Editor's choices of Myanmar Books

သူတွေး ကိုယ်တွေး Quotations (အင်္ဂလိပ် + မြန်မာ) (အော်ပီကျယ်) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

အပတ်စဉ်ထုတ် ရွှင်ပြုံးဂျာနယ်ပါ စာရေးသူ၏ Quotation ကာတွန်းသရုပ်ဖော် ဇာတ်လမ်းတိုများကို စုစည်းထုတ်ဝေထားခြင်းဖြစ်သည်။ Quotationများကို အင်္ဂလိပ် + မြန်မာနှစ်ဘာသာဖြင့် ဖော်ပြထားသည့်အပြင် ကာတွန်းအော်ပီကျယ်၏ ထိမိသော ကာတွန်းသရုပ်ဖော်ချက်များကိုပါ ထည့်သွင်းပေးထားသည့်အတွက် အပျင်းလည်းပြေ၊ ပညာလည်းရစေမည့် စာအုပ်ကောင်းတစ်အုပ်ဖြစ်သည်။ နမူနာ ကာတွန်းကွက်နှင့် စာရေးသူ၏ အမှာစာကို စာမြည်းရန်တွင် ဖတ်ရှုနိုင်ပါသည်။

ဖေဖေ့စိတ်ကူး ပန်းချီကားများ (ဒေါက်တာခင်လက်ျာ) (အနုပညာ / ဖျော်ဖြေရေး)

တက္ကသိုလ် သပိတ်ကျောင်းသား ခေါင်းဆောင်၊ တို့ဗမာအစည်းအရုံး အလုပ်အမှုဆောင်၊ ရဲဘော်သုံးကျိပ်ဝင်၊ တပ်မတော် အရာရှိ၊ ဒု ဝန်ကြီးချုပ်၊ ကာကွယ်ရေးဝန်ကြီးဟောင်း ဗိုလ်လကျ်ာ (သခင်လှဖေ)၏ နှစ်တစ်ရာပြည့် အမှတ်တရအဖြစ် သူရေးဆွဲခဲ့သော ပန်းချီကားများအကြောင်းကို သမီးဖြစ်သူ စာရေးသူက ဆောင်းပါးများခွဲ၍ ခံစားတင်ပြထားခြင်းဖြစ်သည်။ ပန်းချီကို ပညာရှင်အဆင့်နီးပါး ရေးဆွဲနိုင်ခဲ့သည့် ဖခင်ဖြစ်သူ၏ ပန်းချီပညာပါရမီနှင့် လေ့လာသင်ယူမှုများ၊ မည်သို့သော် စိတ်ခံစားမှုဖြင့် ရေးဆွဲခဲ့ပုံများ၊ အင်းစိန်ထောင်၌ အကျဉ်းကျစဉ်အချိန်မှာပင် ပန်းချီဆွဲ၍ စိတ်ထွက်ပေါက်ပေးခဲ့ပုံ၊ သူရေးဆွဲခဲ့သော ပန်းချီကားများနှင့် ပတ်သက်၍ အခြားသူများ၏ ဝေဖန်သုံးသပ်ချက်များကို မူရင်းပန်းချီကားဓာတ်ပုံများနှင့်အတူ စိတ်ဝင်စားဖွယ် ဖတ်ရှုကြရမည်ဖြစ်သည်။

ငါတို့ ဘာလို့စာမဖတ်ဖြစ်တော့တာလဲ (နည်းပညာခေတ်မှာ စာဖတ်ခြင်းဓလေ့ ပျောက်ကွယ်သွားရတဲ့ အကြောင်းအရင်းများ) (အိမ်းထက်မွန်) (သုတစာပေ)

တစ်ချိန်က ဖယောင်းတိုင်မီး၊ ရေနံဆီမီးခွက်အောက်မှာတောင် ထမင်းမေ့, ဟင်းမေ့ စာဖတ်ခဲ့ကြသူများသည် ယနေ့ခေတ်တွင် စာအုပ်တစ်အုပ် ပြီးဆုံးအောင်ဖတ်ဖို့ ဘာလို့ ဒီလောက်အထိ ခက်ခဲသွားကြပုံ၊ စာအုပ်တွေ ဘာကြောင့်သေဆုံးပြီး စာဖတ်သူတွေ ဘာကြောင့် ပျောက်ကွယ်သွားရခြင်း၏ အကြောင်းရင်း၊ ပျောက်ဆုံးလာသည့် စိတ်ငြိမ်းချမ်းမှုကို စာဖတ်ခြင်းအလေ့အထမှတဆင့် မည်သို့ရနိုင်ပုံကို အပိုင်း (၄) ပိုင်းခွဲ၍ ရေးသားရှင်းလင်းထားခြင်း ဖြစ်သည်။

The Bubbles in the Universe: Spiritual Relationship (မွန်ဟော်စီ (Mon Halsey), Zin (Inner Light)) (လူမှုရေးနှင့် စိတ်ပညာ)

လူတွေအကြားက Spiritual Relationship အကြောင်း၊ မိမိနှင့်မတူသည့် လူတစ်ယောက်ကို နားလည်ဖို့ ကြိုးစားခြင်း၊ မိမိတုံ့ပြန်မှုကို ပြန်လည်သုံးသပ်ခြင်းနဲ့ ဆက်ဆံရေးတစ်ခုအတွင်း ဖြစ်, ပျက်ခဲ့တဲ့ အရာတွေကို ရိုးသားစွာ လက်ခံကြည့်ခြင်းတို့ကနေ မိမိအကြောင်းကို ပိုသိလာနိုင်ပုံ၊ Soul Connection လို့ ခံစားရသည့် ရင်းနှီးမှုများအကြောင်း၊ ရှင်းပြရခက်တဲ့ ဆွဲငင်မှုများအကြောင်း၊ Relationship တစ်ခုထဲမှာ တကယ်ဖြစ်ပျက်နေတဲ့ လူ့စိတ်၊ Ego၊ Attachment၊ Boundary နှင့် နာကျင်မှုများအကြောင်းကို ရှင်းလင်းရေးသားထားသော စာအုပ်ဖြစ်သည်။

လူ့သဘော လူ့မနော အကျယ်ပေါင်းချုပ်ကျမ်း (ကိုနေ (မန်း)) (သုတစာပေ)

Description: ‘The 48 Laws of Power’ စာအုပ်ကို ရေးသားသူ အမေရိကန်စာရေးဆရာနှင့် ပညာရှင် Robert Greene ရေးသားသည့် Concise Laws Of Human Nature စာအုပ်ကို ဘာသာပြန်ဆိုထားခြင်း ဖြစ်သည်။ ဘဝအတွက် ရုန်းကန်ရှင်သန်ကြရာတွင် တွေ့ကြုံရမည့် လူမှုပေါင်းသင်း ဆက်ဆံရေးဆိုင်ရာ အခက်အခဲများနှင့် ၎င်းတို့ကို ကျော်လွှားနိုင်ရန် လမ်းညွှန်ချက်များကို အကျယ်တဝင့် ရှင်းလင်းရေးသားထားသော စာအုပ်ဖြစ်သည်။ လူမှုပေါင်းသင်းဆက်ဆံရေးဆိုင်ရာ အထူးပြုရေးသားထားသော စာအုပ်ဖြစ်ပြီး မိမိပတ်ဝန်းကျင်ရှိ လူတို့၏ အမူအကျင့်အား ခန့်မှန်းလျက် ထိုသူ၏ စိတ်နေစိတ်ခံသဘောထား နားလည်သဘောပေါက်နိုင်မည့် နည်းလမ်းများ၊ အဆိုးဆုံး အကျင့်စရိုက်ကို အသုံးချပြီး အကောင်းဆုံးရလဒ်ဖြစ်အောင် ပြောင်းလဲနည်းများကို ဖတ်ရှုကြရမည် ဖြစ်သည်။

စာအုပ်ဟူသည် (နိုင်ငံတကာစာအုပ်နှစ် အမှတ်တရ) (မောင်ပေါ်ထွန်း, မောင်ဆုရှင်) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

စာအုပ်စာပေအကြောင်းနှင့် ပတ်သက်၍ စာပေအနုပညာရှင်ပေါင်းစုံ၏ အဆိုအမိန့်များ၊ အတွေးအမြင်များ၊ စာအုပ်လောကအကြောင်း၊ မြန်မာစာပေမှ ပုဂ္ဂိုလ်တို့၏ စာအုပ်သုံးသပ်ချက်များ အစရှိသည်တို့ကို ဝါရင့်စာရေးဆရာနှစ်ဦးက ဗဟုသုတဖြစ်ဖွယ် ရေးသားမှတ်တမ်းတင်ထားခြင်း ဖြစ်သည်။

မှော်ဝင် စမတားရော့ (စ မတားရော့ကတ်များ၊ နှိုးနည်း၊ ဟောနည်းစာအုပ်နှင့် တားရော့အခင်း ပါဝင်သည်) (မင်းသိင်္ခ) (ဗေဒင် / လက္ခဏာ / သမထ / ဂမ္ဘီရ / စိတ်ဝိဉာဉ်ပိုင်းဆိုင်ရာ)

စမပညာနှင့် တားရော့ဗေဒင်ပညာကို ပေါင်းစပ်၍ ပုံအတွင်းမှ နိမိတ်များနှင့် အဖြစ်အပျက်များကို မိမိအကျင့်သီလ စရဏအားတို့ကြောင့် ဖြစ်ပေါ်လာသော မနောအာရုံအတွင်း ရောက်ရှိပေါ်ပေါက်လာသော မနောမယဉာဏ်ပညာဖြင့် ခံစားသရုပ်ဖော်ကာ ဟောပြောသော မှော်ဝင် စမတားရော့အကြောင်း၊ တားရော့ဂန္ဓာရီ ထုံကူးပုံ၊ တားရော့ကဒ်များကို နှိုးပုံနှင့် ကဒ်တစ်ကဒ်ချင်းအလိုက် ဟောစာတမ်း အစရှိသည်တို့အပြင် တားရော့အခင်းကိုပါ ထည့်သွင်းပေးထားသော စာအုပ်ဖြစ်သည်။

ကမ္ဘာ့အကြီးဆုံး ဗုဒ္ဓဘာသာအဆောက်အအုံ ဗောရောဗုဓော (ဒေါက်တာတင်ထွန်းဦး) (ခရီးသွား / ပထဝီဝင်)

အင်ဒိုနီးရှားနိုင်ငံတွင် တည်ရှိ၍ နှစ်ပေါင်းတစ်ထောင်ခန့် တိမ်မြုပ်ပျောက်ကွယ်နေခဲ့ရာမှ ပြန်လည်ပေါ်ထွန်းလာခဲ့သည့် ကမ္ဘာ့စံချိန်မှတ်တမ်းဝင်စေတီတော်ကြီးအကြောင်း၊ စိတ်ဝင်စားဖွယ် သမိုင်းဖြစ်စဉ်နှင့် အံ့မခန်းဗိသုကာလက်ရာများအကြောင်း၊ စေတီကပေးသည့် သင်ခန်းစာ၊ စေတီနှင့် ဆက်စပ်သည့် ဗုဒ္ဓဘာသာအယူအဆ ဒဿန၊ စေတီအကြောင်းမှတဆင့် သိရှိနိုင်သည့် အာရှတိုက်တွင် ဗုဒ္ဓဘာသာ ပျံ့နှံ့လာပုံ၊ စေတီဗိသုကာလက်ရာမှတဆင့် အကဲခတ်နိုင်သည့် ရှေးလူသားများ၏ ဉာဏ်ပညာ အစရှိသည်တို့ကို မှတ်တမ်းတင်ဓာတ်ပုံများနှင့်အတူ ရေးသားမှတ်တမ်းတင်ထားခြင်း ဖြစ်သည်။

ခရီးဝေး မသွားသေးရင် အသက်ကြီးသွားတော့မယ် (နိုင်းနိုင်းစနေ) (ခရီးသွား / ပထဝီဝင်)

Wang Hong Ren (王泓仁) ရေးသားသည့် If You Dont Travel, You Will Soon Be Old စာအုပ်ကို ဘာသာပြန်ဆိုထားခြင်း ဖြစ်သည်။ ခရီးသွားခြင်းဟူသည် အပန်းဖြေရုံသက်သက်မဟုတ်ဘဲ ဘဝ၏ အဓိပ္ပာယ်ကို ရှာဖွေခြင်း၊ စိတ်ဓာတ်နှင့် အတွေးအခေါ်ကို သစ်လွင်ဆန်းသစ်စေခြင်း ဖြစ်ပုံနှင့် အဆုံးစွန်အားဖြင့် ဇရာကို တွန်းလှန်နိုင်သည့် အကောင်းဆုံးဆေးတစ်ခွက်ဖြစ်ပုံကို မူရင်းစာရေးသူ၏ တရုတ်၊ တိဗက်၊ နီပေါ၊ အိန္ဒိယ၊ သီရိလင်္ကာ၊ အီဂျစ်၊ ဂျော်ဒန်ခရီးစဉ်အတွေ့အကြုံများနှင့်အတူ ဖတ်ရှုကြရမည် ဖြစ်သည်။

စိတ်မပါလည်း လုပ် (ထိပ်တန်းအောင်မြင်သူများ၏ လက်တွေ့ကျသော အောင်မြင်မှုနည်းဗျူဟာများ) (ထက်ထက်ခိုင်) (သုတစာပေ)

Jeff Haden ရေးသားသည့် The Motivation Myth: How High Achievers Really Set Themselves Up to Win စာအုပ်ကို ဘာသာပြန်ဆိုထားခြင်း ဖြစ်သည်။ အောင်မြင်သူများသည် Motivation တစ်ခုတည်းကြောင့် အောင်မြင်လာတာ မဟုတ်ဘဲ မလုပ်ချင်တဲ့နေ့မှာတောင် လုပ်ဖြစ်အောင်၊ ပျင်းတဲ့အချိန်မှာတောင် ဆက်ဖြစ်အောင်၊ လက်လျှော့ချင်တဲ့အချိန်မှာတောင် မရပ်သွားအောင် သူတို့ကိုယ်သူတို့ စနစ်တကျတည်ဆောက်ထားခြင်းကြောင့် ဖြစ်ပုံ၊ မည်သည့်အလုပ်မဆို စိတ်ပါမှ လုပ်မယ်ဆိုသည့် အကျင့်မှသည် လုပ်လိုက်မှသာ စိတ်ပါလာမယ်ဆိုသည့်သဘောကို နားလည်သဘောပေါက်ရန်လိုပုံများကို လက်တွေ့လိုက်နာဆောင်ရွက်နိုင်သည့် လုပ်ငန်းစဉ်များ၊ အလေ့အကျင့်များနှင့် စနစ်တကျ အောင်မြင်မှုရယူနည်းများနှင့်အတူ ရှင်းလင်းရေးသားထားသော စာအုပ်ဖြစ်သည်။