New Arrivals of လူထုစိန်ဝင်း

မသန်ပေမဲ့ စွမ်းသူများ (လူထုစိန်ဝင်း) (အတ္ထုပ္ပတ္တိ / ကိုယ်တွေ့မှတ်တမ်း)

အကြောင်းအမျိုးမျိုးကြောင့် ခန္ဓာကိုယ်မသန်မစွမ်း ဖြစ်ခဲ့ကြရသည့် ကမ္ဘာအနှံ့မှ အနုပညာရှင် (၁၇) ဦးတို့၏ ဒုက္ခိတဘဝဇာတ်လမ်းများကို သူတို့၏ ဖွင့်ဟပြောဆိုချက်များကို မှီးကာ ပြန်လည်ရေးသားတင်ပြထားခြင်းဖြစ်သည်။ ခြေထောက်နှင့် ဂစ်တာတီးသူ၊ မျက်စိမမြင်သော်လည်း ဓာတ်ပုံဆရာလုပ်သူ၊ စုတ်တံကို လက်တွင်ချည်၍ ပန်းချီဆွဲသူ၊ ဘီးတပ်လှည်းပေါ်တွင် ထိုင်ရင်း ပန်းချီသင်သည့် ပန်းချီဆရာမ အစရှိသည်ဖြင့် လူမျိုးစုံပါဝင်သည်။ အခက်အခဲတစ်စုံတစ်ရာကြုံက စိတ်ဓာတ်မကျစေရန် ခွန်အားများကို ဤစာအုပ်မှပေးမည် ဖြစ်သည်။

ရှက်စိတ်၊ ကြောက်စိတ်၊ အရိုင်းစိတ် (လူထုစိန်ဝင်း) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

စာရေးသူ ရေးသားသည့် ဆောင်းပါး (၇၈) ပုဒ် စုစည်းမှု စာအုပ်ဖြစ်သည်။

လူငယ်နဲ့ အချစ် (လူထုစိန်ဝင်း) (မိသားစုရေးရာ)

လူကြီးဘဝထဲ ခြေလှမ်းဝင်ခါစ လူကြီးကလေး(လူငယ်)အချို့သည် စာရေးသူထံ လာရောက်၍ အိမ်ထောင်ရေးကိစ္စများ၊ လူငယ်သဘာဝ ချစ်ရေးကြိုက်ရေးကိစ္စများ၊ ပြဿနာများကို တိုင်ပင်ဆွေးနွေးတတ်ကြသည်။ မိဘဖြစ်သူများမှာ လောကဓမ္မတာ ချစ်ရေးကြိုက်ရေး အိမ်ထောင်ရေးကိစ္စများကို သားသမီးများနှင့် နှီးနှောပြုလုပ်ဖို့ ဝန်လေးတတ်ကြရာ မိဘများက သားသမီးတွေကို ပြောပြချင်တဲ့ လောကတံထွာ ဓမ္မတာကိစ္စများ၊ လူငယ်တွေက အဖေ အမေတွေကို မေးမြန်းဆွေးနွေးချင်တဲ့ ချစ်ရေးကြိုက်ရေးကိစ္စမျိုး ဆွေးနွေးထားသည့် စာမျိုးရှိရင် ကောင်းမည်ဆိုသည့် အတွေး စာရေးသူခေါင်းထဲသို့ ရောက်လာခဲ့သည်။ ထို့ကြောင့်လည်း သားသမီးများနှင့် အထက်ပါကိစ္စများကို မျက်နှာချင်းဆိုင် ပြောဆိုဆွေးနွေးဖို့ ဝန်လေးတတ်ကြသည့် မိဘများအတွက် သားသမီးများကို ဝယ်ပေးစရာ ရှိစေချင်သည့် စေတနာ၊ ကောလိပ်ကျောင်းသူကျောင်းသားများသည် ရုပ်ရှင်ဇာတ်လမ်းများထဲမှ လူရွှင်တော်များလုပ်ပြသလို ဟေးလားဝါးလားနဲ့ ရည်စားထား အချိန်ဖြုန်းနေကြတာမဟုတ်ဘဲ လေးလေးနက်နက်နှင့် ဗဟုသုတများကို ရှာဖွေနေကြတာဖြစ်ကြောင်း မိဘများ သိစေချင်သည့် စေတနာ၊ ချစ်ရေးကြိုက်ရေးကိစ္စများတွင် အဖေ အမေတွေကို ဖွင့်ဟတိုင်တည်ရမှာ မဝံ့မရဲဖြစ်နေကြသည့် လူငယ်များ ဖတ်ရှုလေ့လာစရာ စာအုပ်တစ်အုပ် ရှိစေချင်သည့် စေတနာများဖြင့် ဤစာအုပ်ပါ ဆောင်းပါးများကို ရေးသားဖြစ်ခဲ့ခြင်းဖြစ်သည်ဟု ဆိုထားသည်။ ပါဝင်သော ဆောင်းပါးများမှာ တက္ကသိုလ်ကျောင်းနဲ့ အချစ်၊ အချစ်အကြောင်း၊ အချစ်နဲ့ အကြိုက်၊ အချစ်စစ်တမ်း၊ လူငယ်တွေရဲ့ အချစ်အမြင်၊ မြင့်မြတ်တဲ့အချစ်၊ အချစ်ကို တားဆီးလို့ရသလား၊ ဘဝတူမှ အချစ်ဖြစ်လာနိုင်၊ ပညာနဲ့ ဉာဏ်ရည်တူမှု၊ ရိုသေလေးစားမှုဟာ အချစ်ရဲ့ဝိညာဉ်၊ အချစ်ဆိုတာ အသစ် အသစ် ဖြစ်နိုင်သလား၊ အချစ်ရှာပုံတော်တို့ဖြစ်ကြသည်။

သတင်းစာပညာ သောင်းပြောင်းထွေလာ (လူထုစိန်ဝင်း) (ရည်ညွန်းစာပေ (အဘိဓာန် / စွယ်စုံကျမ်း / မြေပုံ / လမ်းညွှန်စာအုပ် / … ))

သတင်းစာဆိုသည့် အဓိပ္ပာယ်၊ သတင်းဆိုတာ ဘာလဲ၊ သတင်းစာတစ်စောင်၏ လုပ်ငန်း၊ သတင်းထောက်တစ်ဦး၏ တာဝန်၊ သတင်းနောက် လိုက်ပုံ၊ ရယူပုံ၊ သတင်းအရေးအသားနှင့် ဆောင်ရန်, ရှောင်ရန်များ၊ သတင်းရယူရာတွင် အဓိကကျသည့် “အင်တာဗျူး”အကြောင်း၊ အင်တာဗျူးအတွက် လက်တွေ့ဆောင်ရွက်ရမည့် အချက်အလက်များ၊ သတင်းအယ်ဒီတာတစ်ဦး၏ တာဝန်နှင့် အရေးပါပုံ၊ သတင်းစာအာဘော်၏ အခန်းကဏ္ဍအပါအဝင် သတင်းစာပညာအကြောင်း သိကောင်းစရာများကို ဝါရင့်သတင်းစာဆရာကြီးတစ်ဦးဖြစ်သူ စာရေးသူက ဆောင်းပါး (၂၆) ပုဒ်ခွဲ၍ ရေးသားရှင်းလင်းထားသည်။

မျှော်လင့်ချက်မဲ့ အခြေအနေဆိုတာ မရှိဘူး (လူထုစိန်ဝင်း) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

ကမ္ဘာနှင့် ရင်ဘောင်တန်းမည့် မြန်မာလူငယ် လူရွယ်များအတွက် သိသင့် သိထိုက်သည်များကို စေတနာကောင်းများဖြင့် စာရေးနေသူ စာရေးသူက ဤစာအုပ်တွင်လည်း လူငယ်များဖတ်ဖို့ ဆောင်းပါးများကို စုစည်းရွေးချယ် ပေးထားသည်။ စာညွှန်း၊ ထပ်ညွှန်း၊ ထပ်ဆင့်ညွှန်းတွေ၊ မျှော်လင့်ချက်မဲ့ အခြေအနေဆိုတာ မရှိဘူး၊ ဖြစ်ကတတ်ဆန်း လုပ်တတ်တဲ့အကျင့်၊ ရိုးသားမှုက အရေးအကြီးဆုံး၊ မဖြစ်နိုင်တာ ဘာမှမရှိ၊ အလှမ်းကျယ် အလယ်လပ် မဖြစ်စေချင်၊ ခေတ်မီခြင်းနှင့် ခေတ်ဆန်ခြင်း၊ သာမန်လူများ စုပါမှ ဖြစ်မယ်၊ ဇီးကွက်ရုပ်နဲ့ သူဌေးဖြစ်နိုင်တယ်၊ စွယ်စုံရ ဖြစ်ဖို့လို၊ အဆိပ်စာ၊ သန်ပေမဲ့ မစွမ်းသူများအတွက်၊ အရိပ်မခိုချင်နဲ့၊ ကွက်လပ်ဖြည့်သူ၊ ယောက်ျားတွေ အတင်းပြောတတ်တယ်၊ အချိန်ဇယားနဲ့ အလုပ်လုပ်တတ်ဖို့၊ စာနယ်ဇင်းသမား အရှောင်နဲ့ အဆောင်၊ လက်ဆောင်ဆိုတာ၊ သူတို့ဆီက လက်ဆောင် ကိစ္စ၊ စာဖတ်ရင် စဉ်စားစရာ ပါရမယ် အပါအဝင် ဆောင်းပါး ၂ဝ ပုဒ်ပါရှိသည်။

ဗန်းမော်တင်အောင် သို့မဟုတ် မုန်တိုင်းထဲကလူ (ဗန်းမော်တင်အောင် ရာပြည့်အမှတ်တရ) (မြသန်းတင့်, သော်တာဆွေ, ခင်မောင်ဇော်, လူထုဒေါ်အမာ, လူထုစိန်ဝင်း, လေးကိုတင်, ပါရဂူ, နတ်နွယ်, အောင်ဝေး, ဒဂုန်တာရာ, ဗန်းမော်တင်အောင်, ထက်မြက်, ခင်ဆွေဦး, နေဦးဝေ, မောင်ညိုပြာ, ဒေါင်းနွယ်ဆွေ, မောင်ဇေယျာ, တင်မိုး, အံ့မောင်, ဒေဝီသန့်စင်, မောင်သစ်လွင် (လူထု), ကိုလေးမြတ်, ဆရာချိန် (ပဲခူး), မိုဃ်းဇော်, မင်းသစ်, မောင်စိမ်းနီ, ဝင်းတင် (ဟံသာဝတီ), မောင်စွမ်းရည်, မောင်ခိုင်မာ, မောင်တင်ဆင့်, မောင်အောင်ပွင့်, ဗိုလ်မှူးချုပ်(ဟောင်း) ကျော်ဇော, အောင်မြိုင်, ဖိုးသံ (လူထု), ဝင်းတင့်ထွန်း, ထွန်းဝင်းငြိမ်း, သခင်အုန်းမြင့်, မုံရွာအောင်ရှင်, မောင်လှဝင်း (မြင်းခြံ), ဝင်းတင်ထွန်း, မောင်ဆေးရိုး, မောင်တင်သစ်, မောင်နွေထက်, မင်းဆွေနှစ် (မုံရွာ), တင်သန်းယု (သမီးကြီး), မိဉာဏ် (ဒေါ်ခင်မာအေး), ရဲဘော်စိုးချစ်, ကိုဒေါင်းဝေ, အောင်မြင့်ဦး (မန္တလေး)) (အတ္ထုပ္ပတ္တိ / ကိုယ်တွေ့မှတ်တမ်း, ကဗျာ / အက်ဆေး / ပေးစာ / မိန့်ခွန်း / ဟောပြောချက်, ဝတ္ထုရှည်, ဝတ္ထုတို)

‘လူတယောက်ရဲ့ တန်ဖိုးဟာ သူ ဖြတ်သန်းကျော်လွှားနေတဲ့ ခေတ်ကြီးက သူ့ပခုံးပေါ် တင်ပေးလိုက်တဲ့ သမိုင်းတာဝန်ကို သူ ဘယ်လောက် သယ်ပိုး ထမ်းရွက်ခဲ့တယ် ဆိုတဲ့ အချက်နဲ့ တိုင်းတာရမှာပဲ’ ဆိုသည့် စကားဖြင့် မော်ကွန်းရေးထိုးခဲ့သူ ဗန်းမော်တင်အောင်၏ ဘဝကို ထင်ဟပ်စေသည့် ဆောင်းပါးများ၊ သူကိုယ်တိုင် ရေးသားခဲ့သည့် ဆောင်းပါးနှင့် ဝတ္ထုများ စုစည်းမှု စာအုပ်ဖြစ်သည်။

အတွေးရှင်း အရေးရှင်း စာရှုခင်း (လူထုစိန်ဝင်း) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

၂ဝ ရာစု ကမ္ဘာ့ရှုခင်း၊ ကမ္ဘာ့စာပေရှုခင်း၊ ကဗျာရှုခင်း၊ အက်ဆေးရှုခင်း၊ စာနယ်ဇင်းရှုခင်း၊ ရု ပ်ပုံလွှာ ရှုခင်း၊ အင်တာဗျူးရှုခင်း၊ အမျိုးသမီးရှုခင်းနှင့် လူငယ်ရှုခင်းတို့ကို သွက်လက်ထက် မြက်သည့် အတွေးရှင်းရှင်း၊ အရေးရှင်းရှင်းဖြင့် ရေးပြပေးထားသော စာရှုခင်း (၂၂) ပုဒ် ပါရှိ သည့် စာအုပ်ဖြစ်သည်။

မန်နေဂျာကောင်းဆိုတာ (အင်္ဂလိပ် + မြန်မာ) (လူထုစိန်ဝင်း) (စီမံခန့်ခွဲမှု)

‘မြန်မာမန်နေဂျာ’ ဂျာနယ်တွင် ‘မန်နေဂျာကောင်းဆိုတာ’ ခေါင်းစဉ်ဖြင့် စာရေးသူရေးသားခဲ့သော အဆိုအမိန့်ကောက်နှုတ်ချက်များ ကို စုစည်း၍ စာအုပ်အဖြစ် ထုတ်ဝေထားခြင်း ဖြစ်သည်။ စီး ပွားရေးပညာရှင်များ၊ စီမံခန့်ခွဲမှုပညာရှင်များ၏ အဆိုအမိန့်များကို အင်္ဂလိပ် + မြန်မာ ၂ ဘာ သာဖော်ပြပေးထားသည်။

အရှေ့တောင်အာရှ စစ်မီးလျှံများ (လူထုစိန်ဝင်း) (သမိုင်း)

Wilfred G. Burchett ရေးသားသည့် The Furtive Warကို ဘာသာပြန်ဆိုထားခြင်းဖြစ်သည်။ မူရင်းစာရေးသူသည် ၁၉၆၂ ခုနှစ်က တောင်ဗီယက်နမ်နှင့် လာအိုနိုင်ငံများသို့ ကိုယ်တိုင်ကိုယ်ကျ သွားရောက်ပြီး အရှေ့တောင်အာရှဒေသတစ်ခုလုံးကို ကျွန်ပြု စိုးမိုးနိုင်ရန်အတွက် ကျူးကျော်ရေးစစ်ပွဲများကို မကြေညာဘဲ လာရောက်ဆင်နွှဲနေသော အမေရိကန်နယ်ချဲ့သမားများ၏ ယုတ်မာရမ်းကားမှုများကို လေ့လာစုံစမ်းပြီး အဖြစ်မှန်ကို တစေ့တစောင်းသာ သိနေကြသည့် အနောက်အုပ်စုနိုင်ငံ ပြည်သူများနှင့် ကမ္ဘာ့ပြည်သူတစ်ရပ်လုံးကို ဤစာအုပ်ဖြင့် တင်ပြအသိပေးလိုက်ခြင်းဖြစ်သည်။ ဗီယက်နမ်ပြည်တွင်းစစ်၏ အနိဋ္ဌာရုံများနှင့်တကွ အမေရိကန်၏ ခြေစွက်မှုများကို ကွက်ကွက်ကွင်းကွင်း မြင်မိသွားစေမည့် စာအုပ်ဖြစ်သည်။

ဆာယိုနာရာ (လူထုစိန်ဝင်း) (ဝတ္ထုရှည်)

James A. Michener၏ Sayonaraကို ဘာသာပြန်ဆိုထားခြင်းဖြစ်သည်။ ဒုတိယကမ္ဘာစစ်ပြီးနောက် ကိုးရီယားစစ်ပွဲစချိန်၌ စစ်ပွဲကို အကြောင်းပြု၍ ဂျပန်မြေပေါ်သို့ အမေရိကန် စစ်သားများ ရောက်ရှိလာကြရာ ထိုအချိန်က စစ်ဒဏ်ကြောင့် ဆင်းရဲမွဲတေလျက်ရှိသော ဂျပန်လယ်သူကလေးများသည် ပြည့်တန်ဆာများအဖြစ်သို့ ရောက်ရှိခဲ့ရပြီး ဂျပန်ပြည်သည်လည်း အရှေ့တိုင်း၏ ပါရီဖြစ်လာခဲ့သည်။ ဝတ္ထု၏ဇာတ်လိုက် အမေရိကန် လေတပ်ဗိုလ်မှူးမှာ မျှော်လင့်ချက်ကြီးမားသူ၊ မာနကြီး ခက်ထက်သူ၊ ကိုလိုနီနယ်ချဲ့စနစ်က ပုံစံသွင်းပေးထားသည့်အတိုင်း တိတိကျကျ အံခွင်ဝင်ကျလျက်ရှိသူ၊ အရှေ့တိုင်းသား လူဝါ၊ လူညိုများကို တတိယတန်းစား အရိုင်းအစိုင်းမျှသာဟု သဘောပိုက်ထားသူဖြစ်သည်။ ထိုကဲ့သို့ စစ်ဗိုလ်တစ်ယောက်သည် ကချေသည်မလေးတစ်ယောက်၏ ခြေရင်းတွင် ဝပ်စင်းကာ ကျဆုံးသွားခဲ့ရပုံကို မူရင်းစာရေးသူက အနုပညာမြောက်စွာ တင်ပြရေးသားထားသည်။ ထို့ပြင် အရှေ့နှင့် အနောက် ယဉ်ကျေးမှု ၂ ရပ်ကို သိမ်မွေ့စွာဖြင့် နှိုင်းယှဉ်ပြရင်း မည်သူက အရိုင်း၊ မည်သူက အယဉ်ဆိုသည်ကို စာဖတ်သူများ တစေ့စေ့တွေးမြင်လာစေရန် တစ်မူထူးစွာ ရေးသားထားသည်ကို တွေ့ရသည်။ ဆရာလူထုစိန်ဝင်းသည် ဤဝတ္ထုကို သူ၏ ကလောင်ခွဲဖြစ်သည့် ဝင်းဇော်အမည်ဖြင့် ဘာသာပြန်ဆိုခဲ့ခြင်း ဖြစ်သည်။