Most Visited of Myanmar Books

မြန်မာ့သမိုင်းဝင်အလံများနှင့် မြန်မာခေါင်းဆောင်များ (ဝရဇိန် (ဆရာစံမြေ)) (သမိုင်း)

မြန်မာမင်းများလက်ထက်မှသည် ယနေ့အချိန်အထိ ခေတ်အဆက်ဆက် မြန်မာတို့ အသုံးပြုခဲ့ကြသည့် အလံများ၊ နိုင်ငံတော်အလံများ, နိုင်ငံတော်တံဆိပ်များနှင့် ပတ်သက်၍ ပြဋ္ဌာန်းချက်များ၊ ဥပဒေများ၊ ကမ္ဘာပေါ်တွင် အလံများ ပေါ်ပေါက်လာပုံ သမိုင်းကြောင်း၊ အလံနှင့်အတူ သီဆိုကြသည့် နိုင်ငံတော်သီချင်းများ၊ စံထားရမည့် မြန်မာ့ခေါင်းဆောင်များဖြစ်ကြသည့် ဆရာစံ၊ ဗိုလ်ချုပ်အောင်ဆန်းတို့အကြောင်း၊ နယ်ချဲ့အားကိုး အမျိုးသစ္စာဖောက်များဖြစ်ကြသည့် ဂဠုန်ဦးစောအကြောင်းတို့ကို ဤစာအုပ်တွင် လေ့လာသိရှိကြရမည်ဖြစ်သည်။

ဖို + မ ဆက်ဆံရေး သိကောင်းစရာများ (ဒေါက်တာအောင်ခင်ဆင့်) (ကျန်းမာရေးနှင့် ဆေးပညာ)

လူပျိုလေး၊ အပျိုလေးများ၊ အရွယ်ရောက်စမှ အစ၊ အိမ်ထောင်ရှင် အမျိုးသား၊ အမျိုးသမီးတို့အတွက် ဖိုမဆက်ဆံရေး အကြောင်းအရာ ၁ဝဝ ကျော်ကို လိင်ပညာပေးအသွင်ဖြင့် ဇယားပုံများနှင့်တကွ ရေးသားရှင်းလင်းထားသော စာအုပ်ဖြစ်သည်။ ကမ္ဘာတည်စ ဖိုနှင့် မ၊ ကျားမကို ခွဲခြားသည့် X-Y၊ အပျိုဝင်စအရွယ် ခန္ဓာကိုယ်ပြောင်းလဲပုံနှင့် အမျိုးသမီး မျိုးပွားအင်္ဂါအစိတ်အပိုင်းများအကြောင်း၊ အရွယ်ရောက် လူပျိုပေါက်ကလေးများအကြောင်းနှင့် ယောက်ျားလေး၏ မျိုးပွားအင်္ဂါအစိတ်အပိုင်းများအကြောင်း၊ သမီးအပျိုစစ်လိုလျှင်၊ လင်နှင့် မယား ဆက်ဆံရေးရေး၊ သုတ်ကောင်ဖြစ်ပေါ်လာပုံနှင့် သန္ဓေအောင်မြင်ပုံ အဆင့်ဆင့်၊ မိသားစု ကျန်းမာရေး စီမံကိန်း၊ သန္ဓေခြားပုံ နည်းမျိုးစုံနှင့် အားသာချက် အားနည်းချက်များ၊ ကိုယ်ဝန် ရှိ မရှိ သိပုံ၊ ကိုယ်ဝန်သည်တို့ သိမှတ်စရာ၊ သန္ဓေကိုယ်ဝန် အဆင့်ဆင့် ပြောင်းလဲလာပုံ၊ ကိုယ်ဝန်သည်တို့ တွေးတောမှု၊ ခံစားမှုနှင့် စိတ်ဝေဒနာ၊ မိခင်နှင့် အဟာရဓာတ်၊ ကိုယ်ဝန်နှင့် ယှဉ်သော ဒုက္ခများ ကင်းဝေးရေးအတွက် သိထားသင့်သည်များ၊ မီးဖွားချိန်၊ ကိုယ်ဝန်သည်တို့ ရင်သားထိန်းသိမ်းရေး၊ ကြိုတင်ကာကွယ်နိုင်သော အသက်ကို ရန်ရှာနိုင်သည့် ကိုယ်ဝန်နှင့် အန္တရာယ်များ၊ AIDS ရောဂါအကြောင်း အပါအဝင် အရွယ်ရောက်ပြီး အမျိုးသား အမျိုးသမီးတိုင်း သိထားသင့်သော ဖို + မ ကျန်းမာရေး ဗဟုသုတများ ပါဝင်သည်။

အိတ်ဆောင် ပါရမီ ဘုရားရှိခိုးအမျိုးမျိုးနှင့် ဝတ်ရွတ်စဉ် (ရိုးရိုးစက္ကူ) (ပါရမီစာတည်းအဖွဲ့) (ဘာသာရေး)

ဘုရားရှိခိုး၊ သီလတောင်း၊ ဆွမ်း, ရေ, ပန်းကပ်၊ မေတ္တာပို့၊ ဂုဏ်တော်ပွားနည်း စသည်တို့ ပါဝင်သည့် ဝတ်ရွတ်စဉ်စာအုပ် ဖြစ်သည်။ အရွတ်အများဆုံး သုတ်တော်များ၊ ပရိတ်တော်များ၊ ဂါထာတော်များကို တစ်အုပ်ထဲတွင် စုစုစည်းစည်း တွေ့ရမည်ဖြစ်ပြီး အိတ်ဆောင်အရွယ်ဖြစ်သည့်အတွက်လည်း သွားလေရာသို့ အလွယ်တကူ ယူဆောင်သွားနိုင်မည် ဖြစ်သည်။ အိတ်ဆောင်အရွယ်တွင် သုတ်တော်များ၊ ဂါထာတော်များနှင့် ပက်သက်၍ အစုံလင်ဆုံး၊ ယနေ့လူကြိုက်အများဆုံး စာအုပ်ဖြစ်သည်။

အင်္ဂလိပ်-မြန်မာ နှစ်တစ်ရာ ပြက္ခဒိန် (စိုးမိုးနိုင်) (ပြက္ခဒိန်)

၁၉ဝဝ ခုနှစ်မှ ၂ဝဝ၉ ခုနှစ်အကုန်အထိ ပါဝင်သော အိတ်ဆောင် နှစ်တစ်ရာပြက္ခဒိန်ဖြစ်သည်။ ရုံးသုံးပုံစံအတိုင်း ပြုလုပ်ထားသဖြင့် ကြည့်ရသည်မှာ ရိုးရှင်းလွယ်ကူလှသည်။ တစ်မျက်နှာလျှင် ၃ မျက်နှာနှုန်းဖြင့် ဖော်ပြထားပြီး လတိုင်းတွင် မြန်မာရက်၊ အင်္ဂလိပ်ရက်၊ လပြည့်၊ လကွယ်အစရှိသည်တို့ကို ပြည့်ပြည့်စုံစုံ ဖော်ပြထားသည်။ ဗေဒင်သမားများ ဇာတာဖွဲ့ရာတွင်လည်းကောင်း၊ မိမိမွေးသည့် နှစ်၊ လ၊ ရက်ကိုသိသော်လည်း မည်သည့်နေ့မှန်း မသိသူများအတွက်လည်းကောင်း အထူးအသုံးဝင်လှသည်။ တစ်အိမ်လျှင် တစ်အုပ်ဝယ်ဆောင်ထားသင့်သော စာအုပ်ဖြစ်သည်။

မြန်မာအဘိဓာန် (မြန်မာစာအဖွဲ့) (ရည်ညွန်းစာပေ (အဘိဓာန် / စွယ်စုံကျမ်း / မြေပုံ / လမ်းညွှန်စာအုပ် / … ))

မြန်မာအဘိဓာန်(အကျဉ်းချုပ်)ကို မြန်မာစာအဖွဲ့မှ ယခင်က အတွဲ(၅)တွဲ ခွဲ၍ ပြုစုထုတ်ဝေခဲ့ပြီးဖြစ်သော်လည်း၊ ယခုတစ်ဖန် တစုတစည်းတည်း ကိုင်ဆောင်အသုံးပြုရ လွယ်ကူစေရန်အတွက် က အက္ခရာမှ အ အက္ခရာအထိ ဝေါဟာရများပါဝင်သည့် ဤအဘိဓာန်ကို ပြန်လည် ပြင်ဆင်ဖြည့်စွက် တည်းဖြတ်ကာ ထုတ်ဝေထားခြင်းဖြစ်သည်။ ဝေါဟာရပေါင်း တစ်သောင်းရှစ်ထောင်ကျော်၊ သရုပ်ဖော်ပုံပေါင်း လေးရာကျော် ပါဝင်သည်။ ဘာသာစကားဆိုင်ရာ ဝေါဟာရများသာမက ပညာရပ်ဆိုင်ရာ ဝေါဟာရများပါ ထည့်သွင်းဖော်ပြထားသည်။ မြန်မာဝေါဟာရတို့၏ အသံထွက်၊ စာလုံးပေါင်းသတ်ပုံ၊ အနက်အဓိပ္ပာယ်တို့ကို အလွယ်တကူရှာဖွေကိုးကားနိုင်ပြီး ဘာသာရပ်ဆိုင်ရာ ဝေါဟာရများသာမက ပညာရပ်ဆိုင်ရာ ဝေါဟာရများကိုလည်း အထိုက်အလျောက် ထည့်သွင်းထားသည်ကို တွေ့ရသည်။ မြန်မာစာနှင့် မကင်းသော မြန်မာလူမျိုးတိုင်း တစ်အိမ်တစ်အုပ် ဆောင်ထားသင့်သော စာအုပ်ဖြစ်သည်။

ဟင်းလက်ရာ ၁၀၁ မျိုး (Wutyee Food House) (ချိုဝတ်ရည် ((Wutyee Food House)) (အချက်အပြုတ်)

မြန်မာချက်ပြုတ်နည်း၊ ထိုင်းချက်ပြုတ်နည်း၊ တရုတ်ချက်ပြုတ်နည်း၊ အိန္ဒိယချက်ပြုတ်နည်း၊ အနောက်တိုင်းချက်ပြုတ်နည်း၊ ဒင်းဆမ်းလုပ်နည်း၊ ဘာဂါလုပ်နည်း၊ ကင်နည်းအမျိုးပေါင်း ၁ဝ၁ဝ မျိုး ပြုလုပ်နည်းများကို ပါဝင်သော ပစ္စည်းအချိုးအဆ၊ ချက်ပြုပ်ပုံအဆင့်ဆင့်နှင့်တကွ ရှင်းလင်းရေးသားထားသော စာအုပ်ဖြစ်သည်။ တစ်အုပ်လုံးကို ကြွေစက္ကူများသုံး၍ ရိုက်နှိပ်ထားသည့်အပြင် ဟင်းလျာများ၏ ရောင်စုံဓာတ်ပုံများကိုပါ ထည့်သွင်းဖော်ပြပေးထားသည်ကို တွေ့ရသည်။

ကမ္ဘာကျော် မင်းကွန်းထေရ်ရှင် ဆရာတော်ဘုရားကြီး သက်တော်ရာပြည့် အထိမ်းအမှတ် (၁၂၇၃ - ၁၃၇၃) (ဘဒ္ဒန္တသီလက္ခန္ဓာဘိဝံသ) (အတ္ထုပ္ပတ္တိ / ကိုယ်တွေ့မှတ်တမ်း)

မင်းကွန်းဆရာတော်၏ သက်တော်သည် ယခု ၁၃၇၃ ခုနှစ်တွင် နှစ် ၁ဝဝ ပြည့်မည်ဖြစ်ရာ ယခုစာအုပ်မှာ ဆရာတော်ကြီး၏ ရာပြည့်အထိမ်းအမှတ်အဖြစ် ထုတ်ဝေလိုက်ခြင်းဖြစ်သည်။ ပဌမ တိပိဋကဓရ မင်းကွန်းဆရာတော်ဘုရားကြီး ဘဒ္ဒန္တဝိစိတ္တသာရာဘိဝံသ၏ မွေးဖွားခဲ့ချိန်မှ စတင်ကာ ပညာသင်ကြားခဲ့ပုံများ၊ ငယ်စဉ်ကပင် စာပေထူးချွန်ခဲ့ပုံ၊ စာမေးပွဲများကို ထူးချွန်စွာ အောင်မြင်ခဲ့ပုံ၊ မင်းကွန်းဒေသသို့ ရောက်ရှိလာပုံ၊ ဆရာတော်၏ စာပေလေ့လာပုံ နည်းစနစ်၊ တိပိဋကဓရဖြေရန် အကြောင်းဖန်လာပုံ၊ ၅ နှစ်တိုင်တိုင် အဆိုပါစာမေးပွဲအတွက် ပြင်ဆင်ကျက်မှတ်ခဲ့ရပုံ၊ ကြိုးစားမှုနှင့် ထိုက်တန်စွာ ပထမဆုံး တိပိဋကဓရကို ရရှိခဲ့ပုံ၊ တစ်ချိန်တည်းမှာပင် ကမ္ဘာ့မှတ်ဉာဏ်အကောင်းဆုံးအဖြစ် ဂင်းနစ်မှတ်တမ်း ဝင်ခဲ့ပုံ၊ ရဟန်းရှင်လူ ပညာရှိများ လက်ဖျားခါခဲ့ရသည့် မဟာဗုဒ္ဓဝင်ကျမ်းကို ပြုစုခဲ့ပုံ၊ တိပိဋကကျောင်းတော်များ၊ နိုင်ငံတော် ပရိယတ္တိသာသနာ့ တက္ကသိုလ်များ၊ ကျောင်းထိုင်ဘုန်းကြီးသင်တန်းကျောင်းများ ဦးစီးတည်ထောင်ပေးခဲ့ပုံ၊ ဆရာတော်၏ ကြည်ညိုဖွယ် မိဘကျေးဇူးသိတတ်ပုံ၊ ဆရာတော်ကြီး၏ စိတ်နေသဘောထားနှင့် ဝိနည်းလေးစားမှု၊ အသက်ကြီးလာ၍ ဇရာထောင်းလာသည်နှင့်အမျှ ကျန်းမာရေး ချွတ်ယွင်းလာပုံ၊ ဖိဖိစီးစီး ကျန်းမာရေး စောင့်ရှောက်ကုသပေးနေသည့် ကြားမှ သွေးအန်ဝေဒနာခံစားပြီး တစ်ဘဝဇာတ်သိမ်း၍ ချုပ်ငြိမ်းတော်မူခဲ့ပုံများကို ဆရာတော်ကြီး၏ တပည့်ရင်းဖြစ်သူ စာရေးသူဆရာတော်က အသေးစိတ် ပုံဖော်ရေးသားထားသည်။

ပညာကြယ်ပွင့် စာစီစာကုံးများ (ဦးရဲဝေ (မြန်မာစာ)) (ပညာရေး)

ဆရာဦးရဲဝေရေးသားသည့် စံပြ စာစီစာကုံး ၅၂ ပုဒ်ကို စုစည်းကာ စာအုပ်အဖြစ် ထုတ်ဝေထားခြင်း ဖြစ်သည်။

မြန်မာ - အင်္ဂလိပ် အဘိဓာန် (Myanmar - English Dictionary) (မြန်မာစာအဖွဲ့) (ရည်ညွန်းစာပေ (အဘိဓာန် / စွယ်စုံကျမ်း / မြေပုံ / လမ်းညွှန်စာအုပ် / … ))

မြန်မာစာအဖွဲ့ဦးစီးဌာနမှ ထုတ်ဝေသည့် တစ်ခုတည်းသော မြန်မာ - အင်္ဂလိပ် အဘိဓာန်ဖြစ်သည်။ မြန်မာအခေါ်အဝေါ်သိရုံနှင့် သူ၏အင်္ဂလိပ်ဝေါဟာရကို သိနိုင်အောင် စီစဉ်ထားသည်။ English Phoneticကိုပါ ထည့်သွင်းပေးထားသောကြောင့် မြန်မာဘာသာကို စိတ်ဝင်စားသည့် နိုင်ငံခြား သားများအတွက်လည်း အသုံးဝင်မည်ဖြစ်သည်။ ဝေါဟာရတစ်လုံးကို တွဲလုံးများကိုပါ ပုံများနှင့်တကွ ရှင်းလင်းထားသည်။ မြန်မာ - အင်္ဂလိပ်အဘိဓာန် ဆိုဒ်ကြီးစာအုပ်များအနက် အပြည့်စုံဆုံး၊ မူအမှ န်ဆုံးစာအုပ် ဖြစ်သည်။ မူလတည်ပုဒ် အရေအတွက် နှစ်သောင်းခုနစ်ထောင်ကျော် ပါရှိပြီး ယခုအကြိမ်တွင် ခေတ်ပေါ်ဝေါဟာရအပါအဝင် တည်ပုဒ်ပေါင်း သုံးထောင်ကျော် ဖြည့်စွက်ထားသည်။ (သယ်ဆောင်ရ လွယ်ကူစေရန် အရွယ်အစားကို Size ကြီးနှင့် Size လတ် ဟူ၍ ၂ မျိုး ထုတ်ဝေထားသော်လည်း အရွယ်အစားမှလွဲ၍ အားလုံးသည် အတူတူပင် ဖြစ်သည်။)

သုံးပွင့်ဆိုင် အချစ်စစ်ပွဲ (ချားလ်စ်၊ ဒိုင်ယာနာနှင့် ကမီလာ) (ရွှေကူမေနှင်း) (အတ္ထုပ္ပတ္တိ / ကိုယ်တွေ့မှတ်တမ်း)

ကမ္ဘာကျော်အချစ်ဇာတ်လမ်းတစ်ပုဒ်ဖြစ်သည့် ချားလ်စ်၊ ဒိုင်ယာနာနှင့် ကမီလာတို့၏ အချစ်ဇာတ်လမ်းကို အသေးစိတ်ဖွင့်ချထားသော စာအုပ်ဖြစ်သည်။ ငယ်ကချစ် အနှစ်တစ်ရာ မမေ့သာ ချားလ်စ်၊ အချစ်ကြီးသလို အမျက်ကြီးသည့် လူထု၏ အချစ်တော် ဒိုင်ယာနာ၊ ဗီလိန်အဖြစ် သတ်မှတ်ခြင်းခံရသည့် ကမီလာတို့အကြောင်းကို ချားလ်စ်မင်းသား ငယ်စဉ်ဘဝ ကမီလာနှင့် တွေ့ဆုံချစ်ကြိုက်မိခဲ့စဉ်ကစတင်ကာ ဒိုင်ယာနာနှင့် လက်ထပ်ပြီး အိမ်ထောင်ပြိုကွဲ၊ နောက်ဆုံး ဒိုင်ယာနာတစ်ယောက် အသေဆိုးနှင့် သေရသည်ပြီး ငယ်ချစ်နှစ်ဦး လက်ထပ်သည်အထိ အများပြည်သူမသိသေးသည့် အဖြစ်အပျက်များကို အစအဆုံး ဖွင့်ချပြထားသည်။ မူရင်းစာအုပ်မှာ Caroline Graham၏ Camilla and Charles The Love Storyဖြစ်သည်။