New Arrivals of ဒဂုန်ရွှေမျှား

ဆိတ်ငြိမ်သော အိမ်ကြီးနှင့် ဖြစ်ရပ်ဆန်းကြယ် ဝတ္ထုတိုများ (ဒဂုန်ရွှေမျှား) (ဝတ္ထုတို)

ဆိတ်ငြိမ်သော အိမ်ကြီး၊ စုံထောက်လိမ်၊ ကုမာရသာမနှင့် သီရိမာဝတ္ထု၊ တရားခံများကို ခြေရာခံနည်း၊ မယားလိုချင်ပြီ ဘယ်လိုမယားကို ယူရမလဲ၊ ကြီးပွားမည့် အလုပ်၊ အပျော်အပါးနှင့် သဘောထား၊ ဘိန်းနှင့် ကံ၊ အထက်တန်းစားနှင့် တောသူ၊ တက်ခေတ်သူခိုး၊ ချစ်ပန်းငုံ အစရှိသည့် သည်းထိတ်ရင်ဖိုဝတ္ထုတို (၁၂) ပုဒ် ပါရှိသည့် စာအုပ်ဖြစ်သည်။

နာနာဘာဝ ဝတ္ထုတိုများ (ဒဂုန်ရွှေမျှား) (ဝတ္ထုတို)

စာရေးသူ ရေးသားသည့် တမလွန်ဖြစ်ရပ်ဆန်းကြယ်ဝတ္ထုတိုများဖြစ်ကြသော ငယ်ချစ်၊ နတ်ပတ္တမြား၊ ဝတ္ထုမဟုတ်သော စုံထောက်မှု၊ ထူးဆန်းထွေလာတို့ ပါရှိသည့် စာအုပ်ဖြစ်သည်။

ရှီဗာဘုရင်မ၏ လက်စွပ် (ဒဂုန်ရွှေမျှား) (ဝတ္ထုရှည်)

Sir H. Rider Haggard၏ သည်းထိတ်ရင်ဖို ဝတ္ထုရှည်တစ်ပုဒ်ဖြစ်သည့် Queen Sheba's Ring စာအုပ်ကို ဘာသာပြန်ဆိုထားခြင်းဖြစ်သည်။

ဂါလီးဗားခရီးစဉ် (အင်္ဂလိပ် + မြန်မာ) (ဒဂုန်ရွှေမျှား) (ဝတ္ထုရှည်)

Jonathan Swift၏ Gulliver's Travelsကို ဘာသာပြန်ဆိုထားခြင်းဖြစ်သည်။ ၁၈ ရာစုနှစ်အတွင်းက ဖြစ်ပျက်ခဲ့သော အင်္ဂလန်နိုင်ငံအတွင်း ဖြစ်ပွားလျက်ရှိသော နိုင်ငံရေးပတ်သက်သည့် ကိစ္စအချို့တို့ကို ပေါ်လွင်စေရန် သရုပ်ဖော် ရေးသားထားတဲ့ ဇာတ်လမ်းဖြစ်သည်။ လစ်လီပူတီယန် ခေါ် သေးငယ်တဲ့ လူပုကလေးများအကြောင်းနှင့် ဗရော်ဒင်နာဂီယန်ခေါ် လူထွားကြီးများအကြောင်းကို ပုံဝတ္ထုများသဖွယ် ပျော်ရွှင်စွာဖတ်ရှုကြရမည် ဖြစ်သည်။ အင်္ဂလိပ်ဘာသာ လေ့လာလိုသူများအတွက် အထောက်အကူစေရန် မူရင်း အင်္ဂလိပ်ဘာသာဖြင့် တစ်မျက်နှာ၊ ဘာသာပြန်ဆိုသူ၏ မြန်မာပြန်ဆိုချက်တစ်မျက်နှာပုံစံဖြင့် ဖော်ပြထားသည်။

ရော်ဘင်ဆင်ကရူးဆိုး (ဒဂုန်ရွှေမျှား) (ဝတ္ထုရှည်)

Daniel Defoe ရေးသားသည့် ကမ္ဘာကျော်ဝတ္ထု Robinson Crusoe ကို ဘာသာပြန်ဆိုထားခြင်းဖြစ်သည်။ စာရေးသူသည် ဤစာအုပ်ဖြင့် ၁၉၅၉ ခုနှစ် စာပေဗိမာန် ဘာသာပြန်စာပေဆုကို ဆွတ်ခူးနိုင်ခဲ့သည်။

အဏ္ဏဝါရေအောက်ခရီး (ဒဂုန်ရွှေမျှား) (ဝတ္ထုရှည်)

Jules Verne ရေးသားသည့် သိပ္ပံစွန့်စားခန်း သည်းထိတ်ရင်ဖို ဝတ္ထုရှည် Leagues Under The Seaကို ဘာသာပြန်ထားခြင်းဖြစ်သည်။

ကမ္ဘာမြေအောက်ခရီး (ဒဂုန်ရွှေမျှား) (ဝတ္ထုရှည်)

Jules Verne၏ သည်းထိတ်ရင်ဖို ဝတ္ထုတစ်ပုဒ်ဖြစ်သည့် Journey to The Centre of The Earthကို ဘာသာပြန်ဆိုထားခြင်းဖြစ်သည်။

ထောင်မင်းသား ဦးဘိုးထော် (ဒဂုန်ရွှေမျှား) (ဝတ္ထုရှည်)

အင်္ဂလိပ်အစိုးရက မြန်မာပြည်ကို သိမ်းပိုက်စဉ်ကာလအတွင်း အကျဉ်းထောင်များကို မည်သို့မည်ပုံ အုပ်ချုပ်စီမံသည်ကိုလည်းကောင်း၊ ထောင်ကျအကျဉ်သားများကို မည်သို့ဆက်ဆံသည်ကိုလည်းကောင်း ကိုယ်တွေ့ကြုံခဲ့ရသူ ဒဂုန်ရွှေမျှားကိုယ်တိုင်က သူထောင်ထဲ၌ ရှိစဉ်ကာလအတွင်းက အတူနေ ထောင်သားတစ်ယောက်၏ ပြောပြချက်များကို ဝတ္ထုပုံစံဖြင့် ပြန်လည်ရေးသားထားခြင်းဖြစ်သည်။ ထောင်မင်းသား ဦးဘိုးထော်၏ ထောင်အတွင်းသို့ ရောက်လာပုံ နောက်ခံဇာတ်လမ်းနှင့်တကွ ထောင်တွင်းတွင် တွေ့ကြုံခဲ့ရသည်များကို စိတ်ဝင်စားဖွယ် ဖတ်ရှုကြရမည်ဖြစ်သည်။ ဒဂုန်ရွှေမျှား၏ အကောင်းဆုံးလက်ရာတစ်ခုဖြစ်သလို နိုင်ငံခြားတွင် အခြားဘာသာများသို့ပါ ဘာသာပြန်ခြင်းခံရသည့် နာမည်ကျော်ဝတ္ထုလည်းဖြစ်သည်။

လူတစ်လုံး သူတစ်လုံး (ဒဂုန်ရွှေမျှား) (သုတစာပေ)

သည်းထိတ်ရင်ဖို ဘာသာပြန်ဝတ္ထုစာရေးဆရာကြီး ဒဂုန်ရွှေမျှား၏ တက်ကျမ်းဆောင်းပါးများ ပါဝင်သည့် စာအုပ်ဖြစ်သည်။ ကြီးပွားအောင်မြင်လိုသူတိုင်း သိထားရမည့် မိတ်ဆွေဖွဲ့နည်း၊ အပေါ်ယံအဆင်း ညံ့ဖျင်းစေကာမူ အောင်မြင်သော ဥပဓိရုပ်ကို တဖြည်းဖြည်း လေ့ကျင့်မွေးမြူနိုင်သည့် ဥပဓိရုပ်ဖော်နည်း၊ စိတ်ဓာတ်မွေးမြူနည်း၊ အလုပ်လက်မဲ့ဖြစ်နေသူများ အလုပ်ရှာနေသူများ လိုက်နာကျင့်သုံးရမည့် မိမိကိုယ်ကို စွံအောင်ထုတ်နည်း၊ မှတ်ဉာဏ်သန်စွမ်း ကြံ့ခိုင်စေရန်အတွက် စိတ်ကိုလေ့ကျင့်နည်း၊ အာရုံစူးစိုက်နည်းများကို ဆရာကြီးက သူကိုယ်တိုင် လေ့လာစမ်းသပ်ရာမှ ရရှိလာခဲ့သည့် အတွေ့အကြုံများနှင့်အတူ ယှဉ်တွဲ ရေးသားထားသည်။

ဝိညာဉ်လောက ဝတ္ထုတိုများ (ဒဂုန်ရွှေမျှား) (ဝတ္ထုတို)

စာရေးသူ ရေးသားသည့် တမလွန် ဖြစ်ရပ်ဆန်းကြယ်ဝတ္ထုတို ၁၃ ပုဒ်ကို စုစည်းကာ စာအုပ်အဖြစ် ထုတ်ဝေထားခြင်းဖြစ်သည်။