုပ်ဖြစ်သည်။

ပစိဖိတ်နှုတ်ခမ်းပေါ်က ပျားရည်စက် … (မြသန်းတင့်) (ကုန်သွယ်ရေး / စီးပွားရေး, နိုင်ငံရေး)

ယခင် ထုတ်ဝေခဲ့ဖူးသည့် မြန်မာ့စီးပွားရေးဂျာနယ်တွင် ဆရာမြသန်းတင့်သည် “ဇောတိက”ကလောင်အမည်ဖြင့် အာရှနိုင်ငံများ၏ စီးပွားရေး သုံးသပ်ချက်ဆောင်းပါးများကို ဆွေးနွေးဟန်ဖြင့် ရေးသားခဲ့ရာ ယခုစာအုပ်သည် ထိုဆောင်းပါးများကို စုစည်းထုတ်ဝေလိုက်ခြင်းဖြစ်သည်။ ဆောင်းပါးများတွင် ၁၉၉၂ ခုနှစ်၊ ၁၉၉၃ ခုနှစ်များ တစ်ဝိုက်က အာရှနိုင်ငံများ၏ နိုင်ငံရေး နောက်ခံကားချပ်များနှင့် ထိုခေတ်ထိုအခါ အခြေအနေများကို စီးပွားရေးအချက်အလက်များနှင့်အတူ ပေါ့ပေါ့ပါးပါး စကားပြောဟန် ရေးဟန်ဖြင့် တင်ဆက်ထားသည်။

ငွေရှာနည်းနှင့် ရောင်းချနည်းစိတ်ပညာ (ပီမိုးနင်း) (ကုန်သွယ်ရေး / စီးပွားရေး, လူမှုရေးနှင့် စိတ်ပညာ)

တက်ကျမ်းဆရာကြီး ပီမိုးနင်းရေးသားခဲ့သော ငွေရှာခြင်းဆိုင်ရာ ဆောင်းပါးများ၊ ရောင်းချနည်းစိတ်ပညာ ဆောင်းပါးများကို စုစည်း၍ စာအုပ်အဖြစ် ထုတ်ဝေထားခြင်း ဖြစ်သည်။ ငွေရှာနည်း၊ စုဆောင်းနည်း၊ ထိုစုငွေဖြင့် ကြီးပွားတိုးတက်အောင်လုပ်နည်း၊ ဝန်ဆောင်မှုဖြစ်စေ ကုန်ပစ္စည်းဖြစ်စေ ဝန်ဆောင်မှုပေး ရောင်းချရာတွင် စိတ်ပညာကိုအသုံးချ၍ ရောင်းအားမြှင့်တင်နည်းများကို စာအုပ်တွင် ဖတ်ရှုကြရမည် ဖြစ်သည်။

ဒစ်ဂျစ်တယ် စီးပွားရေးပုံစံအသစ် (စီးပွားရေးလုပ်ငန်းများအတွက် ဘလော့ခ်ချိန်းနှင့် ဒစ်ဂျစ်တယ် နည်းပညာလမ်းညွှန်) (K Thant) (ကုန်သွယ်ရေး / စီးပွားရေး)

Blockchain နည်းပညာနှင့် ၎င်းကိုအခြေခံ တည်ဆောက်ထားကြသည့် Bitcoin, Ethereum, XRP, Stable Coin စသည့် ဒစ်ဂျစ်တယ်ငွေကြေးများ၊ ကွန်ပျူတာနည်းပညာများဖြစ်ကြသည့် NFT, DAO, DeSo, DID, Metaverse, IoT, Data Science, AI, Cloud တို့အကြောင်းကို သီအိုရီပိုင်း၊ လက်တွေ့အကောင်အထည်ဖော်ပုံ၊ အသုံးချပုံများကို ခြုံငုံရှင်းလင်းရေးသားထားသည်။

နောက်ဆုံးအင်ပါယာနဲ့ မဟာပေါက်ကွဲမှု (နေဇင်လတ်) (ကုန်သွယ်ရေး / စီးပွားရေး, နိုင်ငံရေး)

စာရေးသူ ရေးသားသည့် နိုင်ငံတကာရေးရာ၊ စီးပွားစီမံရေးရာ ဆောင်းပါးများ စုစည်းမှု စာအုပ်ဖြစ်သည်။

စီးပွားရေးကျောင်း သွားစရာမလိုတဲ့ စီးပွားရေးပညာ (မျိုးလွင် (MBA)) (ကုန်သွယ်ရေး / စီးပွားရေး)

Josh Kaufman ရေးသားသည့် The Personal MBA စာအုပ်ကို ဘာသာပြန်ဆိုထားခြင်း ဖြစ်သည်။ အောင်မြင်သည့် လုပ်ငန်းတစ်ခုထူထောင်ဖို့ သို့မဟုတ် အသက်မွေးဝမ်းကျောင်း အလုပ်တိုးတက်ဖို့အတွက် စီးပွားရေးတက္ကသိုလ်တက်ရန် မလိုဘဲ လိုအပ်ချက်မှာ သာမန်တွေးတောတတ်သည်ထက် နည်းနည်းလေးပိုရှိမည့် အသိ၊ ရိုးရိုးသင်္ချာ အတွက်အချက်၊ သဘောတရား ဗဟုသုတအနည်းငယ်သာ ဖြစ်ပုံ၊ စီးပွားရေးလုပ်ငန်းသဘောတရား ခြုံငုံသုံးသပ်ချက်များ၊ စီးပွားရေးအလေ့အထများ အစရှိသည်တို့ကို အခန်း (၁၁) ခန်းခွဲ၍ ရေးသားရှင်းလင်းထားသည်။

စ,တင်ခြင်း (Start Up) (ဝီလျှံအောင်) (ကုန်သွယ်ရေး / စီးပွားရေး)

မည်သည်အလုပ်မဆို အစကောင်းမှသာ အနှောင်းသေချာမည်ဖြစ်ရာ စီးပွားရေးလုပ်ငန်းတစ်ခု စ,တင်တော့မည်ဆိုလျှင်လည်း အိုင်ဒီယာမှ စ,ပြီး သုတေသနလုပ်ဆောင်ချက်၊ အရင်းအမြစ် အသုံးချပုံ၊ စီးပွားရေးမော်ဒယ် တည်ဆောက်ပုံ၊ လုပ်ငန်းတည်မြဲအောင် နည်းဗျူဟာအသုံးချပုံ၊ ငွေစာရင်း ထိန်းသိမ်းပုံ၊ ရင်းနှီးမြှုပ်နှံငွေရှာဖွေပုံ၊ ဆုံးရှုံးနိုင်ခြေလျော့ချနိုင်ရန် စီမံခန့်ခွဲပုံများကို ဤစာအုပ်တွင် စာရေးသူက သူ၏ မြန်မာနှင့် နို်ငငံတကာ အတွေ့အကြုံများနှင့်အတူ မျှဝေ ရေးသားထားသည်။

သင့်လုပ်ငန်းအတွက် အရင်းအနှီး ဘယ်လိုရှာမလဲ (Raising Capital for Startups) (သက်ထွန်းဦး) (ကုန်သွယ်ရေး / စီးပွားရေး)

မိမိလုပ်ငန်းကို နိုင်ငံတကာအဆင့်သို့ တက်လှမ်းလိုသူများ၊ စတော့စျေးကွက်တက်ရန် ရည်ရွယ်ထားသူများအတွက် ရေးသားထားသော စာအုပ်ဖြစ်သည်။ စွန့်ဦးတီထွင် လုပ်ငန်းရှင်များအတွက် ရင်းနှီးငွေ ရှာဖွေပုံ၊ ရင်းနှီးငွေ မည်သို့အရေးပါပုံ၊ ရင်းနှီးငွေ မြှင့်တင်ပုံ၊ လုပ်ငန်းမော်ဒယ်အမျိုးမျိုးအကြောင်း၊ ယှဉ်ပြိုင်ရာတွင် အားသာချက်ရအောင် ဆောင်ရွက်ပုံ၊ ဆုံးရှုံးနိုင်ခြေနှင့် အကျိုးအမြတ် ပြန်ရနိုင်မှု၊ စတော့အိတ်ချိန်းဝင်ပုံနှင့် ထွက်ခွာပုံများ အခန်း (၄) ခန်းခွဲ၍ ရေးသားရှင်းလင်းထားသည်။

ထွန်းပေါက်သော စီးပွားရေးလုပ်ငန်းတစ်ခု ဖြစ်လာအောင် (စိတ်ပိုင်းဆိုင်ရာအရနှင့် ရုပ်ပိုင်းဆိုင်ရာအရ ကြိုတင်ပြင်ဆင်ခြင်း၊ စီမံကိန်းရေးဆွဲခြင်း၊ စီမံခန့်ခွဲခြင်းနှင့် ကြိုတင်သတိပေးချက်များ) (မြတ်ငြိမ်း) (ကုန်သွယ်ရေး / စီးပွားရေး)

M.Masatsugu၏ How to run a sucessful businessကို ဘာသာပြန်ထားခြင်းဖြစ်သည်။ လူတိုင်း တစ်ပိုင်တစ်နိုင်လုပ်နိုင်မည့် အသေးစား စီးပွားရေးလုပ်ငန်းများကို လုပ်ဆောင်ရန် လိုအပ်ချက်များ၊ သိထားသင့်သောအချက်များ၊ ဆောင်ရန် ရှောင်ရန်များ ဘောဂဗေဒပညာရှင်တစ်ယောက်မှ ရှင်းပြသကဲ့သို့ ရှင်းပြပေးမည့် စာအုပ်ဖြစ်သည်။ ငွေရေးကြေးရေး အမှီအခိုကင်းမဲ့သော ဘဝကိုတည်ဆောက်လိုသူများ၊ ကိုယ့်ဘဝကိုယ် စိတ်ကြိုက်ပုံဖော်လိုသူများ၊ ရုပ်ပိုင်းနှင့် စိတ်ပိုင်း ဟန်ချက်ညီသော ဘဝတစ်ခု တည်ထောင်လိုသူများ၊ အဆုံးစွန်ဆုံးပြောရလျှင် လူဆိုတာ ကြံရင်းသေမည်ဟု မာန်တင်းထားသူများအတွက် အထောက်အကူ များစွာပြုမည့် စီးပွားရေးစာအုပ်ကောင်းတစ်အုပ်ဖြစ်သည်။