New Arrivals of Myanmar Books

သူတွေး ကိုယ်တွေး Quotations (အင်္ဂလိပ် + မြန်မာ) (အော်ပီကျယ်) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

အပတ်စဉ်ထုတ် ရွှင်ပြုံးဂျာနယ်ပါ စာရေးသူ၏ Quotation ကာတွန်းသရုပ်ဖော် ဇာတ်လမ်းတိုများကို စုစည်းထုတ်ဝေထားခြင်းဖြစ်သည်။ Quotationများကို အင်္ဂလိပ် + မြန်မာနှစ်ဘာသာဖြင့် ဖော်ပြထားသည့်အပြင် ကာတွန်းအော်ပီကျယ်၏ ထိမိသော ကာတွန်းသရုပ်ဖော်ချက်များကိုပါ ထည့်သွင်းပေးထားသည့်အတွက် အပျင်းလည်းပြေ၊ ပညာလည်းရစေမည့် စာအုပ်ကောင်းတစ်အုပ်ဖြစ်သည်။ နမူနာ ကာတွန်းကွက်နှင့် စာရေးသူ၏ အမှာစာကို စာမြည်းရန်တွင် ဖတ်ရှုနိုင်ပါသည်။

ဖေဖေ့စိတ်ကူး ပန်းချီကားများ (ဒေါက်တာခင်လက်ျာ) (အနုပညာ / ဖျော်ဖြေရေး)

တက္ကသိုလ် သပိတ်ကျောင်းသား ခေါင်းဆောင်၊ တို့ဗမာအစည်းအရုံး အလုပ်အမှုဆောင်၊ ရဲဘော်သုံးကျိပ်ဝင်၊ တပ်မတော် အရာရှိ၊ ဒု ဝန်ကြီးချုပ်၊ ကာကွယ်ရေးဝန်ကြီးဟောင်း ဗိုလ်လကျ်ာ (သခင်လှဖေ)၏ နှစ်တစ်ရာပြည့် အမှတ်တရအဖြစ် သူရေးဆွဲခဲ့သော ပန်းချီကားများအကြောင်းကို သမီးဖြစ်သူ စာရေးသူက ဆောင်းပါးများခွဲ၍ ခံစားတင်ပြထားခြင်းဖြစ်သည်။ ပန်းချီကို ပညာရှင်အဆင့်နီးပါး ရေးဆွဲနိုင်ခဲ့သည့် ဖခင်ဖြစ်သူ၏ ပန်းချီပညာပါရမီနှင့် လေ့လာသင်ယူမှုများ၊ မည်သို့သော် စိတ်ခံစားမှုဖြင့် ရေးဆွဲခဲ့ပုံများ၊ အင်းစိန်ထောင်၌ အကျဉ်းကျစဉ်အချိန်မှာပင် ပန်းချီဆွဲ၍ စိတ်ထွက်ပေါက်ပေးခဲ့ပုံ၊ သူရေးဆွဲခဲ့သော ပန်းချီကားများနှင့် ပတ်သက်၍ အခြားသူများ၏ ဝေဖန်သုံးသပ်ချက်များကို မူရင်းပန်းချီကားဓာတ်ပုံများနှင့်အတူ စိတ်ဝင်စားဖွယ် ဖတ်ရှုကြရမည်ဖြစ်သည်။

အမေရေယဉ် (မယ်တော်လေးပါး နတ်မှော်ဆေးဂိုဏ်းတော်ကြီး ဝိဇ္ဇာနတ်လမ်း မှော်ဘုံကျမ်း) (ဂမ္ဘီရ စိန္တာမယ ဆရာနန်းအောင်လှိုင်) (ဗေဒင် / လက္ခဏာ / သမထ / ဂမ္ဘီရ / စိတ်ဝိဉာဉ်ပိုင်းဆိုင်ရာ)

အညာတစ်ခွင်မှစ၍ မြန်မာပြည် တနံတလျား အလွန်ထင်ရှားသော နတ်ဒေဝီ မယ်တော်တစ်ပါး ဖြစ်သည့် အမေရေယဉ်နှင့် ကျန်အစ်မတော်များဖြစ်ကြသည့် မယ်တော်လေးပါးတို့၏ ပညာစခန်းအကြောင်း၊ ကိုးကွယ်ပူဇော်ပသနည်း၊ သမိုင်း၊ အမေရေယဉ် မှော်ဝင်ဆေးသိဒ္ဓိ ဖော်စပ်နည်း အစရှိသည်တို့ကို မှတ်တမ်းတင် ရေးသားထားသော စာအုပ်ဖြစ်သည်။

ငါတို့ ဘာလို့စာမဖတ်ဖြစ်တော့တာလဲ (နည်းပညာခေတ်မှာ စာဖတ်ခြင်းဓလေ့ ပျောက်ကွယ်သွားရတဲ့ အကြောင်းအရင်းများ) (အိမ်းထက်မွန်) (သုတစာပေ)

တစ်ချိန်က ဖယောင်းတိုင်မီး၊ ရေနံဆီမီးခွက်အောက်မှာတောင် ထမင်းမေ့, ဟင်းမေ့ စာဖတ်ခဲ့ကြသူများသည် ယနေ့ခေတ်တွင် စာအုပ်တစ်အုပ် ပြီးဆုံးအောင်ဖတ်ဖို့ ဘာလို့ ဒီလောက်အထိ ခက်ခဲသွားကြပုံ၊ စာအုပ်တွေ ဘာကြောင့်သေဆုံးပြီး စာဖတ်သူတွေ ဘာကြောင့် ပျောက်ကွယ်သွားရခြင်း၏ အကြောင်းရင်း၊ ပျောက်ဆုံးလာသည့် စိတ်ငြိမ်းချမ်းမှုကို စာဖတ်ခြင်းအလေ့အထမှတဆင့် မည်သို့ရနိုင်ပုံကို အပိုင်း (၄) ပိုင်းခွဲ၍ ရေးသားရှင်းလင်းထားခြင်း ဖြစ်သည်။

ဟိုတစ်ချိန်က ဒေါက်တာရမ်းကု (ရွှေဘိုသီရိမာလာ) (ဝတ္ထုရှည်)

ဆရာဝန်မဟုတ်သော ဒေါက်တာရမ်းကုများအပေါ် မြန်မာပြည်အနှံ့မှ ရိုးသားသော ကျေးလက်လူထု၏ အားကိုးစိတ်နှင့် ထိုထိုဒေါက်တာရမ်းကုများအကြောင်းကို ခင်ပွန်းဖြစ်သူ ကျန်းမာရေးမှူးတာဝန်ကျရာနေရာများသို့ အတူလိုက်နေရာမှ သိရှိခဲ့သူ စာရေးသူက ဝတ္ထုအဖြစ် ရေးသားထားခြင်း ဖြစ်သည်။

The Bubbles in the Universe: Spiritual Relationship (မွန်ဟော်စီ (Mon Halsey), Zin (Inner Light)) (လူမှုရေးနှင့် စိတ်ပညာ)

လူတွေအကြားက Spiritual Relationship အကြောင်း၊ မိမိနှင့်မတူသည့် လူတစ်ယောက်ကို နားလည်ဖို့ ကြိုးစားခြင်း၊ မိမိတုံ့ပြန်မှုကို ပြန်လည်သုံးသပ်ခြင်းနဲ့ ဆက်ဆံရေးတစ်ခုအတွင်း ဖြစ်, ပျက်ခဲ့တဲ့ အရာတွေကို ရိုးသားစွာ လက်ခံကြည့်ခြင်းတို့ကနေ မိမိအကြောင်းကို ပိုသိလာနိုင်ပုံ၊ Soul Connection လို့ ခံစားရသည့် ရင်းနှီးမှုများအကြောင်း၊ ရှင်းပြရခက်တဲ့ ဆွဲငင်မှုများအကြောင်း၊ Relationship တစ်ခုထဲမှာ တကယ်ဖြစ်ပျက်နေတဲ့ လူ့စိတ်၊ Ego၊ Attachment၊ Boundary နှင့် နာကျင်မှုများအကြောင်းကို ရှင်းလင်းရေးသားထားသော စာအုပ်ဖြစ်သည်။

လူငယ်လူရွယ်တို့အတွက် ဘဝစာပေနှင့် လူတော်လူကောင်း (သိင်္ခသူ) (ကဗျာ / အက်ဆေး / ပေးစာ / မိန့်ခွန်း / ဟောပြောချက်)

လူငယ်များ ခွန်အားဖြစ်စေရန်၊ အားသစ် မာန်သစ်ဖြင့် အရာရာကို ကျော်ဖြတ်နိုင်စေရန်၊ ဘဝအခက်အခဲများကို ပညာဖြင့် ဖြေရှင်းနိုင်ကြစေရန် ရည်ရွယ်၍ ရေးသားထားသော စာစုများ ပါရှိသည့် စာအုပ်ဖြစ်သည်။

လူ့သဘော လူ့မနော အကျယ်ပေါင်းချုပ်ကျမ်း (ကိုနေ (မန်း)) (သုတစာပေ)

Description: ‘The 48 Laws of Power’ စာအုပ်ကို ရေးသားသူ အမေရိကန်စာရေးဆရာနှင့် ပညာရှင် Robert Greene ရေးသားသည့် Concise Laws Of Human Nature စာအုပ်ကို ဘာသာပြန်ဆိုထားခြင်း ဖြစ်သည်။ ဘဝအတွက် ရုန်းကန်ရှင်သန်ကြရာတွင် တွေ့ကြုံရမည့် လူမှုပေါင်းသင်း ဆက်ဆံရေးဆိုင်ရာ အခက်အခဲများနှင့် ၎င်းတို့ကို ကျော်လွှားနိုင်ရန် လမ်းညွှန်ချက်များကို အကျယ်တဝင့် ရှင်းလင်းရေးသားထားသော စာအုပ်ဖြစ်သည်။ လူမှုပေါင်းသင်းဆက်ဆံရေးဆိုင်ရာ အထူးပြုရေးသားထားသော စာအုပ်ဖြစ်ပြီး မိမိပတ်ဝန်းကျင်ရှိ လူတို့၏ အမူအကျင့်အား ခန့်မှန်းလျက် ထိုသူ၏ စိတ်နေစိတ်ခံသဘောထား နားလည်သဘောပေါက်နိုင်မည့် နည်းလမ်းများ၊ အဆိုးဆုံး အကျင့်စရိုက်ကို အသုံးချပြီး အကောင်းဆုံးရလဒ်ဖြစ်အောင် ပြောင်းလဲနည်းများကို ဖတ်ရှုကြရမည် ဖြစ်သည်။

လူသိရှင်ကြား တောလားများ (စံတော်ချိန်သတင်းစာပါ ဆောင်းပါးများ) (သန်းလင်း (ရွှေချောင်း - ပခုက္ကူ)) (ခရီးသွား / ပထဝီဝင်)

အလောင်းတော်ကဿဖဘုရားဖူးခရီး၊ ပခန်းကြီးနယ်၊ ရှင်မတောင်ဒေသ၊ အမရပူရဒေသ၊ အင်းဝအနီးဝန်းကျင်ဒေသ၊ ယောဒေသ၊ ပုဂံဒေသ အပါအဝင် မြန်မာပြည်အနှံ့ခရီးသွားရင် ရရှိခဲ့သည့် အတွေ့အကြုံများ၊ ရောက်ရှိရာ အညာဒေသ၏ စာပေ၊ ယဉ်ကျေးမှု၊ အနုပညာ၊ ရိုးရာဓလေ့ပုံရိပ်များကို ခရီးသွားဆောင်းပါးများအဖြစ် ရေးသားမျှဝေထားခြင်း ဖြစ်သည်။

တော်ဝင်မင်းသား မင်းသမီးလေးများ၏ အနောက်တိုင်းရာဇဝင်သမိုင်း (ဘီစီ ၃၃၆ မှ အေဒီ ၁၇၈၅) (ဦးတိုး (တက္ကသီလ)) (သမိုင်း)

Mabel Quiller-Couch ရေးသားသည့် Children in History စာအုပ်ကို ဘာသာပြန်ဆိုထားခြင်း ဖြစ်သည်။ လန်ဒန်မျှော်စင်ထက်မှ မင်းသားငယ် နှစ်ပါး၊ ဆူဝီဒင် ဘုရင် Gustavus I၊ အင်္ဂလန်ဘုရင် အက်ဒဝပ် (၆)၊ ချားလ်စ် (၁) ၏ သမီးတော် အဲလိဇဘက် မင်းသမီးအပါအဝင် ကမ္ဘာ့သမိုင်းတွင် အမှန်တကယ် ဖြစ်ပျက်ခဲ့သည့် ကလေးငယ် / လူငယ်မင်းသား၊ မင်းသမီးများ၏ စိတ်ဝင်စားဖွယ် သမိုင်းကြောင်းကို ဖတ်ရှုကြရမည် ဖြစ်သည်။