New Arrivals of ကျန်းမာရေးနှင့် ဆေးပညာ

ဆရာလန်း၏ အဖြူရောင်ခြေရာများ (နယ်လှည့်ဆေးကုသမှု အတွေ့အကြုံမှတ်တမ်းများ) (ဆရာမြင့် (စကြာမင်း)) (ကျန်းမာရေးနှင့် ဆေးပညာ)

ပြည်လူထုအပေါ် ကျန်းမာရေးစောင့်မှုပေးလိုသော စိတ်ရင်းဖြင့် မြန်မာ့တိုင်းရင်းဆေးသမားတော်တစ်ဦး မြန်မာပြည်အနှံ့ ခြေဆန့်ခဲ့သည့် အတွေ့အကြုံမှတ်တမ်းစာအုပ် ဖြစ်သည်။ချင်းတောင်တန်း၏ မြူခိုးဝေသောအရပ်မှသည် တနင်္သာရီ၏ ပင်လယ်လေ တိုက်ခတ်ရာ အရပ်အထိ၊ ပဲခူးရိုးမ၏ တောနက်များမှသည် အညာမြေ၏ ပူပြင်းခြောက်သွေ့သော ရွာငယ်လေးများထိ လှည့်လှယ်သွားရောက်ပြီး ရောဂါဝေဒနာများကို ကုသပေးခဲ့ပုံများ၊ မြန်မာ့တောတောင်တို့ရှိ ဆေးဖက်ဝင်အပင်တို့၏ အစွမ်းသတ္တိများ၊ ဒေသခံတိုင်းရင်းဆေးဆရာကြီးတို့၏ လျှို့ဝှက်ဆန်းကြယ်သော ကုထုံးများနှင့် သူတို့ထဲမှ ပညာစုဆောင်းဆည်းပူးခဲ့ပုံများ၊ လက်တွေ့ကုသခဲ့ရသော လူနာများ၏ ဘဝဇာတ်ကြောင်းများ၊ မိမိတို့၏ အနီးအနားတွင် အလေ့ကျပေါက်နေသော်လည်း တန်ဖိုးမသိခဲ့ကြသော နွယ်မြက်သစ်ပင်တို့၏ အစွမ်းများနှင့် ဒေသန္တရဗဟုသုတများကို စာအုပ်တွင် ဗဟုသုတဖြစ်ဖွယ် ဖတ်ရှုကြရမည် ဖြစ်သည်။

မှတ်ဉာဏ် (ဒေါက်တာခင်မောင်လွင် (FAME)) (ကျန်းမာရေးနှင့် ဆေးပညာ)

လူတစ်ဦး၏ ပညာရေး၊ ကိုယ်ရည်ကိုယ်သွေး၊ လူမှုဘဝ နေ့စဉ်ဘဝဖြတ်သန်းမှု၊ ကြီးပွားအောင်မြင်ရေးတို့တွင် အဓိကကျသော မှတ်ဉာဏ်နှင့် ပတ်သက်သည့် ဆေးပညာဆိုင်ရာ ဗဟုသုတများ၊ အာရုံငါးပါးမှ ရလာသော မှတ်ဉာဏ်ကို သိမ်းဆည်းသော ဦးနှောက်အကြောင်း၊ မည်သို့သိမ်းဆည်းပုံ၊ မှတ်ဉာဏ်ကောင်းလိုက လိုက်နာရမည့် စားသောက်နေထိုင်မှုပုံစံ၊ မှီဝဲသင့်သည့် အစားအစာ၊ ရှောင်ကြဉ်သင့်သည့် ဆေးဝါး အစရှိသည်တို့ကို ယခုစာအုပ်တွင် ရောင်စုံဓာတ်ပုံများ၊ သရုပ်ဖော်ပုံများနှင့်တကွ ရှင်းလင်းရေးသားထားသည်။

ဆုံမှတ် (မိသားစုလက်စွဲ ကျန်းမာရေးလမ်းညွှန်) (The Junction: Family Health Guide) (ဆရာမြင့် (စကြာမင်း)) (ကျန်းမာရေးနှင့် ဆေးပညာ)

တိုင်းရင်းမြန်မာဆေးပညာ၏ အခြေခံသဘောတရားဖြစ်သော ဓာတ်ကြီးလေးပါးမျှတရန် အရေးကြီးပုံ၊ အိမ်တွင်းရှိ သဘာဝဆေးဖက်ဝင်ပစ္စည်းများဖြင့် ရိုးရှင်းသော ဝေဒနာများကို ကုစားနိုင်စေရန်၊ ခန္ဓာကိုယ်တွင်း အင်္ဂါများ အလုပ်လုပ်ပုံကို နားလည်ပြီး ရောဂါရှေ့ပြေးလက္ခဏာများကို စောစီးစွာ သိရှိပြီး အချိန်မီကုသနိုင်ရန်၊ သိပ္ပံနည်းကျ အတည်ပြုထားသည့် ကာကွယ်နည်းများဖြင့် ရောဂါဘယများကို ဟန့်တားရန် ရည်ရွယ်ရေးသားထားသော စာအုပ်ဖြစ်သည်။ အဖြစ်များရောဂါများအကြောင်းကို ခေတ်သစ်ဆေးပညာ၊ တိုင်းရင်းဆေးပညာနည်းအရ ကုထုံး၊ ရုပ်ပိုင်းနှင့် စိတ်ပိုင်းဆိုင်ရာ ကျန်းမာရန်အတွက် နေ့စဉ်နေထိုင်မှုပုံစံ အစရှိသည်တို့ကို ဆေးပညာနှစ်ရပ်စလုံး၏ အမြင်ဖြင့် ပြည့်ပြည့်စုံစုံ ရှင်းလင်းရေးသားထားသည်။

ကိုယ်တွင်းအင်္ဂါရဲ့ စကားသံများ (သို့မဟုတ်) လျှို့ဝှက်ချက်များ (ကိုယ်တွင်းအင်္ဂါများ အလုပ်လုပ်နေကြပုံကို အသေးစိတ် ရှင်းပြထားပါသည်) (တက်ခေါင်) (ကျန်းမာရေးနှင့် ဆေးပညာ)

ကိုယ်တွင်းအင်္ဂါအစိတ်အပိုင်းများ၏ အံ့ဖွယ်လုပ်ဆောင်ချက်များကို ခက်ခဲသော သိပ္ပံစကားလုံးများဖြင့် မဟုတ်ဘဲ ရိုးရှင်းသော ပုံပြင်တစ်ပုဒ်ကဲ့သို့ ရသမြောက်စွာ တင်ပြထားသော စာအုပ်ဖြစ်သည်။ ကိုယ်အင်္ဂါတစ်ခုချင်းစီ၏ တာဝန်ဝတ္တရားများ၊ ၎င်းတို့ ပျက်စီးချို့ယွင်းပါက ဖြစ်ပေါ်လာမည့် အကျိုးဆက်များ၊ အဖြစ်များသည့် ရောဂါများနှင့် ကုထုံး၊ ၎င်းကိုယ်အင်္ဂါတစ်ခုချင်းစီ၏ လိုအပ်ချက်ကို သိရှိနားလည်သဘောပေါက်ပြီး စနစ်တကျနေထိုင်စားသောက်နည်းတို့ကို စာအုပ်တွင် ဖတ်ရှုကြရမည် ဖြစ်သည်။

အချိန်ပိုင်း အစာရှောင်ခြင်း (Intermittent Fasting 2026) (Health & Fitness Doctor (‌M.B.B.S (YGN)‚ Dip in Fitness & Nutrition (Pennsylvania‚ U.S.A) (Trainer of Personal Traniners)) (ကျန်းမာရေးနှင့် ဆေးပညာ)

Fasting လုပ်နေသူများ၊ လုပ်မည့်သူများ သိထားရမည့် ခန္ဓာကိုယ်အဆီချခြင်း၊ ကြွက်ားထု ထိန်းသိမ်းခြင်းဆိုင်ရာ ကျန်းမာရေးသိပ္ပံတွေ့ရှိချက်များကို ကမ္ဘ္ဘာကျော် ဝိတ်ချကျွမ်းကျင်သူ ဆီးနှင့် ကျောက်ကပ် အထူးကုဆရာဝန်ကြီး Dr. Jason Fung ၏ ပြောကြားချက်များကိုကား၍ ရေးသားရှင်းလင်းထားသော စာအုပ်ဖြစ်သည်။

ခေါင်းကိုက်ခဲခြင်း သိကောင်းစရာများ (ကောင်းသာ) (ကျန်းမာရေးနှင့် ဆေးပညာ)

Dr.Savitri Ramaiah ရေးသားသည့် All you wanted to know about headache စာအုပ်ကို ဘာသာပြန်ဆိုထားခြင်း ဖြစ်သည်။ ခေါင်းအုံ ခေါင်းခဲခြင်း၊ တင်းမာတောင့်ခဲခြင်း၊ ဒဏ်ရာတစ်ခုခုကြောင့် သွေးကြောထဲတွင် ခဲနေခြင်းအပါအဝင် အမျိုးမျိုးသော ခေါင်းကိုက်ခဲခြင်းများ၏ ဖြစ်ပွားရခြင်း အကြောင်းရင်းများ၊ သဘာဝတ္ထကုသနည်းများ၊ မှီဝဲသုံးစွဲသင့်သည့် ဆေးဝါးများအကြောင်းနှင့် ဆေးညွှန်း၊ မည်သို့ကာကွယ်တားဆီးပုံများကို ဤစာအုပ်တွင် တိုရှင်းလိုရင်း လမ်းညွှန်ရှင်းလင်းထားသည်။

အလေးအနက်ထားစရာ လျစ်လျူရှုခံရောဂါများ (ဒေါက်တာချိုနိုင် (အေးချမ်းရိပ်)) (ကျန်းမာရေးနှင့် ဆေးပညာ)

ကမ္ဘာတစ်ဝန်း အဖြစ်များသော်လည်း ကာကွယ်တိုက်ဖျက်ရေးအတွက် အခက်အခဲနှင့် စိန်ခေါ်မှုများရှိသည့်အတွက် မပပျောက်သေးသည့် ဘူးရှီလာအရေပြား အနာရောဂါ၊ အနာကြီးရောဂါ၊ ဝဲရောဂါ၊ ယောရောဂါ၊ လစ်ရှ်မာနီယပ် အရေပြားရောဂါ၊ မြစ်ကမ်းနား မျက်စိကွယ်ရောဂါ၊ ဆင်ခြေထောက်ရောဂါ၊ အနာအိုင်ရောဂါနှင့် ယားယံခြင်းကိုဖြစ်စေသော ခရုကိုက်ရောဂါ၊ သန်လုံးကောင်ရောဂါ၊ တုပ်ကောင်ရောဂါ စသည်တို့၏ ရောဂါတို့အကြောင်းကို ဖြစ်ပွားစေသည့် ရောဂါပိုး၊ ရောဂါလက္ခဏာများ၊ ရောဂါကူးစက်ပုံတို့ကို ပြည့်စုံစွာ ဖော်ပြထားသည့် စာအုပ်ဖြစ်သည်။ စာရေးသူသည် ဤစာအုပ်ဖြင့် ၂၀၂၃ ခုနှစ်အတွက် စာပေဗိမာန်စာမူဆု သုတပဒေသာ (ရိုးရိုးသိပ္ပံနှင့် အသုံးချသိပ္ပံ) တတိယဆုကို ဆွတ်ခူးနိုင်ခဲ့သည်။

ခြေလှမ်း ၁၀,၀၀၀ ကပေးတဲ့ စွမ်းအားများနှင့် အထွေထွေကျန်းမာရေးဆောင်းပါးများ (ဒေါက်တာရဲ (‌M.B.,B.S)) (ကျန်းမာရေးနှင့် ဆေးပညာ)

မြန်မာလူမျိုးတွေအကြား အမြစ်တွယ်နေသည့် ကျန်းမာရေး အယူအဆ အမှားများ (ဥပမာ - အားဆေးသွင်းမှ အားရှိမယ်၊ ထမင်းများများစားရင် အားရှိတယ်၊ ရေသန့်ကို ကြိုသောက်ရင် ကင်ဆာဖြစ်မယ် အစရှိသည်ဖြင့် ...)၊ အခြားသိသင့်သိထိုက်တဲ့ အခြေခံကျန်းမာရေးအသိများ၊ လေးလေးနက်နက် သိထားရမယ့် ကျန်းမာရေးအသိများ၊ ကျန်းကျန်းမာမာ ချမ်းချမ်းသာသာ နေထိုင်နိုင်စေဖို့အတွက် လိုက်နာရမည့် အချက်များ၊ ရှောင်ကြည်ရမည့်အချက်များ၊ ကြိုတင်ကာကွယ်လုပ်ဆောင်သင့်သည့် အချက်များကို ဆောင်းပါး (၂၉) ပုဒ်ဖြင့် ရေးသားရှင်းလင်းထားခြင်း ဖြစ်သည်။

ကလေးငယ်များ ကျန်းမာသန်စွမ်းဖို့ (Physical Well Being) (ဆုပြည့်စုံထွန်း) (ကျန်းမာရေးနှင့် ဆေးပညာ)

ကျန်းမာသန်စွမ်းခြင်း၏ အရေးပါပုံ၊ ကျန်းမာအောင် လိုက်နာရမည့် နေထိုင်စားသောက်ပုံ၊ သတိထားရမည့် ကျန်းမာရေးပြဿနာများ အစရှိသည်တို့ကို သရုပ်ဖော်ပုံများနှင့်အတူ ရေးသားရှင်းလင်းထားသော စာအုပ်ဖြစ်သည်။

ကျား၊ မ၊ လူကြီး၊ လူငယ်မရွေး ကျန်းမာသန်စွမ်းမှုအတွက် ၄၅ ရက်တာ လေ့ကျင့်မှု အစီအစဉ် (အန်တီချို) (ကျန်းမာရေးနှင့် ဆေးပညာ)

ထိခိုက်ဒဏ်ရာရပြီးနောက်ပိုင်း နာလန်ထခါစဖြစ်သော လူနာများ အစပြုလေ့ကျင့်သင့်သည့် လေ့ကျင့်ခန်းများကို ဓာတ်ပုံများနှင့်တကွ လမ်းညွှန်ရေးသားထားသော စာအုပ်ဖြစ်သည်။ လေ့ကျင့်ခန်းများ လုပ်ဆောင်ခြင်းအားဖြင့် နှလုံးသွေးကြောဆိုင်ရာ လုပ်ငန်းများ အားကောင်းခြင်း၊ ကိုယ်အလေးချိန် လျော့ကျစေခြင်း အစရှိသည့် အကျိုးကျေးဇူးများကို ခံစာရမည်ဖြစ်ပြီး ကျန်းမာစွာ စားသောက်နေထိုင်နည်းများ၊ လေ့ကျင့်ခန်းလုပ်ပြီးနောက် စားသုံးရမည့် အစားအစာများ၊ သတိထားရမည့် ရေဓာတ်ချို့တဲ့ခြင်းအကြောင်းများကိုပါ ရေးသားဖော်ပြပေးထားသည်။